នាថ្ងៃទី១២ ខែតុលា ឆ្នាំ២០២១នេះ ក្រសួងការពារជាតិ បានណែនាំឱ្យប្រជាពលរដ្ឋដែលត្រូវចាក់ វ៉ាក់សាំងដូសទី៣ ត្រូវទៅចាក់នៅក្របខ័ណ្ឌដែលខ្លួនធ្លាប់ចាក់ពីមុន គឺក្រសួងការពារជាតិ ឬក្រសួងសុខាភិបាល ដើម្បីផ្តល់ភាពងាយស្រួលក្នុងការចាក់ឱ្យបានលឿន។ នេះបើយោងតាមប្រភព ក្រសួងព័ត៌មាន។

នៅក្នុងនោះដែរ ឯកឧត្តមនាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះនៃកងយោធ ពលខេមរភូមិន្ទ និងជាប្រធានប្រតិបត្តិចាក់វ៉ាក់សាំងការពារជំងឺកូវីដ១៩ របស់ក្រសួងការពារជាតិ បានបញ្ជាក់ឱ្យដឹងថា ចំពោះអ្នកដែលមានប័ណ្ណចាក់វ៉ាក់សាំងរបស់កងយោធពលខេមរភូមិន្ទបានចេញឱ្យ ឬអ្នកដែលចាក់ហើយមិនទាន់បានប័ណ្ណឬមានទម្រង់បែបបទយើងនឹងបន្តចាក់ ដូសទី៣ជូនគាត់ ទោះបីគាត់មកពីខាងណាក៏ដោយ។

ឯកឧត្តមនាយឧត្តមសេនីយ៍ ឥត សារ៉ាត់ បានមានអនុសាសន៍ថា ចំពោះអ្នកដែលចាក់នៅខាងសុខាភិបាលមានប័ណ្ណពណ៌ខៀវ គឺយើងសុំឱ្យគាត់ទៅចាក់កន្លែងណាទៅចាក់កន្លែងហ្នឹងវិញទៅ ដោយសារអីដោយនៅខាងនេះក៏ឆែក អត់មានឯក សារដែលបានចាក់ដូសទី ១ ទី២នឹងទេ ។ ទី២ ក៏យើងត្រូវបញ្ចូលព័ត៌មានចាក់ដូសទី៣ ឬដូសជំរុញ ក៏មិនអាចធ្វើបានដែរ ព្រោះប្រព័ន្ធខុសគ្នា ។ ទី៣ ជៀសវាងច្របូកច្របល់ធ្វើឱ្យមនុស្សចល័តចុះចល័តឡើង ដែលធ្វើឱ្យបាត់សណ្តាប់ធ្នាប់បាត់វិធានការផងដែរ។

ឯកឧត្តមនាយឧត្តមសេនីយ៍ ឥត សារ៉ាត់ បានឱ្យដឹងទៀតថា ប្រជាពលរដ្ឋត្រូវមកចាក់វ៉ាក់សំាងដូសទី៣ឬដូសជំរុញនេះ ត្រូវយកឯកសារមកជា មួយ បើមានប័ណ្ណចាក់វ៉ាក់ សាំងរបស់កងយោធពលខេមរភូមិន្ទត្រូវយកមក បើមិនបានយកមកមានត្រឹមរូបក្នុងទូរស័ព្ទក៏បានដែរ ដើម្បីបញ្ជូលQRCode ។ បន្ថែមពីនោះ ចំពោះអ្នកដែលមិន ទាន់បានប័ណ្ណចាក់វ៉ាក់សាំង ត្រូវមានទម្រង់ចាក់ដូសទី ១ និងទី២ និងអត្តសញ្ញាណប័ណ្ណ សំបុត្រកំណើត សៀវ ភៅស្នាក់នៅជាដើម ត្រូវយកមកជាមួយផងដែរ។

អត្ថបទដោយ៖ Daddy_Rath