ប្រជាជននៅកោះអូគីណាវ៉ាត្រូវបានគេស្គាល់ថា ជាមធ្យមបុរសមានអាយុ ៨១ឆ្នាំ និងស្រ្តី ៨៧ឆ្នាំ។ ហើយក៏សម្បូរមនុស្សមានអាយុវែងគេដែរ ហេតុអ្វីទៅ? នេះអាថ៌កំបាំងអាយុវែងរបស់ជនជាតិជប៉ុនមានដួចជា ហ្សែន របបអាហារ របៀបរស់នៅ ខាងវិញ្ញាណ។ តាមការចុះផ្សាយគេហទំព័រ japan-avenue.com នៅក្នុងអត្ថបទនេះ បានលាតត្រដាងអាថ៌កំបាំងទាំង ៣នេះ អំពីរបៀបរស់នៅឱ្យបានយូរ សុខភាពល្អ និងអារម្មណ៍រីករាយ៖
អាថ៌កំបាំងទី ១៖ អាហារជប៉ុន៖ អាហារបែបប្រពៃណីជប៉ុន ច្រើនតែមានបាយមួយចានបូកទាំង ៣ម្ហូបមុខ និងស៊ុបមីសូ។ នៅក្នុងចំណោមគ្រឿងផ្សំសំខាន់ៗ ម្ហូបជប៉ុនមាន បន្លែ ត្រី (ត្រីសាលម៉ុន) ស៊ុត សណ្តែកសៀង សា រ៉ាយសមុទ្រ ខ្ញី និងអាហារមានជាតិ fermented ។ ជនជាតិជប៉ុនបរិភោគសាច់ និងផលិតផលទឹកដោះគោតិចតួចណាស់។ ព្រោះរបបអាហារពួកគេ សម្បូរទៅដោយសារធាតុរ៉ែ វីតាមីន ជាតិសរសៃ អូមេហ្គា៣ និងខ្លាញ់អាក្រក់តិច និងជាតិស្ករទាប។ ព្រោះអាហារល្អនាំឱ្យបំប៉ន់សុខភាព និងបន្តអាយុពួកគេឱ្យវែង។
អាថ៌កំបាំងទី ២: ច្បាប់ ៨០%៖ ការទទួលទានអាហារមានសុខភាពល្អ ប្រជាជនជប៉ុនផ្តល់អាទិភាពលើគុណភាពសំខាន់ជាងបរិមាណ។ ពួកគេគិតថា ការញ៉ាំអាហារចាំបាច់ជួយបំប៉នសុខភាព វាល្អជាងហូបអាហារតាមអារម្មណ៍នាំឱ្យធាត់ មិនស្រួលខ្លួន និងមានជំងឺ។ ពួកគេបានអនុវត្តច្បាប់មួយ Hara hachi bu បកប្រែថា ហូបអាហារ៨០% នៃក្រពះដែលមានអារម្មណ៍ថា ឆ្អែតល្មម។ ការគោរពគោលការណ៍នេះ នាំឱ្យពួកគេជៀសវាងការលើសគីឡួ និងជំងឺលើសឈាមផងដែរ។
អាថ៌កំបាំងទី ៣៖ របៀបរស់នៅបែបជប៉ុន៖ “ពិភពលោកជាកម្មសិទ្ធិអ្នកក្រោកពីព្រលឹម!" ពាក្យនេះមួយរបស់អ្នកកោះអូគីណាវ៉ា។ នៅពេលព្រឹករបស់ពួកគេ ជារឿងសំខាន់ក្នុងការរស់នៅឱ្យមានអាយុវែង និងអារម្មណ៍រីករាយ គឺពួកគេចូលចិត្តភាពស្ងប់ស្ងាត់ និងហាត់ប្រាណ ដើម្បីជៀសវាងភាពតានតឹងនឹងការងារ និងជីវិតប្រចាំថ្ងៃ។ ហើយប្រជាជនជប៉ុន ក៏វិធីសម្រាកលំហែរកាយ និងលំហែរចិត្ត ដូចជា សមាធិ ការសរសេរអក្សរផ្ចង់ ikebana (សិល្បៈផ្កា) ឬ Kodo (សិល្បៈនៃគ្រឿងក្រអូបជប៉ុន)។ ជាចុងក្រោយ ការសម្រាកនៅក្នុងអាងងូតទឹកកម្ដៅ ឬអាងហែលទឹកជាដើម។ ការសម្រាកលំហែរកាយនេះ ជួយបន្ទូរអារម្មណ៍ស្រ្តេស និងប្រយុទ្ធប្រឆាំងនឹងអារម្មណ៍រងសម្ពាធពីសង្គមផងដែរ៕ អត្ថបទដោយ៖ ទ្រ សុភាព