យោងតាមការឱ្យដឹងពី នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង ក្រសួងសុខាភិបាលបានប្រកាសប្រមូលត្រឡប់មកវិញ នូវប្រភេទថ្នាំឈោ្មះ AMLOCOR-10 ចំនួន ១ឡូតិ៏។ ដើម្បីធានា គុណភាពឱសថដែលកំពុងចរាចរនៅលើទីផ្សារក្នុងកម្ពុជា នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង បានទិញឱសថមួយចំនួនពីតាមបណ្តាឱសថស្ថាន និងឱសថស្ថានរង បញ្ចូនទៅវិភាគគុណភាពនៅ មជ្ឈមណ្ឌលជាតិពិសោធន៍សុខាភិបាល។
ក្នុងនោះបានរកឃើញថាឱសថឈោ្មះ AMLOCOR-10 Box/3x10 Tablets ចំនួន១ឡូតិ៍ដែលមានលេខឡូត៍ BI3IJ006, Exp=05-2024 បានធ្លាក់គុណភាព (ធ្លាក់ Dissolution Test) ។ ចំណែកឯឱសថឈ្មោះ AMLOCOR-10 ដែលមានលេខឡូត៏ផ្សេងពីនេះមិនមានការប៉ះពាល់ដល់ គុណភាពឡើយ។ អាស្រ័យហេតុនេះ ក្រសួងសូមប្រកាសឱ្យគ្រឹះស្ថានអាហរ័ណ នីហរ័ណឱសថ RATANAK RATANA PHARMACEUTICAL Co.,LTD ប្រមូលយកឱសថដែលមានបញ្ហាខាងលើត្រលប់មកវិញឱ្យអស់។
ជាមួយគ្នានេះ ណែនាំឱ្យគ្រប់មន្ទីរពេទ្យ និងឱសថស្ថានទូទាំងប្រភេទបញ្ឈប់ការប្រើប្រាស់ និងលក់ថ្នាំប្រភេទនេះបន្តទៀត។ ក្នុងករណីបងប្អូនបានប្រទះឃើញ AMLOCOR-10 - Box/3x10 Tahlets មានលេខឡូត៏ B131J006 សូមបងប្អូន ប្រញាប់ផ្តល់ព័ត៌មាន ឬត្រូវការព័ត៌មានបន្ថែមពីនាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង តាមរយៈ លេខទូរស័ព្ទ៖ ០១១ ៥៧៤ ៧៨៧, ០១២ ៣៥៥ ១៦១, ០១២ ៩៨៣ ៣៣៤០១៧ ៦០៦ ៦៧០, ០១៧ ៨៦៦ ៧៦០៕
