១. គ្រាប់ជីត្រាំរួចលាយជាមួយនឹងទឹកដោះគោស្រស់មួយកែវផឹកជារៀងរាល់ព្រឹក និងយប់ មានអត្ថប្រយោជន៍ខ្ពស់ក្នុងការជួយសម្រួលដល់សុខភាពក្រពះពោះវៀនឱ្យមានដំណើរការល្អ បាត់បន្ថយការឃ្លាន និងជួយសម្រួលដល់ការបន្ទោរបង់ឱ្យបានទៀតទាត់។ ទន្ទឹមនឹងនេះទៀតសោត ទឹកដោះគោជាមួយគ្រាប់ជី ក៏មានប្រយោជន៍ក្នុងការជួយជំរុញកោសិកាស្បែកឱ្យមានសុខភាពល្អ ពន្យាភាពចាស់ កាត់បន្ថយស្នាមជ្រីញជ្រួញ ហើយអ្ន​កនឹងមានអារម្មណ៍ថាសូម្បីតែគីឡូរបស់អ្នកក៏ស្រកដែរ។

២. នៅក្នុងផ្លែប៉ោម១ផ្លែមានផ្ទុកជាតិសរសៃ pectin ប្រមាណជា​ ៤.៥ ក្រាម។ ជាតិសរសៃនេះវាមានតួនាទី បំបែកកាកសំណល់ក្នុងពោះវៀន ជួយឱ្យអ្នកមានអារម្មណ៍ឆ្អែតបានយូរបន្ទាប់ពីញ៉ាំ ។ ផ្លែប៉ោមមួយផ្លែក្នុងមួយថ្ងៃអាចជួយដុតខ្លាញ់ក្បាលពោះបាន បើទោះបីជាផ្លែប៉ោម មានផ្ទុកជាតិស្ករក៏ដោយ អ្នកមិនចាំបាច់ព្រួយបារម្ភអំពីការកើនឡើងជាតិស្ករក្នុងឈាមនេះទេ ដោយសារតែជាតិសរសៃក្នុងផ្លែប៉ោមវាជួយបន្ថយការស្រូបយកជាតិស្ករក្នុងឈាម ហើយកាត់ជាតិខ្លាញ់ផងដែរ។

៣. ចំពោះតែរុក្ខជាតិ មានដូចជាតែ តែខ្ញី តែ rosehip និងតែ hibiscus តែទាំងនេះ គឺសុទ្ធជាប្រភេទតែ មានប្រយោជន៍ជួយសុខភាព ពិសេសញុំាទៅជួយដុតរំលាយខ្លាញ់ ដែលមាននៅក្នុងខ្លួន ជួយសម្រកគីឡូបានពេញ១តួខ្លួន ដូច្នេះ សម្រាប់អ្នកដែលធាត់ៗមានគីឡូថធ្ងន់អាចសាកល្បងផឹកតែរុក្ខជាតិបាន។ 

ដូច្នេះហើយ! អ្នកគួរហាត់ប្រាណបន្ថែមផង ដើម្បីពង្រឹងសាច់ដុំឱ្យរឹងមាំ។ មានទម្លាប់មួយចំនួនទៀត អ្នកគួរធ្វើនោះគឺគេងឱ្យបានគ្រប់៨ម៉ោង និងផឹកទឹកឱ្យបានបួនលីត្រដើម្បីទ្រទ្រង់សុខភាព ហើយពេលអ្នកស្រកគីឡូគ្មានផផលប៉ះពាល់សុខភាពនោះទេ៕ អត្ថបទដោយ៖ ទ្រ សុភាព