ជាតិដែកជាសារធាតុរ៉ែដ៏សំខាន់ក្នុងការចិញ្ចឹមរាងកាយ វាជួយផលិតកោសិកាគ្រប់ឈាមក្រហមប៉ូវប្រព័ន្ធភាពស៊ាំរឹងមាំ ហើយល្អទាំងមុខងារផ្លូវចិត្ត កម្លាំងសាច់ដុំ និងថាមពលដែរ។ បើផ្អែកតាមការចែករំលែកពីអ្នកឧកញ៉ា វេជ្ជបណ្ឌិត គួច ម៉េងលី បានបញ្ជាក់ថា ការខ្វះជាតិដែកអាចបណ្ដាលឱ្យខ្វះមេឈាមដែលហៅថា Hemoglobin ដែលវាប្រៀបដូចជារថភ្លើងដឹងជញ្ជូលអុកស៊ីសែនចូលសរីរាង្គកាយគ្រប់។ នៅពេលដែលខ្វះជាតិដែក ខ្វះមេឈាម Hemoglobin ទើបធ្វើឱ្យរាងកាយយើងមានសញ្ញាដូចជាអស់កម្លាំង មានបញ្ហាដល់បេះដូង គេងរសេះរសោះដៃជើង ឆាប់ហត់រាងម្ហេបៗ មិនរហ័សរហួន ការលូតលាស់ខ្សោយ ការចងចាំខ្សោយ សាច់ដុំឧស្សាហ៍ចុកជាដើម ស្លេកស្លាំង ដកដង្ហើមមិនដល់គ្នា វិលមុខ បេះដូងលោតខុសប្រក្រតី អណ្ដាលហើម ដំបៅជាដើម”។ នេះជាអាហារប៉ូវរាងកាយឱ្យមានជាតិដែក មានគ្រប់ឈាមឡើងវិញ។

១. អាហារមានជាតិដែក៖ បើយោងតាមគេហទំព័រសុខភាព healthline បានបញ្ជាក់ថា អាហារមានជាតិដែកល្អមាននៅក្នុងអាហារដូចជា សាច់ក្រហម គ្រាប់ល្ពៅ ផ្កាខាត់ណាខៀវ និងត្រី... វាជួយរាងកាយយើងមានកម្លាំងគ្រប់គ្រាន់ និងកុំឱ្យខ្វះគ្រាប់ឈាម។ ដូចជាអាហារសាច់គោ និងសាច់ចៀម ជាអាហារបែបសាច់សរីរាង្គដែលមានជាតិប្រូតេអ៊ីនខ្ពស់ និងសម្បូរវីតាមីន B ទង់ដែង និងសេលេញ៉ូមល្អបំផុត។

២. ទឹកក្រូចច្របាច់ស្រស់៖ យោងតាមរយៈវិទ្យាស្ថានជាតិ គ្រប់គ្រងបេះដូង សួត និងឈាម បានបញ្ជាក់ថា អាហារឬក៏ភេសជ្ជៈសម្បូរដោយវីតាមីនស៊ី គឺល្អសម្រាប់សុខភាពអាច ពេលអ្នកញុំាព្រោះមានអត្ថប្រយោជន៍ស្រូបយកជាតិដែកបានល្អទៅទ្រទ្រង់រាងកាយ ដើម្បីការពារភាពស្លេកស្លាំង និងមានកម្លាំងរាងកាយឡើងវិញ។

៣. ខ្ទឹមបារាំង៖ យោងតាមការឱ្យដឹងពីគេហទំព័រ Birlahospital ប្រាប់ថា ខ្ទឹមបារាំងនេះ មានសារធាតុផ្ទុកវីតាមីន C ម៉ង់ហ្គាណែស កាល់ស្យូម ផូស្វ័រ ជាតិដែក ហ្វូឡាត ប៉ូតាស្យូម quercetin និងស្ពាន់ធ័រ ជួយប៉ូវសុខភាព បង្កើនគ្រាប់ក្រហម ប្រឆាំងការរលាក។ អ្នកអាចយកទៅចម្អិនជាម្ហូបដូចជា ឆា ឬញ៉ាំឆៅក៏បានដែរ។

៤.ស្លឹកស្ពៃខ្មៅ និងផ្លែម្នាស់៖ វាជាប្រភេទបន្លែផ្លែឈើដែលផ្ទុកជាតិដែកច្រើនបំផុត។ វាមានតួនាទីទៅបង្កើន និងបំពេញគ្រាប់ឈាមក្រហមនៅក្នុងរាងកាយឱ្យគ្រប់គ្រាន់ និងជួយបង្កើនអ៊ុកស៊ីសែនឱ្យរាងកាយផងដែរ។ នេះជាអាហារល្អៗ ចំពោះសុខភាព និងបង្កើនគ្រាប់ឈាមបានល្អណាស់៕ អត្ថបទដោយ៖ ទ្រ សុភាព 

សៀវភៅ "លំហូរចិត្ត" លោកអ្នកអាចកក់មុន មានតម្លៃបញ្ចុះពិសេសតាម https://t.me/hangchhengH24