មូលហេតុខ្វះគ្រាប់ឈាមក្រហម គឺមកពីខ្វះជាតិដែកនៅក្នុងខ្លួន ដែលជាដើមហេតុនាំឱ្យ ចេញជារោគសញ្ញា អស់កម្លាំង ញ័រទ្រូង ស្លេកស្លាំង ជ្រុះសក់ ឧស្សាហ៍ក្ដៅខ្លួន ជាពិសេស ចង្វាក់បេះដូងចេះតែលោតខុសធម្មតា រួមទាំងបញ្ហាសុខភាពសំខាន់ៗជាច្រើនទៀត។

ឈប់បារម្ភទៅ អាហារទាំងប៉ុន្មានមុខនេះ អាចជួយឱ្យអ្នកមានបញ្ហាខ្វះជាតិដែក បង្កជាបញ្ហាខ្វះគ្រាប់ឈាមក្រហមនាំឱ្យចេញរោគសញ្ញាស្លេកស្លាំងខ្លាំងនិងជ្រុះសក់ឡើងមក គួរកុំរំលងក្រុមអាហារជួយស្រួបជាតិដែកទាំងនេះ។

-ផ្លែឈើបន្លែស្លឹកបៃតង៖ មានដូចជា ខាត់ណា មើមយ៉េន ម្ទេសក្រហម ម្ទេសខៀវ ម្ទេសលឿន ផ្លែទទឹម ផ្លែស្រ្តបឺរី ផ្លែក្រូច ប្រទាលកន្ទុយក្រពើ ដំឡូងផ្អែម ស្ពៃ ក្រូចឆ្មារ…ប្រភេទបន្លែផ្លែឈើទាំងនេះ គឺសម្បូរដោយវីតាមីនស៊ី ដែលល្អសម្រាប់រាងកាយស្រួកយកជាតិដែក ជួយបង្កើនគ្រាប់ឈាមក្រហម ការពារនិងកាត់បន្ថយភាពស្លេកស្លាំងរបស់ស្រ្តី ។ តួយ៉ាងស្រ្តីអាចជ្រើសរើសញុំាប្រភេទបន្លែផ្លែឈើទាំងអស់នេះបាន ដើម្បីជំនួយឈាម។

-គ្រឿងសមុទ្រនិងសាច់៖ មានដូចជាអ័យស្ទ័រ ត្រីសាល់ម៉ុន ធូណា ស៊ុត សាច់គោ សាច់ចៀម សាច់មាត់ ថ្លើមសត្វ ខ្យង បង្គា បង្កងជាដើម សុទ្ធតែជាប្រភេទអាហារដែលជំនួយរាងកាយ ការពារការខ្វះគ្រាប់ឈាម បង្កជាអាការស្លេកស្លាំង រួមទាំងបង្កជាជំងឺជាច្រើនទៀត គួរញុំាអាហារទាំងនេះ ឱ្យបានគ្រប់គ្រាន់។

-គ្រាប់ធញ្ញជាតិ៖ មានដូចជាប្រភេទគ្រាប់ស្វាយចន្ទី គ្រាប់ល្ពៅ គ្រាប់ផ្កាឈូករ័ត្ន គ្រាប់សណ្ដែកដី គ្រាប់វ៉ាល់ណាត់ គ្រាប់រីករាយ និងប្រភេទគ្រាប់ធញ្ញាជាតិច្រើនប្រភេទទៀតគឺមានប្រយោជន៍សម្រាប់ជួយកាត់បន្ថយនិងការពារភ្លាមស្លេកស្លាំងបានដូចគ្នា។

ជារួមមកក្រុមអាហារទាំងអស់នេះ អាចជួយសុខភាព ការពារភាពស្លេកស្លាំងកើត ឡើង ញុំាទៅជួយឱ្យរាងកាយស្រួបយកជាតិដែក បង្កើតជាគ្រាប់ឈាមក្រហមគ្រប់គ្រាន់ សម្រាប់ទ្រទ្រង់សុខភាព ដូច្នេះសូមញុំាឱ្យបានគ្រប់គ្រាន់៕

អត្ថបទដោយ៖ ប៉ែត ធីតា

ប្រភព៖ healthline