ជាទូទៅអាហារត្រូវបានចាត់ទុកថាជា ចំណែកមួយដ៏សំខាន់ក្នុងការទ្រទ្រង់សុខភាពរាងកាយទាំងមូល ក្នុងនោះក៏មានបញ្ចូលទាំងភាពវៃឆ្លាត និងជួយបង្កើតអារម្មណ៍រីករាយផងដែរ។ថ្ងៃនេះចាបបៃតងនឹងលើកយកផ្លែឈើ១២ប្រភេទមកចែករំលែកបងប្អូនទាំងអស់គ្នា ក្នុងការផ្ដល់ជំនួយដល់សុខភាពខួរក្បាល។

ក្នុងខួរក្បាលយើងមានសារធាតុ Dopamine គឺជាសារធាតុ មានឥទ្ធិពលនៅក្នុងខួរក្បាល។ សារធាតុគីមីក្នុងខួរក្បាលនេះ ទទួលខុសត្រូវផ្ទាល់ចំពោះស្មារតីផ្លូវចិត្ត និងការផ្តោតអារម្មណ៍ផងដែរ។

ក្នុងចំណោមសារធាតុគីមីដែលបង្កើតជាសារធាតុ dopamine គ្មានសារធាតុណាសំខាន់ជាង tyrosine ទេ។ តាមពិត tyrosine ត្រូវបានចាត់ទុកថាជាប្លុកសំណង់នៃសារធាតុ dopamine ។ ដូច្នេះវាមានសារៈសំខាន់ណាស់ដែលអ្នកទទួលបានប្រូតេអ៊ីននេះឱ្យបានគ្រប់គ្រាន់។

តាមការឱ្យដឹងរបស់powerofpositivity បានឱ្យដឹងថាមានអាហារ១២ប្រភេទដែលអាចបង្កើនtyrosineបានដែលរួមមាន គ្រាប់អាល់ម៉ុន ផ្លែបឺរ ចេក សាច់គោ សាច់​មាន់ សូកូឡា កាហ្វេ ស៊ុត តែ​បៃតង ទឹកដោះគោ ឪឡឹក ទឹកដោះគោជូរឬយ៉ាអ៊ួ។

ប្រភេទអាហារទាំង១២ពិតជាដើរតួសំខាន់ក្រៅពីអាហារដែលជាតម្រូវការរបស់ខួរក្បាល អាហារនេះក៏ជួយឱ្យរាងកាយទាំងមូលមានភាពធននឹងជំងឺ ក៏ដូចជាបង្កើនសុខភាពទូទៅផ្សេងទៀតផងដែរ។

បង្កើនទម្លាប់ញុំាអាហារខាងលើនេះ​ឱ្យបានជាប់ជាប្រចាំណាដើម្បីសុខភាពខួរក្បាលកាន់តែប្រសើរឡើង អាចបំពេញមុខងារបានការតែល្អនិងបង្កើនអារម្មណ៍រីករាយកាត់ស្រ្តេស បានកាន់តែមានប្រសិទ្ធភាព។