១. ឪឡឹក៖ ផ្លែឪឡឹកមានផ្ទុក L-citrulline  អាស៊ីតអាមីណូមួយដែលបំលែងទៅជាអុកស៊ីដអាសូត ដែលជួយពង្រីកសរសៃឈាម និងធ្វើឱ្យប្រសើរឡើងនូវចរន្តឈាម។ ទឹកឪឡឹកក៏បំពេញថាមពល និងអុកស៊ីសែននៅក្នុងឈាមផងដែរ ដែលជួយដល់ការចិញ្ចឹមកោសិកាបានកាន់តែប្រសើរ។

២. សាច់គោ៖ សាច់គោគឺជាប្រភពឈានមុខគេនៃជាតិដែក ដែលងាយស្រូបយក ជួយបង្កើនឈាម និងការពារភាពស្លេកស្លាំងដោយសារខ្វះជាតិដែក។ ជាតិដែកដ៏ច្រើនលើសលប់នៅក្នុងសាច់គោនឹងធ្វើឱ្យប្រសើរឡើងនូវការជញ្ជូនអុកស៊ីសែន ជំរុញចរន្តឈាមប្រកបដោយប្រសិទ្ធភាព។

៣. ម្ទេសកណ្ដឹងក្រហម៖ នៅក្នុងម្ទេសកណ្ដឹងក្រហមសម្បូរទៅដោយវីតាមីន C ប៉ូតាស្យូម និងសារធាតុប្រឆាំងអុកស៊ីតកម្ម ដែលជួយបន្ថយសម្ពាធឈាម ការពារសរសៃឈាម និងធ្វើឱ្យចរន្តឈាមប្រសើរឡើង។ អ្នកអាចចៀនម្ទេសកណ្ដឹងក្រហមជាមួយសាច់គោ ឬធ្វើវាក្នុងសាឡាដដើម្បីទទួលបានអត្ថប្រយោជនកាន់តែច្រើន។ ផ្លែស្ត្របឺរីសម្បូរទៅដោយសារធាតុ anthocyanins - សារធាតុប្រឆាំងអុកស៊ីតកម្មដ៏មានឥទ្ធិពលការពារប្រព័ន្ធសរសៃឈាមបេះដូង កាត់បន្ថយការរលាក និងជួយជំរុញលំហូរឈាម។ 

៤. ប៉េងប៉ោះ៖ ប៉េងប៉ោះផ្តល់នូវ lycopene វីតាមីន B6 និង folate ដែលជួយរំលាយ homocysteine (កត្តាមួយក្នុងជំងឺដាច់សរសៃឈាមខួរក្បាល និងគាំងបេះដូង) ខណៈពេលដែលវាក៏រារាំងអង់ស៊ីមបំលែង angiotensin ដែលរួមចំណែកដល់ការរីកសរសៃឈាម និងធ្វើឱ្យប្រសើរឡើងនូវចរន្តឈាម។ ផ្លែប៉ោមក្រហមមានផ្ទុកជាតិសរសៃរលាយ និងសារធាតុប្រឆាំងអុកស៊ីតកម្មដូចជា quercetin ដែលល្អសម្រាប់សុខភាពសរសៃឈាមបេះដូង កាត់បន្ថយកូឡេស្តេរ៉ុលអាក្រក់ និងគាំទ្រដល់ការផលិតកោសិកាឈាមក្រហម ដែលជំរុញចរន្តឈាម។

៥. ផ្លែទទឹមក្រហម៖ យោងតាមអ្នកជំនាញអាហារូបត្ថម្ភ ផ្លែទទឹមសម្បូរទៅដោយសារធាតុ polyphenols និង nitrates ដែលត្រូវបានបំប្លែងទៅជាអុកស៊ីដអាសូត ដែលជួយដល់ការរីកសរសៃឈាម បង្កើនចរន្តឈាម និងជញ្ជូនសារធាតុចិញ្ចឹម និងអុកស៊ីសែនទៅកាន់កោសិកាបានយ៉ាងមានប្រសិទ្ធភាព។ ជាពិសេស ផ្លែទទឹមក្រហមគឺល្អសម្រាប់អុកស៊ីតកម្ម ដែលជួយស្ត្រីឱ្យនៅក្មេងជាងវ័យ សម្រកទម្ងន់ និងរក្សារាងរបស់ពួកគេ៕

អត្ថបទដោយ៖ សារួ