ហានិភ័យជំងឺមហារីកមិនលេចឡើងក្នុងពេលមួយយប់ទេ វាសង្ងំកើតឡើងយ៉ាងស្ងាត់ៗ ជាច្រើន បើអ្នកមិនថែសុខភាពទេនោះ។ ជាពិសេសទម្លាប់ពេលព្រឹកត្រូវបានចាត់ទុកថាមានប្រសិទ្ធភាពបំផុតជួយអ្នកគេចចេញពីជំងឺមហារីក។ អាហារទាំង ៣នេះ ជួយកាត់បន្ថយជំងឺមហារីកមានប្រសិទ្ធភាពបំផុត។
១. អាហារពេលព្រឹកជាមួយបន្លែ និងរុក្ខជាតិជួយការពារជំងឺមហារីក។ អាហារពេលព្រឹកមានជីវជាតិជួយផ្តល់ឱ្យរាងកាយរបស់អ្នកនូវសារធាតុប្រឆាំងអុកស៊ីតកម្ម មានជាតិសរសៃ និងវីតាមីនសំខាន់ៗ ជួយការពារកោសិកាពីការខូចខាតដែលអាចកើតមាន។ ចូរអ្នកហូបអាហារពេលព្រឹកជាមួយជាមួយផ្លែប័រ ផ្លែប៉ោម ផ្លែចេក និងប្រភេទគ្រាប់ធញ្ញជាតិជាដើម។ អាហារពេលព្រឹកទាំងនេះសម្បូរជាតិសរសៃមិនត្រឹមតែជួយដល់មីក្រូជីវសាស្រ្តពោះវៀនឱ្យមានសុខភាពល្អទេ មានតួនាទីពង្រឹងប្រព័ន្ធភាពសុំារឹងមាំ និងការពារជំងឺមហារីកផងដែរ។
២. ញ៉ាំផ្លែទទឹមពេលព្រឹកមួយផ្លែជួយការពារជំងឺមហារីក។ យោងតាមវេបសាយសុខភាព Health.com បានឱ្យដឹងថា ផ្លែទទឹមមានតួនាទីការពារ ឬព្យាបាលជំងឺមហារីកផ្សេងដូចជា ក្រពេញប្រូស្ដាត សុដន់ សួត ពោះវៀនធំ និងជំងឺមហារីកឈាម។ លើសពីនេះ ផ្លែទទឹមមានជាតិសរសៃច្រើន និងសារធាតុប្រឆាំងអុកស៊ីតកម្ម polyphenols ជួយកាត់បន្ថយការរលាក ដែលអាចធ្វើឱ្យប្រសើរឡើងនូវសុខភាពក្រពះពោះវៀនផងដែរ។
៣. ពេលព្រឹកផឹកទឹកដូងខ្ចីមួយផ្លែជួយការពារតម្រងនោម និងមហារីក។ ព្រោះវាមានសារធាតុចិញ្ចឹមជាច្រើនដូចជា B3 B7 B2...អាស៊ីតហ្វូលីក កាល់ស្យូម ម៉ាញ៉េស្យូម ជាតិដែក...ហើយអ្វីដែលកាន់តែពិសេសនោះគឺវាមានផ្ទុកទៅដោយអរម៉ូនអឺដ្រូសែនដ៏សម្បូរបែប។ សូម្បីអ្នកជំនាញផ្នែកសុខភាពមានបទពិសោធន៍ ១៥ ជាងឆ្នាំ គឺលោកវេជ្ជបណ្ឌិត Chris Iliades បាននិយាយថា “ការផឹកទឹកដូងចន្លោះ៣ទៅ៥ដងក្នុងមួយអាទិត្យអាចជួយបង្ការកុំឱ្យអ្នកលើសឈាម កាត់បន្ថយហានិភ័យការគាំងបេះដូងនិងជំងឺមហារីក។
ដូច្នេះហើយ ដើម្បីការពារជំងឺមហារីកបានល្អនោះ ចូរអ្នកចៀសវាងផឹកស្រា ជក់បារី និងហាត់ប្រាណបន្ថែមនោះ ទើបអ្នកមានរស់នៅមានសុខភាពល្អ។ អត្ថបទដោយ៖ ទ្រ សុភាព