ទម្លាប់នៃការហាត់ប្រាណជាប្រចាំសម្រាប់បុគ្គលភាគច្រើនរមែងផ្តោតសំខាន់ទៅលើការសម្រកទម្ងន់ ថែរាង និងមួយផ្នែកតូចទៀតចំពោះមនុស្សដែលមានវ័យជ្រេបន្តិច គឺហាត់ដើម្បី ជួយជំនួយដល់បញ្ហាសន្លាក់ឆ្អឹង និងពង្រឹងសាច់ដុំ។
យ៉ាងណាមិញ បើយើងនិយាយឱ្យស៊ីជម្រៅបន្តិចផ្តោតទៅលើលក្ខណៈសម្បត្តិនៃការធ្វើលំហាត់ប្រាណជាប្រចាំថ្ងៃ មិនត្រឹមតែជួយដល់សរីរាង្គមួយចំនួនដូចដែលបានរៀបរាប់ខាងលើនោះទេ គឺវាអាចជះឥទ្ធិពលធំផ្សេងៗទៀត៖
១. បង្កើនថាមពល៖ យោងទៅតាមការចុះផ្សាយរបស់គេហទំព័រ mayoclinic បានលើកឡើងថា ការធ្វើឱ្យលំហាត់ប្រាណឱ្យរាងកាយមានសកម្មភាពទៀងទាត់អាចជួយពង្រឹងសាច់ដុំ និងបង្កើនកម្រិតថាមពលនៅក្នុងសរីរាង្គ។ ជាក់ស្តែង ចំពោះលំហាត់ប្រាណជាប្រចាំ គឺអាចផ្តល់អុកស៊ីហ្សែនទៅកាន់ជាលិកា ជួយឱ្យប្រព័ន្ធសរសៃឈាមបេះដូង និងសួត ដំណើរការកាន់តែមានប្រសិទ្ធភាព។ ហើយនៅពេលដែលសុខភាពបេះដូង និងសួតប្រសើរឡើង នោះនឹងធ្វើឱ្យសរីរាង្គកាយមានថាមពលកាន់តែច្រើន ដើម្បីទប់ទល់នឹងសកម្មភាពការងារប្រចាំថ្ងៃ។
២. លើកកម្ពស់ការគេង៖ សកម្មភាពរាងកាយទៀងទាត់ អាចជួយឱ្យគេងលក់បានលឿន គេងលក់ស្រួល និងធ្វើឱ្យការគេងបានស្ងប់រហូតទល់ភ្លឺ។ ក៏ប៉ុន្តែជាការណែនាំកុំហាត់ប្រាណជិតម៉ោងចូលគេង ព្រោះអាចនឹងធ្វើឱ្យស្វាងងងុយគេងវិញ។
៣. ធ្វើឱ្យអារម្មណ៍ប្រសើរឡើង៖ ការហាត់ប្រាណ ឬដើរលឿនៗជាប្រចាំថ្ងៃ ត្រូវបានអ្នកជំនាញសិក្សាឃើញថា អាចជួយជំរុញនូវកម្រិតឆ្លើយតបក្នុងខួរក្បាលជាច្រើន ដែលអាចធ្វើឲ្យមានអារម្មណ៍សប្បាយរីករាយ សម្រាកបានច្រើន និងមិនសូវចង់ចិត្តជាមួយបញ្ហាស្ត្រេស។
៤. ជំរុញមុខងារផ្លូវភេទ៖ ការធ្វើលំហាត់ ត្រូវបានផ្សាភ្ជាប់ទៅនឹងការបង្កើនកម្រិតថាមពល និងបង្កើនទំនុកចិត្តលើរូបរាងរាងកាយ ដែលជះឥទ្ធិពលដល់មុខងារផ្លូវភេទរបស់អ្នក។
៥. ប្រយុទ្ធប្រឆាំងនឹងជំងឺ៖ ការហាត់ប្រាណ ជួយបង្កើនកូឡេស្តេរ៉ុល lipoprotein, ដង់ស៊ីតេខ្ពស់ (HDL) កូលេស្តេរ៉ុល "ល្អ" បន្ថយទ្រីគ្លីសេរីតដែលមិន និងកាត់បន្ថយហានិភ័យនៃជំងឺសរសៃឈាមបេះដូង។ លំហាត់ប្រាណទៀងទាត់ជួយការពារ ឬបង្ការបញ្ហាសុខភាពផ្សេងៗទៀតដូចជា៖ ជំងឺដាច់សរសៃឈាមខួរក្បាល, រោគសញ្ញាមេតាប៉ូលីស, សម្ពាធឈាមខ្ពស់, ជំងឺទឹកនោមផ្អែមប្រភេទទី២, ជំងឺធ្លាក់ទឹកចិត្តុំ ការថប់បារម្ភ, មហារីកច្រើនប្រភេទ, ជំងឺរលាកសន្លាក់, ជំងឺធ្លាក់ទឹកចិត្ត...៕
អត្ថបទដោយ៖ ប៉ាវ ភក្តី