ជំងឺបេះដូង ជាទូទៅត្រូវបានគេរកឃើញថា អាចកើតមានភាគច្រើនទៅក្រុមមនុស្សដែលមានប្រវត្តិគ្រួសារធ្លាប់កើតរោគបេះដូង អ្នកជំងឺលើសសម្ពាធឈាម អ្នកជំងឺទឹកនោមផ្អែម និងអ្នកមានបញ្ហាធាត់លើសទម្ងន់ខ្លាំងផងដែរ។
ក៏ប៉ុន្តែក្នុងរយៈពេលប៉ុន្មានចុងក្រោយមកនេះ ចំពោះរោគបេះដូងនេះទៀតសោត គេមិនត្រឹមតែរកឃើញថាកើតមានទៅក្រុមមនុស្សមួយចំនួនទៀតផងដែរ ដោយកើតមានបានដោយសាតែទម្លាប់រស់នៅប្រចាំថ្ងៃរបស់ក្រុមមនុស្សទាំងនោះតែម្តង។ ខាងក្រោមនេះ ជាទម្លាប់មួយចំនួនដែលត្រូវបានគេដឹងថា អាចធ្វើឱ្យបុគ្គលម្នាក់ងាយប្រឈមនឹងការកើតរោគបេះដូង៖
1. ទទួលទានអាហារដែលមានជាតិខ្លាញ់ឆ្អែត៖ របបអាហារសម្បូរទៅដោយសារជាតិខ្លាញ់អាក្រក់ មិនថាជាប្រភេទ អាហារបំពង ចៀន ឬប្រភេទអាហារដែលមានសារជាតិផ្អែមខ្លាញ់ផ្សេងៗទៀតនោះទេ សុទ្ធតែត្រូវបានរកឃើញថា វាមានជាប់ទាក់ទិនទៅនឹងការកើនឡើងកម្រិតកូលេស្តេរ៉ុលអាក្រក់ក្នុងខ្លួន បង្កកើតបញ្ហាធាត់ជះឥទ្ធិពលអាក្រក់ដល់សុខភាពបេះដូងជាប្រចាំ។ ទន្ទឹមនឹងនេះទៀតសោត ក្នុងការរបបអាហារទាំងនេះទៀតសោត ក៏ត្រូវបានគេឃើញថា មានផ្ទុកទៅដោយសារជាតិអំបិលខ្ពស់ផងដែរ ដោយសារជាតិអំបិល (សូដ្យូម) អាចបង្កមានផលប៉ះពាល់ដល់សម្ពាធឈាម។
2.មិនសូវមានសម្មភាពច្រើន៖ ភាពអសកម្ម អាចបង្កឱ្យមានសារធាតុខ្លាញ់ឡើងនៅក្នុងសរសៃឈាម ដោយសារតែសារជាតិខ្លាញ់នៅពេលនាចូលទៅដល់ចរន្តឈាម វានឹងមិនត្រូវបានធ្វើចលនា ឬសកម្មភាពឱ្យរំលាយចេញទៅណា យូរៗវានឹងប្រមូលផ្តុំឱ្យនៅកកកុញក្នុងសរសៃឈាម បង្កឱ្យសរសៃដឹងនាំឈាមទៅកាន់បេះដូងមានបញ្ហាស្ទះ ហេតុនាំឱ្យមានការកើតរោគគាំងបេះដូងបាន។
3.ការផឹកស្រាច្រើនពេក៖ ការផឹកគ្រឿងស្រវឹងក្នុងបរិមាណច្រើនលើសលប់ជាប្រចាំ វាក៏បង្កើនកម្រិត triglycerides ជាសារធាតុខ្លាញ់ក្នុងឈាមដែលអាចបង្កើនហានិភ័យនៃជំងឺបេះដូងផងដែរ។
4.ការប្រើប្រាស់ថ្នាំជក់៖ ការជក់គ្រប់ប្រភេទ មិនថាបារី ឬVipe ក៏អាចបំផ្លាញបេះដូង និងសរសៃឈាម បង្កើនហានិភ័យនៃជំងឺបេះដូងដូចគ្នា។ នេះ កើតមានបានដោយសារតែ ជាតិនីកូទីនបង្កើនសម្ពាធឈាម កាបូនម៉ូណូអុកស៊ីតពីផ្សែងបារីកាត់បន្ថយបរិមាណអុកស៊ីសែនដែលដឹកនាំឈាមឱ្យថយចុះ៕