អាហារបួសត្រូវមនុស្សម្នាជាច្រើនដឹងថា ជាម្ហូបដែលប្រជាជនចិននិយមចូលចិត្តញ៉ាំតជំនាន់មកទល់នឹងបច្ចុប្បន្នដោយគេគិតថាវាផ្តល់នូវប្រយោជន៍ធំ២ គឺទី១ សុខភាព និងទី២ សន្សំសំចៃ។ យ៉ាងណាមិញ ប្រភេទអាហារបួសមកទល់នាឥលូវ ត្រូវបានគេកែច្នៃជាអាហារវេចខ្ចប់ និងជ្រើសយកជារបរចិញ្ចឹមជីវិតលក់ហ្វ្រេនឆាយពាសពេញពិភពលោកដែលមានអាជីវកម្មដូចជា ស៊ុបបួស និងប្រភេទHotpots មួយចំនួនផងដែរ។ ការវាយលុយក្នុងទីផ្សារពិភពលោកយ៉ាងខ្លាំងក្លាបែបនេះ ដោយសារតែការគាំទ្រនូវ រសជាតិ និងទទួលអត្ថប្រយោជន៍ពីដល់សុខភាព។

យោងទៅតាមការចេញផ្សាយរបស់គេហទំព័រ krishijagran.com ខាងក្រោមនេះជាអត្ថប្រយោជន៍ទាំង៥ ដែលអ្នកញ៉ាំទទួលបាន៖

១. បង្កើនអាយុជីវិត៖ អាហារបួស ត្រូវបានគេរាប់បញ្ជូលទៅក្នុងក្រុមអាហារជួយសុខភាពដែល វាគ្មាននូវសារជាតិពុលនិងជាតិគីមី បង្កជាផលប៉ះពាល់ដល់អ្នកទទួលទានឡើយ។ តាមរយៈការសិក្សាស្រាវជ្រាវមួយបានបង្ហាញថា ជនជាតិចិនក៏មានមនុស្សអាយុវ័យចំណាស់លើស១០០ឆ្នាំ ច្រើនមិនចាញ់ជនជាតិជប៉ុនឡើយ ហើយការដែលថែរក្សាសុខភាព និងរស់នៅបានយូរអង្វែងនេះ មកពីរបបអាហារបួសដែលទទួលទានប្រចាំថ្ងៃនេះ។

២. កំរិតកូលេស្តេរ៉ុលទាប បញ្ជៀសការឡើងទម្ងន់៖ ក្នុងចំណុចនេះ គឺជាមូលហេតុដែលអ្នកកំពុងសម្រករាងជាច្រើនរូបព្យាយាមញ៉ាំតែអាហារបួសជាប្រចាំដោយសារ កម្រិតជាតិកូលេស្តេរ៉ុល ក្នុងបន្លែផ្លែឈើ មិនបង្កឱ្យប៉ះពាល់ដល់ការសម្រកទម្ងន់របស់ពួកគេនោះឡើយ ហើយថែមទាំងជំនួយដល់កម្រិតសម្ពាធឈាមថែមទៀត។

៣. បង្ការហានិភ័យតិចនៃជំងឺដាច់សរសៃឈាមខួរក្បាល៖ សម្រាប់អ្នកតមសាច់មានទំនោរទៅរកការយល់ដឹងកាន់តែច្រើននៅក្នុងជម្រើសអាហារសុខភាពប្រចាំថ្ងៃរបស់ពួកគេ។ យោងតាមនាយកដ្ឋានពេទ្យកុមារនៃសាកលវិទ្យាល័យនៅបែលហ្ស៊ិកនិយាយថាការទទួលយករបបអាហារបួស គឺជាវិធីល្អមួយដើម្បីកាត់បន្ថយនៃការកើតជំងឺដាច់សរសៃឈាមខួរក្បាល។

៤. កាត់បន្ថយហានិភ័យនៃជំងឺទឹកនោមផ្អែម៖ អ្នកមិនសូវបរិភោគបន្លែច្រើនតែងងាយប្រឈមមុខនឹងការលើសជាតិស្ករក្នុងឈាម។ ជាក់ស្តែងបើក្រឡេកទៅមើលអ្នកទទួលទានអាហារបួសវិញ ក្រុមអ្នកសិក្សាស្រាវជ្រាវបានបង្ហាញឱ្យឃើញថា លំហូរជាតិស្ករក្នុងឈាមថេរជានិច្ច។