ភាពស្លេកស្លាំង គ្មានកម្លាំង ឬថាមពល ដើម្បីបំពេញតម្រូវការសកម្មភាពប្រចាំថ្ងៃ គឺជាកត្តាហានិភ័យចម្បងមួយបង្ហាញពីបញ្ហាគ្រាប់ឈាម ឬជាជំងឺគ្រាប់ឈាមកង្វះសារជាតិចិញ្ចឹម បញ្ចូលទៅកាន់សរីរាង្គកាយផ្សេងៗទៀតមិនបានគ្រប់គ្រាន់។ បញ្ហានេះ អាចបណ្ដាលមកកត្តារបបអាហារសំខាន់ជាងគេ បង្កឱ្យមុខងារឈាមនៅក្នុងសរីរាង្គកាយត្រូវធ្លាក់ចុះខ្សោយ នាំឱ្យប្រព័ន្ធភាពសុំាសរីរាង្គកាយទាំងមូលងាយប្រឈមទៅនឹងជំងឺផ្សេងៗ។

កត្តានេះដែរ បើតាមប្រភព verywellfamily បានលើកឡើងនូវក្រុមបន្លែ ផ្លែឈើ និងសាច់ ចំនួន៥មុខមានអត្ថប្រយោជន៍បំផុតក្នុងការបំពេញគ្រាប់ឈាម ជាមួយនឹងមុខងាររបស់សារជាតិចិញ្ចឹមខ្លឹមៗ៖

១. ផ្លែទម្លាប់៖ វីតាមីន A និង C ខ្ពស់ មាននៅក្នុងផ្លែទម្លាប់ ដើរតួនាទីយ៉ាងសំខាន់ក្នុងការគ្រប់គ្រងកោសិកាឈាម។ លក្ខណៈពិសេសនៃ វីតាមីន A អាចផ្សាភ្ជាប់ពាក់ព័ន្ធនឹងការបង្ការបញ្ហាបង្ករោគស្លេកស្លាំងតាមរយៈយន្តការជីវសាស្រ្តចម្រុះ ដូចជាការពង្រឹងការលូតលាស់នៃប្រព័ន្ធភាពស៊ាំប្រឆាំងទៅនឹងមេរោគ កាត់បន្ថយភាពស្លេកស្លាំង និងការប្រមូលផ្តុំដែកចូលទៅបំពេញនៅក្នុងកោសិកា។

២. មើមយ៉េន៖ ​មើមយ៉េន​ មានសមត្ថភាពខ្ពស់ ជួយដល់អ្នកដែលមានបញ្ហាលើសឈាម បន្ថយកម្រិតសម្ពាធឈាម ស៊ីស្តូលិក និង diastolic ឱ្យមានតុល្យភាពក្នុងរាងកាយ។ មើមយ៉េន ក៏មានសារធាតុនីត្រាត ដែលវាបំលែងទៅជាទ្រីអុកស៊ីតផងដែរ ដែលជាម៉ូលេគុល ជួយទៅពង្រីកសរសៃឈាម ធ្វើឱ្យសម្ពាធឈាមធ្លាក់ចុះមកប្រក្រតីវិញ។

៣. សាច់ទ្រូងមាន់ និងសាច់ឥតខ្លាញ់៖ អាហារសម្បូរប្រូតេអ៊ីន ដូចជាសាច់គ្មានខ្លាញ់ និងសាច់ទ្រូងមាន់ មានជាតិស័ង្កសីខ្ពស់ ដែលជាសារធាតុរ៉ែនេះនឹងបង្កើនកោសិកាឈាមស និងកោសិកា T ដែលប្រឆាំងនឹងការឆ្លងមេរោគក្នុងឈាម និងសរីរាង្គកាយ។

៤. បន្លែបៃតង៖ បន្លែស្លឹកពណ៌បៃតង (ស្ពៃខ្មៅ ខាត់ណា សាឡាត់...) ត្រូវបានគេដឹងថា មានផ្ទុកទៅដោយសារជាតិដែកដ៏សម្បូរបែប ជួយចូលទៅបំពេញគ្រាប់ឈាមនៅក្នុងសរីរាង្គកាយអ្នកទទួលទាន។ ជាងនេះទៀតសម្រាប់ស្ត្រីមានផ្ទៃពោះ និងស្ត្រីសម្រាលកូនរួច ការទទួលទាននូវក្រុមអាហារប្រភេទនេះ គឺរឹតតែមានគុណប្រយោជន៍ធំសម្រាប់សុខភាពម្តាយ និងទារក។

៥. ស៊ុត៖ ស៊ុតផ្ទុកទៅដោយវីតាមីនB12 ដែលជាសារធាតុចិញ្ចឹមដ៏សំខាន់ដែលជួយរាងកាយបង្កើត DNA ចិញ្ចឹមខួរក្បាល ប្រព័ន្ធសរសៃប្រសាទ និងបង្កើតកោសិកាឈាមក្រហម។ សម្រាប់បុគ្គលដែលទទួលទាននូវប្រភេទវីតាមីន B12 បានគ្រប់គ្រាន់ គឺអាចការពារខ្លួនពីការកើតជំងឺសើស្បែក បញ្ហាភ្នែកខ្សោយ និងបញ្ហាសរសៃប្រសាទផ្សេងៗ បង្កឱ្យងាយប្រឈមនឹងជំងឺរួមមាន វង្វេងរង្វាន់ ជំងឺក្រិនច្រើនប្រភេទ ជំងឺ​សរសៃឈាម​បេះដូង ជំងឺ (Autoimmune) និងមហារីក...៕

ប្រភពបន្ថែម៖ Healthline

អត្ថបទដោយ៖ ប៉ាវ ភក្តី