មានមួយសំណួរទៀតគឺថា មានមូលហេតុណាខ្លះបង្កអោយមានជំងឺច្រាលអាស៊ីតក្រពះ?
១. ភាពមិនប្រក្រតី រឺ ភាពខ្សោយនៃប្រឹសបំពង់អាហារផ្នែកខាងក្រោម (Sphincter) ដោយការប្រើប្រាស់គ្រឿងស្រវឹង ថ្នាំជក់ និងថ្នាំព្យាបាលជំងឺហឺតមួយចំនួន ។

២. ភាពមិនប្រក្រតីនៃបំពង់អាហារ ធ្វើឱ្យអាហារដែលធ្លាក់ចូលទៅក្នុងក្រពះមានការយឺតយ៉ាវ បណ្ដាលឱ្យសារធាតុដែលនៅក្នុងក្រពះហូរត្រឡប់មកវិញ និងស្ថិតនៅក្នុងបំពង់អាហារយូរជាងធម្មតា។
៣. ភាពមិនប្រក្រតីនៃក្រពះ ដែលបណ្ដាលឲ្យមានភាពយឺតយ៉ាវក្នុងការរុញច្រានចំណីអាហារទៅក្នុងពោះវៀន និងបង្កើននូវរោគសញ្ញានៃការច្រាលទឹកអាស៊ីតក្រពះ។
៤. អាហារមានជាតិខ្លាញ់ និងស្ករសូកូឡាគឺកាត់បន្ថយការកន្ត្រាក់របស់ចលនាក្រពះ។
៥. ជំងឺទឹកនោមផ្អែម ជាពិសេសផលលំបាករបស់វាទៅលើសរសៃប្រសាទ។

ដូច្នេះហើយ! ចំពោះអ្នកមានបញ្ហាក្រពះ អ្នកគួរពិនិត្យសុខភាពជាមួយពេទ្យ ពិសារទឹកឱ្យច្រើន និងលះបង់ស្រាចេញ ទើបសុខភាពរបស់អ្នកល្អប្រសើរ។ ហើយអ្នកគួរបញ្ចូលទម្លាប់បន្ថែមទៀតដូចជាហាត់ប្រាណ គេងឱ្យបានគ្រប់គ្រាន់ និងថែរក្សាផ្លូវចិត្តផងដែរ៕ អត្ថបទដោយ៖ ទ្រ សុភាព