ផ្អែកតាមការឱ្យដឹងពីក្រសួងធនធានទឹក និងឧតុនិយម បានប្រកាសឱ្យប្រជាពលរដ្ឋប្រុងប្រយ័ត្ន ចាប់ពីថ្ងៃទី១២ ដល់ថ្ងៃទី១៤ ខែកក្កដា ឆ្នាំ២០២៣ ប្រទេសកម្ពុជានឹងទទួលឥទ្ធិពលខ្សោយពីជ្រលងសម្ពាធទាបចិន។ បន្ទាប់មកទៀតចាប់ពីថ្ងៃទី១៥ ដល់ថ្ងៃទី១៨កម្ពុជានឹងរងសម្ពាធទាបសារជាថ្មីពីមហាសមុទ្រប៉ាស៊ីហ្វិក សមុត្រចិន ហើយខ្យល់ម៉ូសុងមានល្បឿងលឿន។

ជាហេតុបណ្តាបឱ្យតំបន់មួយចំនួនក្នុងប្រទេសកម្ពុជាអាចមានភ្លៀងធ្លាក់ ខ្យល់កន្រ្តាក់ ផ្ទរន្ទះ៖

១. តំបន់ទំនាបកណ្តាល៖ នឹងមានសីតុណ្ហភាពអប្បបរមាមានពី ២៤-២៦°C សីតុណ្ហភាពអតិបរមាមានពី ៣៤-៣៦°C។ ថ្ងៃទី១២ដល់ទី១៥ អាចមានភ្លៀងធ្លាក់ក្នុងកម្រិតតិចទៅមធ្យម។ ថ្ងៃទី១៥ដល់ទី១៨មានភ្្លៀងពីកម្រិតតិចទៅបង្គួរ។ ដោយផ្នែកខ្លះលាយឡំដោយផ្គរ រន្ទះនិងខ្យល់កន្ត្រាក់

២. តំបន់ខ្ពង់រាប៖ នឹងមានសីតុណ្ហភាពអប្បបរមាមានពី ២២-២៤°C សីតុណ្ហភាពអតិបរមាមានពី ៣២-៣៤°C។ ថ្ងៃទី១២ដល់ទី១៥ អាចមានភ្លៀងធ្លាក់ក្នុងកម្រិតតិចទៅមធ្យម។ ថ្ងៃទី១៥ដល់ទី១៨មានភ្្លៀងពីកម្រិតតិចទីបង្គួរ។ ដោយផ្នែកខ្លះលាយឡំដោយផ្គរ រន្ទះនិងខ្យល់កន្ត្រាក់

៣. តំបន់មាត់សមុទ្រ៖ នឹងមានសីតុណ្ហភាពអប្បបរមាមានពី ២៥-២៧°C សីតុណ្ហភាពអតិបរមាមានពី ៣២-៣៤°C។ ថ្ងៃទី១២ដល់ទី១៥ អាចមានភ្លៀងធ្លាក់ក្នុងកម្រិតខ្សោយទៅតិច។ ថ្ងៃទី១៥ដល់ទី១៨មានភ្្លៀងពីកម្រិតមធ្យមទៅបង្គួរ។ ដោយផ្នែកខ្លះលាយឡំដោយផ្គរ រន្ទះនិងខ្យល់កន្ត្រាក់។ លើផ្ទៃសមុទ្រ ខ្យល់បក់នោកខ្លាំង និងរលកសមុទ្រមានកម្ពស់ខ្ពស់៕

អាស្រ័យហេតុនេះសូមបងប្អូនប្រុងប្រយ័ត្ន ជាពិសេសអាជីវករលក់ដូរនៅតាមផ្លូវ អ្នកធ្វើដំណើរតាមផ្លូវ និងអ្នកដែលរស់នៅតំបន់ទំនាប ការពារទុកមុន ការពារភ្លៀងខ្លាំងលិចខូតខាតសម្ភារៈ៕