មានសញ្ញាមួយប្រាប់ខ្លួនអ្នកថា បើជីវិតរបស់អ្នកមិនរីកចម្រើនគឺមកពីផ្នត់គំនិតនោះឯង។ តាមលោក MarK Fisher ជាអ្នកនិពន្ធជំនួញបានលើកឡើងថា នៅក្នុងជីវិតយើងនេះ អ្វីៗ គ្រប់យ៉ាងសុទ្ធមានទំនាក់ទំនងជាមួយផ្នត់គំនិតទាំងអស់។ ជីវិតរបស់យើងជាអ្វីដែលយើងជាអ្នកគូសវាសឱ្យវាក្លាយទៅជាក្តីស្រមៃរបស់ខ្លួនចង់បាន។ ដូចនេះ បើអ្នកចង់ផ្លាស់ប្តូរជីវិត ជាដំបូងត្រូវប្តូរគំនិតជាមុនសិន។ អ្នកត្រូវតែយកឈ្នះដែនកំណត់ផ្នត់គំនិតរបស់ខ្លួន ទើបអ្នកអាចយកឈ្នះលើជីវិតខ្លួនឯង”។ នេះជាអំណាចផ្នត់គំនិតមានឥទ្ធិពលណាស់មកលើជីវិតរបស់អ្នក។ បើអ្នកគិតអវិជ្ជមានច្រើន អ្នកគួរប្តូរមកគិតវិជ្ជមានឱ្យច្រើនវិញ ទើបអ្នកមានអនាគតល្អ។

២. អំណាចនៃពាក្យសម្តី៖ មានអ្នកខ្លះមិនជឿទេថា សម្តីគ្មានអំណាចអ្វីទេ។ សម្តីគ្មានរសជាតិទេ។ អ្នកធ្លាប់គេជេរ? អ្នកធ្លាប់គេមើលងាយទេ? អ្នកធ្លាប់គេលើកសរសើរទេ? ពេលអ្នកឆ្លងកាត់សម្តីទាំងអស់នេះ តើអ្នកមានអារម្មណ៍បែបណាដែរ? នេះជាអំណាចពាក្យសម្តីណា! តាមលោក MarK Fisher បានលើកឡើងថា អំណាចពាក្យសម្តីរបស់អ្នកមានឥទ្ធិពលលើអារម្មណ៍ និងគំនិតខ្លួនណាស់។ បើអ្នកចង់បណ្តុះជំនឿក្នុងចិត្តឱ្យកើតឡើងនោះ អ្នកត្រូវនិយាយពាក្យសម្តីវិជ្ជមានដដែលៗ ព្រោះសម្តីអ្នកនឹងមានអំណាចបញ្ចូលទៅកាន់ចិត្តគំនិតរបស់អ្នកជាមិនខាន។

៣.ទាញខ្លួនកុំឱ្យធ្លាក់ចុះ៖ លោក MarK Fisher បានលើកឡើងថា អ្នកសម្រេចបានភាពជោគជ័យទាំងអស់ មានរឿងមួយដូចគ្នាគឺពួកគេមិនព្រមឱ្យស្ថានការណ៍(អាក្រក់)មកគ្រប់គ្រងលើជោគវាសនាខ្លួននោះទេ។ គេនឹងព្យាយាមកែស្ថានការណ៍អាក្រក់នោះ ដើម្បីឱ្យខ្លួនគេមានអំណាចឥទ្ធិពលធ្វើជាម្ចាស់លើខ្លួនឯងដោយខ្លួនឯងវិញ។ តាមការពិតទៅ! ពួកគេបានជួបស្ថានការណ៍លំបាកៗ កាន់តែខ្លាំងឡើង តែស្ថានការណ៍ទាំងអស់នោះ បែបជាធ្វើឱ្យពួកគេបានបញ្ជេញអំណាច មានភាពរឹងប៉ឹងចេញពីក្នុងខ្លួនមកវិញ។ ព្រោះតែពួកគេមានបេះដូងជាអ្នកតស៊ូ និងបេះដូងអត់ធ្មត់រាប់សិបឆ្នាំ ដើម្បីសម្រេចលទ្ធផលនៅអ្វីដែលខ្លួនចង់បាន។ សូម្បីតែអ្នកក៏អាចធ្វើបានដូចគ្នាដែរ៕ អត្ថបទដោយ៖ ទ្រ សុភាព