ពិភពលោកកាន់តែរីកចម្រើនជឿនលឿន ការអប់រំជាស្នូលដ៏សំខាន់បំផុត ដែលត្រូវការដើម្បីរួមចំណែកអភិវឌ្ឍសង្គមជាតិ ក៏ដូចជាពិភពលោកទាំងមូល។ ហេតុនេះ ការអប់រំក្មេងៗជំនាន់ក្រោយ ពិតជាភារកិច្ចចាំបាច់ខ្លាំងណាស់ ដែលមិនអាចរំលងបាន ជាពិសេសផ្ដើមចេញពីមាតាបិតា សាលារៀន និងសង្គមរស់នៅជាក់ស្ដែង។ ក្មេងៗគឺមិនអាចនៅទ្រឹងមួយកន្លែងបានឡើយ បើសង្គមនិងពិភពលោកដែលពួកគេរស់នៅចេះតែវិវត្តទៅមុខឥតឈប់ឈរ ពួកគេមិនមែនត្រឹមអភិវឌ្ឍខ្លួនធ្វើជាពលរដ្ឋធម្មតាក្នុងសង្គមជាតិប៉ុណ្ណោះទេ តែពួកគេត្រូវវិវត្តសមត្ថភាពខ្លួនឱ្យក្លាយជាពលរដ្ឋសាកលផងដែរ។

ពលរដ្ឋសាកលគឺសំដៅលើបុគ្គលដែលមានគំនិតជាសាកលធ្វើសកម្មភាពសេដ្ឋកិច្ច បរិស្ថាន នយោបាយ និងសង្គមសម្រាប់ពិភពលោក។ លោកគ្រូ សំ ចៃ នាយកប្រតិបត្តិជាសហស្ថាបនិកសាលាអន្តរជាតិប្រាយស្តារភ្នំពេញ បានលើកឡើងថា “នៅពេលក្មេងៗក្លាយជាពលរដ្ឋសាកល ពួកគេមានទំនួលខុសត្រូវសម្រាប់ជាប្រយោជន៍ដល់សង្គមទាំងអស់ មិនមែនសម្រាប់តែសង្គមដែលពួកគេកំពុងតែរស់នៅនោះទេ។ សហគមន៍អន្តរជាតិទាំងអស់ ក៏បានព្រមព្រៀងគ្នាប្តេជ្ញាចិត្តអប់រំឱ្យសិស្សានុសិស្សទាំងអស់ទទួលបាននូវចំណេះដឹង និងជំនាញដែលគេត្រូវការដើម្បីជំរុញដល់ការអភិវឌ្ឍន៍ប្រកបដោយនិរន្តរភាពរួមបញ្ចូលទាំងការលើកតម្កើងពលរដ្ឋសាកលឱ្យបាននៅឆ្នាំ ២០៣០ផងដែរ។”

មិនត្រឹមតែប៉ុណ្ណោះក្មេងៗក្លាយជាពលរដ្ឋសាកលពួកគេនឹងយល់ដឹងអំពីវប្បធម៌ផ្សេងៗ ពួកគេចូលចិត្តទំនាក់ទំនងជាមួយមនុស្សមកពីប្រទេសផ្សេងៗ ពួកគេចេះបត់បែនតាមកាលៈទេសៈ បរិស្ថានរស់នៅ និងឱ្យតម្លៃទៅលើភាពខុសគ្នា។ ជាងនេះទៅទៀត ពួកគេនឹងមានតួនាទីមួយយ៉ាងសំខាន់នៅក្នុងសហគមន៍របស់ពួកគេ ហើយធ្វើការសហការជាមួយអ្នកដទៃដើម្បីឱ្យផែនដីរបស់យើងមានសន្តិភាព និរន្តរភាព និងយុត្តិធម៌។

សំណួរសួរថា តើគួរធ្វើបែបណា ដើម្បីឱ្យកូនៗ ឬក្មេងៗជំនាន់ក្រោយអាចមានឱកាសវិវត្តខ្លួនក្លាយជាពលរដ្ឋសាកល មានសមត្ថភាពដែលបរទេសក៏ទទួលស្គាល់បាននោះ?

តាមការចែករំលែករបស់លោកគ្រូ សំ ចៃ បានលើកយក៤ចំណុចធំៗ ដែលមាតាបិតា ឬអនាគតមាតាបិតាគ្រប់រូប អាចជួយកូនៗរបស់ខ្លួនឱ្យក្លាយជាធនធានមនុស្សល្អ ជ្រែកចូលឆាកអន្តរជាតិបាន ដោយមិនចាំបាច់ត្រូវចំណាយលុយច្រើនឱ្យទៅរៀងក្រៅប្រទេស ក៏អាចធ្វើជាពលរដ្ឋសាកលបាន៖

ចំណុចទីទី១៖ អានសៀវភៅឱ្យកូនៗស្តាប់ និងជំរុញឱ្យគាត់ចូលចិត្តអានសៀវភៅ។ អាចជ្រើសយកប្រភេទសៀវភៅអប់រំ សៀវភៅតែអាចផ្ដល់នូវគតិបណ្ឌិតដល់ពួកគេបានតម្រូវតាមវ័យជាក់ស្ដែង។ ការអានក៏ជាទម្លាប់របស់អ្នកមាន រួមទាំងមហាសេដ្ឋីនានាលើពិភពលោកផងដែរ។

ចំណុចទី២៖ លើកទឹកចិត្តឱ្យកូនៗឱ្យចូលរួមធ្វើការស្ម័គ្រចិត្តជួយដល់សង្គម ពន្យល់ឱ្យគាត់យល់អំពីសារៈសំខាន់នៃកិច្ចការសង្គម។ កុំថ្មមកូន កុំបារម្ភពីកូនខ្លាំងពេក មិនឱ្យប្រលូកចូលសង្គមខាងក្រៅសោះ រហូតដល់ពួកគាត់បាត់បង់ឱកាសរៀនសូត្ររឿងថ្មី ចំណេះដឹងថ្មីៗ ដែលពួកគាត់គួរទទួលបាន។ មិនត្រឹមតែប៉ុណ្ណោះ ការប្រលូកចូលការងារស្ម័គ្រចិត្ត ក៏ជាផ្នែកមួយជំរុញក្មេងៗឱ្យមានភាពក្លាហាន ឆាប់ផ្សាំខ្លួនចូលក្នុងសង្គម បង្កើតទំនុកចិត្តដល់ខ្លួនឯងបានទៀត។

ចំណុចទី៣៖ បង្រៀនភាសាបរទេសដល់ពួកគាត់។ ជារឿងចាំបាច់ដែលមិនគួរមើលរំលង ភាសាទី២ បន្ទាប់ភាសាជាតិត្រូវការពង្រឹងឱ្យបានខ្លាំងទៅថ្ងៃមុន ងាយស្រួលប្រើការទំនាក់ទំនងទៅសង្គមខាងក្រៅ ជាពិសេសទំនាក់ទំនងនឹងធ្វើការជាអន្តជាតិ។

ចំណុចទី៤៖ គួរតែចុះឈ្មោះឱ្យគាត់ចូលរៀននៅសាលាអន្តរជាតិ។ ក្រៅតែពីមាតាបិតា​ សាលាប្រៀបបានជាអាណាព្យាបាលទី២ ដែលនឹងជួយតម្រង់ផ្លូវដល់ធនធានមនុស្សជំនាន់ថ្មី។ ការជ្រើសរើសសាលាសម្រាប់កូនៗរបស់លោកអ្នកពិតជារឿងសំខាន់បំផុត ដែលអាចកំណត់ជោគវាសនាមួយផ្នែកធំរបស់ពួកគេបាន។

ផ្សារភ្ជាប់ជាមួយគ្នានេះ សាលាអន្តរជាតិប្រាយស្តារភ្នំពេញ ក៏មានកម្មវិធីសិក្សាអន្តរជាតិដែលជំរុញគោលដៅរៀនសូត្រសម្រាប់បុគ្គល គោលដៅរៀនសូត្រសម្រាប់មុខវិជ្ជា និងគោលដៅរៀនសូត្រសម្រាប់អន្តរជាតិ។ រូមទាំងមាន គ្រូអន្តរជាតិដែលមានដើមកំណើតនិយាយភាសាអង់គ្លេស បរិស្ថាន និងបរិក្ខាសិក្សាស្តង់ដារអន្តរជាតិ។ ព្រមទាំងសង្កត់ធ្ងន់លើវប្បធម៌រៀនសូត្រ និងរស់នៅជាលក្ខណៈអន្តរជាតិ ព្រមទាំងលើកតំកើងវប្បធម៌និងភាសារខ្មែរ ដែលជាភាសាកំណើតផងដែរ។ សម្រាប់ព័ត៌មានលំអិតបន្ថែម ពីកម្មវិធីសិក្សា សូមទំនាក់ទំនងតាមរយៈ លេខទូរស័ព្ទ 012408789/ 015905789 ឬចូលទៅកាន់ផេកផ្លូវការណ៍របស់សាលា Brightstar International School of Phnom Penh ៕

អត្ថបទដោយ៖ Ms Senghong

របៀបរើសសាលាសម្រាប់កូនជាទីស្រឡាញ់របស់លោកអ្នក

ចង់ឱ្យកូនក្លាយជាក្មេងឆ្លាត ពូកែ ឯករាជ្យ នាំកូនចូលសាលានៅវ័យនេះល្អបំផុត

ទម្លាប់ចិញ្ចឹមកូនខុសក្បួន បើបន្តមិនព្រមឈប់ កូននឹងខ្សោយប្រាជ្ញា មានបញ្ហាសុខភាព ខូចក្មេង១ជីវិត