មិនត្រឹមតែប៉ុណ្ណោះទេ! រាងកាយ​បង្រួញ​សរសៃឈាម​ដើម្បី​រក្សា​កំដៅ​ក្នុង​អាកាសធាតុ​ត្រជាក់នាំ​ឱ្យ​មាន​សម្ពាធ​ឈាម​កើនឡើង​។ បើក្នុងខ្លួនរបស់អ្នកខ្វះជាតិទឹក ធ្វើឈាមកើនឡើង ហើយបេះដូងមានការកន្ត្រាក់ខ្លាំងដើម្បីរុញឈាមចេញខ្លាំង ធ្វើឱ្យសរសៃឈាមខួរក្បាលរបស់អ្នកងាយដាច់ណាស់។

ការខ្វះជាតិទឹកនេះនាំឱ្យមានផលប៉ះពាល់ដល់តុល្យភាពអេឡិចត្រូលីតផងដែរ ដែលបណ្តាលឱ្យមានការរំខានដល់ចង្វាក់បេះដូង និងកាត់បន្ថយអុកស៊ីសែនទៅកាន់ខួរក្បាល។ អ្នកខ្លះផឹកទឹកតិចតួចពេល ប៉ុន្តែផឹកកាហ្វេ និងផឹកស្រាច្រើននៅខែត្រជាក់នោះ ធ្វើឱ្យរាងកាយកាន់តែបាត់បង់ជាតិទឹកលឿន។ មនុស្សចាស់មិនសូវជាស្រេកទឹកទេ នេះជាកត្តានាំឱ្យមនុស្សចាស់មានហានិភ័យខ្ពស់ដាច់សរសៃឈាមខួរក្បាលលឿន។

ដូច្នេះ! បើអ្នកឧស្សាហ៍ឈឺក្បាល ត្រជាក់ខ្លួន វិលមុខ ស្រវាំងភ្នែក ស្ពឹកដៃជើង បេះដូងលោតញាប់ និងមានការប្រែប្រួលសម្ពាធឈាមខុសធម្មតានោះ អ្នកគួរទៅជួបគ្រូពេទ្យពិនិត្យសុខភាព និងផឹកទឹកឡើងវិញក្នុងមួយថ្ងៃឱ្យបាន ៣លីត្រជាងដែរ ដើម្បីរក្សាលំហូរឈាមសរសៃឈាមទៅកាន់ខួរក្បាលបានល្អ៕ អត្ថបទដោយ៖ ទ្រ សុភាព