ទម្លាប់អាក្រក់៣ ធ្វើអំឡុងពេលព្យាបាលជំងឺទឹកនោមផ្អែម អ្នកនឹងឆាប់ខូចក្រលៀន ខូចភ្នែកប្រឈមគាំងបេះដូង លឿនបំផុត

យោងតាមរយៈវេជ្ជបណ្ឌិត ផិត រ៉ាដា​​ ឯកទេសជំងឺទឹកនោមផ្អែម បាន ប្រាប់ពីផលវិបាកធំៗ អ្នកជំងឺទឹកនោមផ្អែមនឹងជួបនៅពេលគាត់ព្យាបាលមិនបានត្រឹមត្រូវ។ ដោយក្នុងនោះលោកវេជ្ជបណ្ឌិតបានបកស្រាយថា កាលណាអ្នកជំងឺប្រើប្រាស់ថ្នាំខាងក្រៅមានន័យថាគាត់ព្យាបាលមិនបានត្រឹមត្រូវមួយ ព្យាបាលដែរតែព្យាបាលត្រឹមត្រូវ។​អ៊ីចឹងបើអ្នកជំងឺគាត់ព្យាបាលមិនបានត្រឹមត្រូវគឈផលវិបាកដែលនៃជំងឺទឹកនោមផ្អែមនឹងកើតមានឡើងលើគាត់ដដែល។

ចំពោះផលវិបាកធំៗដែលអ្នកជំងឺទឹកនោមផ្អែមជួបគឺ ទី១ការខូចតម្រងនោមឬក៏ក្រលៀន ដែលតម្រូវឱ្យគាត់ត្រូវទៅលាងឈាម ឬក៏ដូរក្រលៀនចេញ។ ទី២គឺខូចសរសៃឈាមបេះដូង ឬក៏រីកបេះដូងដែលអាចធ្វើឱ្យអ្នកកើតជំងឺទឹកនោមផ្អែមងាយងបេះដូងស្លាប់បាន។ ទី៣គឺជួបប្រទះជំងឺដាច់សរសៃឈាមក្នុងខួរក្បាលដែលអាចឱ្យគាត់ប្រទះបញ្ហាstrok(ធ្វើឱ្យគាត់ពិការមួយសំហៀងខ្លួន​ ឬក៏អាចខូចភ្នែក ងងឹតភ្នែក ដំបៅជើងអត់ជា។ល។ ដូច្នេះហើយប្រសិនណាអ្នកជំងឺព្យាបាលដោយប្រើប្រាស់ថ្នាំដោយខ្លួនឯងស្មើនឹងគាត់ព្យាបាលមិនបានត្រឹមត្រូវ។

ក្នុងករណីអ្នកជំងឺទឹកនោមផ្អែមគាត់ព្យាបាលត្រឹមត្រូវ លោកវេជ្ជបណ្ឌិត ផិត រ៉ាដា​​ ក៏បានបញ្ជាក់ថាគឺអាចមកពីកត្តា៣យ៉ាងធំៗសំខាន់ៗមានដូចខាងក្រោម។

កត្តាទី១​អ្នកជំងឺគាត់ប្រើប្រាស់ថ្នាំលើកដំបូងអត់ធូរស្បើយ ទើបធ្វើឱ្យគាត់គិតថាត្រូវតែដូរថ្នាំតែម្ដង។ ពេលខ្លះអ្នកជំងឺទៅទិញថ្នាំថែមខ្លួនឯង​ឬក៏ដកថ្នាំចេញខ្លះដោយខ្លួនឯង។ វេជ្ជបណ្ឌិតណែនាំថាធ្វើបែបហ្នឹងគឺមិនត្រឹមត្រូវនោះទេ ព្រោះជំងឺទឹកនោមផ្អែមនេះគេដឹងពីវិធីព្យាបាលរបស់វាហើយ។ ចឹងកាលណាគាត់ប្រើប្រាស់មិនទាន់ត្រូវដំបូង គេសេរេតែម្ដងទៅ២ដងគឺត្រូវវិញហើយ ដូច្នេះអ្នកជំងឺដូរថ្នាំផ្ដេសផ្ដាសវេជ្ជបណ្ឌិតបានប្រាប់ថាធ្វើបែបហ្នឹងគឺគ្រោះថ្នាក់មិនត្រឹមត្រូវទេ។

កត្តាទី២គឺតាមគ្នា​​មានន័យថាបើគាត់មានជំងឺទឹកនោមផ្អែម អ្នកផ្ទះគាត់ក៏មាន អ្នកជិតខាងគាត់ក៏កើត មិត្តភក្តិគាត់ក៏កើត តែគេលេបថ្នាំតិចជាងគាត់ហើយគេអត់ធ្វើទុក្ខហើយស្រួលខ្លួនគាត់ក៏លេបតាមគេដែរ។ កត្តានេះវេជ្ជបណ្ឌិតបានប្រាប់ថាគឺមាន​ច្រើនណាស់។ ដូច្នេះបងប្អូនដែលកើតជំងឺទឹកនោមផ្អែមឈប់ធ្វើបែបនេះមិនត្រឹមត្រូវនោះទេ មនុស្សម្នាក់ៗគឺឈឺមិនដូចគ្នា ការព្យាបាលក៏មិនដូចគ្នាដែរ ថ្នាំក៏មិនអាចលេបដូចគ្នាដែរ។ ព្រោះជួនកាលអ្នកកើតជំងឺទឹកនោមផ្អែមគាត់ខូចក្រលៀន ចឹងត្រូវបន្ថយថ្នាំ តែអ្នកមិនខូចតម្រងនោម មិនអាចលេបដូចគាត់បាននោះទេ។

កត្តាទី៣គឺបញ្ហាថវិកា គាត់ព្យាយាមបន្ថយថ្នាំប្រើប្រាស់ របស់គាត់ ទើបធ្វើឱ្យគាត់មានបញ្ហាព្រោះព្យាបាលមិនត្រឹមត្រូវតាមការណែនាំរបស់គ្រូពេទ្យ។

អាស្រ័យហេតុនេះហើយសម្រាប់បងប្អូនដែលកើតជំងឺទឹកនោមផ្អែម កុំចេះតែព្យាបាលតាមគ្នា ព្រោះមនុស្សម្នាក់ៗគឺមិនដូចគ្នាទេ។ ការព្យាបាលក៏មិនដូចគ្នាដែរសូមធ្វើការពិគ្រោះជាមួយវេជ្ជបណ្ឌិតណែនាំឱ្យបានត្រឹមត្រូវដើម្បីចៀសវាងបញ្ហាខូចតម្រងនោម ដាច់សរសៃឈាមខួរក្បាល ខូចភ្នែក គាំងបេះដូងជាដើម៕