មុនយកកូន ការថែរក្សាសុខភាពទុកមុនគឺសំខាន់ណាស់ ជាពិសេសគឺទាក់ទងនិងរបបអាហារ មុនញុំាត្រូវយល់ឱ្យច្បាស់ ព្រោះអាហារខ្លះបានជះផលអាក្រក់ដល់សុខភាពរបស់អ្នក ដូចជាពិបាកក្នុងការមានកូន​ ពិបាកបង្កកំណើត ប៉ះពាល់ដល់កូនក្នុងផ្ទៃ ។

ជាការពិតណាស់ យោងតាមរយៈប្រភព lybrate បានសិក្សារកឃើញថាការផឹកកាហ្វេច្រើន​មុនពេលចាប់ផ្ដើមចង់ពពោះ អាចនាំឱ្យបាត់បង់ឱកាសក្នុងការមានផ្ទៃពោះ។ ការស្រាវជ្រាវក៏បានរកឃើញថាជាតិកាហ្វេអ៊ីនមានក្នុងកាហ្វេ អាចធ្វើឱ្យប៉ះពាល់ដល់ចលនាដឹកនាំស៊ុតបង្កកំណើតពីអូវែ ទៅស្បូន។ ជាងនេះទៅទៀតការផឹកកាហ្វេនៅអំឡុងពេលពោះ ក៏បានជះផលអាក្រក់ដល់ការលូតលាស់របស់ទារកនៅក្នុងផ្ទៃ អាចរលូតកូន ឬក៏ងាយប្រឈមបញ្ហាសុខភាពផ្សេងៗជាច្រើនទៀត។ ដោយនេះជាហេតុផល ដែលគេបានណែនាំមិនឱ្យស្រ្តីដែលមានផ្ទៃពោះផឹកកាហ្វេ។ បន្ថែមលើសពីនេះទៀត ការសិក្សាក៏បានណែនាំយល់ល្អស្រ្តីដែលមានបំណងចង់ពពោះ និងស្រ្តីដែលកំពុងពពោះគួរតែគួរតែចៀសវាងរបបអាហារដែលមានជាតិកាហ្វេអ៊ីនឱ្យបានច្រើន។

វេជ្ជបណ្ឌិតParul Agrawal បានណែនាំថាស្រ្តីដែលទទួលទានជាតិកាហ្វេអ៊ីនលើសពី៥០មីលីក្រាមក្នុង១ថ្ងៃ អាចបង្អាក់ឱកាសនៃការមានគភ៌របស់អ្នកយ៉ាងធ្ងន់ធ្ងរ។ មួយវិញទៀតតាមរយៈការសិក្សាស្រាវជ្រាវ នៅក្នុងឆ្នាំ២០១៧ បានរកឃើញថាការទទួលទានជាតិកាហ្វេអ៊ីន ៣០០ មីលីក្រាម គឺអាចបង្កើនហានិភ័យនៃការបាត់បង់គភ៌ដំបូង ឬរលូតកូនដោយឯកឯងតែប្រសិនណា ការទទួលទានជាតិកាហ្វេអ៊ីនរហូតដល់៦០០ មីលីក្រាម បង្កើនហានិភ័យនៃការរលូតកូនរបស់ស្រ្តីទ្វេដង។ ជាតិកាហ្វេអ៊ីនក៏ធ្វើឱ្យគុណភាពទឹកកាមរបស់បុរសបាត់បង់គុណភាពដូចគ្នា បុរសៗដែលទទួលទានជាតិកាហ្វេអ៊ីនច្រើន ប្រឈមខូចខាតDNAមេជីវិតឈ្មោលនាំឱ្យប៉ះពាល់ដល់ការបន្តពូជរបស់បុរសដូចគ្នា។

ជារួមមកកាហ្វេអ៊ីន ផឹកច្រើនមុនពពោះឬក៏កំពុងពពោះ ប្រឈមហនិភ័យបាត់បង់ឱកាសនៃការមានកូន ឬក៏អាចប្រឈមរលូតកូន កូនលូតលាស់មិនល្អវេជ្ជបណ្ឌិតណែនាំឱ្យស្រ្តីនិងបុរសចៀចវាងផឹកកាហ្វេនៅពេលមានបំណងចង់យក ឬក៏ស្រ្តីកំពុងពពោះត្រូវចៀសវាងដូចគ្នា៕

អត្ថបទដោយ៖ ប៉ែត ធីតា