មនុស្សយើងកើតជំងឺមហារីកព្រោះតែអាហារជាផ្នែកមួយ ជាពិសេសសម្បូរជាតិប្រៃផ្អែម និងចៀនច្រើន។ បើអ្នកហូបអាហារល្អៗ វិញក៏ជួយប្រឆាំងជំងឺមហារីកបានល្អដែរ បើយើងទទួលបានត្រឹមត្រូវ។ យោងតាម Medicalnewstoday បញ្ជាក់ថា អាហារទាំង ៥នេះ ជួយប្រឆាំងជំងឺមហារីក។

១. ការហូបផ្លែប៉ោមជួយប្រឆាំងជំងឺមហាររីក។ មានពាក្យ១ឃ្លាលើកឡើងថា ហូបផ្លែប៉ោមមួយផ្លែក្នុងមួយថ្ងៃ ជួយឱ្យអ្នកនៅឆ្ងាយពីជំងឺ។ ព្រោះផ្លែប៉ោមមានសារធាតុ Polyphenols ដែលមានលក្ខណៈសម្បត្តិគ្រប់គ្រាន់ក្នុងការប្រប្រឆាំងកោសិកានឹងជំងឺមហាររីក។

២. ផ្លែប៊ឺរីសម្បូរទៅដោយវីតាមីន សារធាតុរ៉ែ និងជាតិសរសៃច្រើន។ សូម្បីអ្នកវិទ្យាសាស្ត្រក៏ចាប់អារម្មណ៍យ៉ាងខ្លាំងចំពោះផ្លែប៊ឺរី មានលក្ខណៈសម្បត្តិប្រឆាំងអុកស៊ីតកម្ម។ ហើយតាមការសិក្សាមួយ បានបង្ហាញថា ផ្លែនេះក៏មានសារធាតុ anthocyanin ជាសមាសធាតុនៅក្នុងផ្លែប៊ឺរី ជួយកាត់បន្ថយសារធាតុ biomarkers សម្រាប់មហារីកពោះវៀនធំ។

៣. បន្លែ ប្រូខូលី ខាត់ណាផា្កស្ពៃ និងផ្កាខាត់ណា មានសារធាតុចិញ្ចឹមច្រើន រួមមាន វីតាមីន C វីតាមីន K និង Manganese ។ ព្រោះនៅក្នុងបន្លែនេះ មានផ្ទុក sulforaphane ជាការរារាំងការលូតលាស់កោសិកាមហារីកយ៉ាងសំខាន់ និងជម្រុញកាត់បន្ថយកោសិកានៅក្នុងកោសិកាមហារីកពោះវៀនធំ។

៤. ការ៉ុតមានសារធាតុចិញ្ចឹមសំខាន់ៗជាច្រើនរួមមាន វីតាមីន K វីតាមីន A និងសារធាតុប្រឆាំងអុកស៊ីតកម្ម។ ហើយវា​ក៏​មាន​ផ្ទុក​នូវ​បរិមាណ​ខ្ពស់​នៃ​សារធាតុ Beta-carotene ដែលដើរតួក្នុងការទ្រទ្រង់ប្រព័ន្ធភាពស៊ាំ និងការពារប្រភេទជំងឺមហារីកមួយចំនួន។ តាមការសិក្សាមួយចំនួនបង្ហាញថា Beta-carotene មានទំនាក់ទំនងទៅនឹងការកាត់បន្ថយហានិភ័យនៃជំងឺមហារីកសុដន់ និងក្រពេញប្រូស្តាតបានល្អ។

៥. ត្រីក៏មានជាតិខ្លាញ់ល្អជួយប្រឆាំងជំងឺមហារីក រួមមាន ត្រីសាម៉ុង ត្រីម៉ាកែល.... មានសារធាតុចិញ្ចឹមសំខាន់ៗ ដូចជា វីតាមីន B ប៉ូតាស្យូម និងអាស៊ីតខ្លាញ់អូមេហ្គា៣។ ជាចុងក្រោយ ការសិក្សាមួយបន្ទាប់ពីមនុស្ស ៦៨.១០៩នាក់ បានរកឃើញថា អ្នកទទួលទានអាហារបំប៉នខ្លាញ់ត្រីយ៉ាងហោចណាស់ ៤ដងក្នុងមួយសប្តាហ៍គឺ ៦៣%មិនសូវវិវត្តទៅជាជំងឺមហារីកពោះវៀនធំនោះទេ៕ អត្ថបទដោយ៖ ទ្រ សុភាព