៣ ការយល់ច្រឡំកំពុងធ្វើឲ្យបេះដូងមានបញ្ហាដោយមិនដឹងខ្លួន

នៅថ្ងៃទី ២៩ ខែ កញ្ញា កន្លងទៅ យោងតាមរបាយការណ៍ “ការយល់ច្រឡំដែលបណ្តាលឲ្យមានបញ្ហាបេះដូង” បានចាក់ផ្សាយតាមកញ្ចក់ទូរទស្សន៍ដូចជា CTN, Bayon, HMTV ដែលទាក់ទាញការចាប់អារម្មណ៍យ៉ាងច្រើនពីសាធារណជន។ វាមិនត្រឹមតែជាការក្រើនរំលឹកអំពីអត្រាកើនឡើង និងការកើតមានជម្ងឺបេះដូងនៅវ័យក្មេងទេ ប៉ុន្តែក្នុងនោះក៏ថែមទាំងបង្ហាញអំពីការយល់ច្រឡំំគ្រោះថ្នាក់មួយ ដែលជាមូលហេតុនាំទៅរកជម្ងឺបេះដូង។ ការយល់ច្រឡំនេះរួមមាន៖ ជម្ងឺបេះដូងជាជម្ងឺតំណពូជ, មានតែអ្នកចាស់ប៉ុណ្ណោះដែលកើតជម្ងឺនេះ ឬជម្ងឺកើតទៅលើអ្នកធាត់ប៉ុណ្ណោះ ។

ឆ្លើយតបទៅនឹងការបដិសេធនេះ លោកវេជ្ជបណ្ឌិត ថេង យូដាលីនប្រធានផ្នែកបេះដូងនិងសរសៃឈាម នៃមន្ទីរពេទ្យ កាល់ម៉ែតបានបញ្ជាក់ថា៖ “ជម្ងឺបេះដូងមិនលើកលែងនរណាម្នាក់ឡើយ!”។ តាមបទពិសោធន៌ជាច្រើនឆ្នាំក្នុងវិស័យវេជ្ជសាស្រ្ត គាត់បានលើកឡើងថា ការយល់ច្រឡំនេះមានជាយូរមកហើយ ហើយបន្តជាបញ្ហាគួរឲ្យព្រួយបារម្ភ។ ព្រោះការយល់ច្រឡំនេះ នាំឲ្យមានការយល់ខុសពីទម្លាប់រស់នៅ និងរបបអាហារ ដែលប៉ះពាល់ដល់បេះដូងដោយមិនដឹងខ្លួន។

ក្នុងកម្មវិធីផងដែរ លោកវេជ្ជបណ្ឌិត យូដាលីន ក៏បានបញ្ជាក់ថា មូលហេតុសំខាន់ដែលបណ្តាលឱ្យកើតជម្ងឺបេះដូងគឺបណ្តាលមកពី ទម្លាប់រស់នៅមិនល្អ (ជក់បារី, ផឹកស្រាបៀរច្រើន) ខ្វះលំហាត់ប្រាណ និងរបបអាហារដែលមានកូឡេស្តេរ៉ូលខ្ពស់។

គាត់បានពន្យល់ទៀតថា៖ “កូឡេស្តេរ៉ូលមានច្រើននៅក្នុងខ្លាញ់ សរីរាង្គសត្វ និងអាហារបំពងឬFastfood។ នៅពេលរាងកាយទទួលយកកូឡេស្តេរ៉ូលច្រើនពេក វានឹងបង្កើតជាកូឡេស្តេរ៉ូលអាក្រក់ ដែលប្រមូលផ្តុំជាកំណកស្ទះនៅក្នុងសរសៃឈាម ធ្វើឱ្យទំហំនៃសរសៃឈាមរួមតូចដែលនាំឱ្យមានការស្ទះសរសៃឈាមណាមួយដូចជា ការគាំងបេះដូង និងដាច់សរសៃឈាមខួរក្បាល។”

លោកវេជ្ជបណ្ឌិត យូដាលីន បានអំពាវនាវឲ្យបង្កើនការយល់ដឹងសាធារណៈ ដើម្បីកាត់បន្ថយការយល់ច្រឡំដែលកំពុងធ្វើឲ្យជម្ងឺបេះដូងកើនឡើង និងកើតមាននៅវ័យក្មេង។

តាមរបាយការណ៍របស់អង្គការសុខភាពពិភពលោក (WHO) ជម្ងឺបេះដូងជាមូលហេតុចម្បងនៃការស្លាប់នៅក្នុងប្រទេសកម្ពុជា។ ហេតុនេះ ការការពារជម្ងឺបេះដូងគឺជាការចាំបាច់ មិនមែនជាជម្រើសទៀតនោះទេ។

ដំណោះស្រាយសម្រាប់បេះដូងមានសុខភាពល្អ៖ ចាប់ផ្តើមពីការផ្លាស់ប្តូរតូចៗ

ក្នុងកម្មវិធី លោកវេជ្ជបណ្ឌិត យូដាលីន បានផ្ដល់អនុសាសន៍ឲ្យមនុស្សគ្រប់គ្នា កែប្រែទម្លាប់រស់នៅ បន្ថែមលំហាត់ប្រាណ និងកែសម្រួលរបបអាហារ ដោយកាត់បន្ថយខ្លាញ់អាក្រក់ និងជ្រើសរើសខ្លាញ់ល្អដែលគ្មានកូឡេស្តេរ៉ូល។ គាត់បន្ថែមថា ការផ្លាស់ប្តូរនេះអាចកាត់បន្ថយហានិភ័យជម្ងឺបេះដូងបានដល់ទៅ ៨០%។

និយាយពីខ្លាញ់សម្រាប់អាហារ គាត់បានណែនាំឲ្យប្រើប្រេងបន្លែ ជាពិសេសប្រេងដែលមានគុណប្រយោជន៍ល្អសម្រាប់បេះដូង ដូចជា ប្រេងសណ្តែកសៀង (Omega 3-6-9), ប្រេងអង្ករសម្រូប (Gamma Oryzanol), ប្រេងផ្កាឈូករ័ត្ន (Vitamin E)។ សារធាតុចិញ្ចឹមទាំងនេះជួយកាត់បន្ថយកូឡេស្តេរ៉ូលអាក្រក់ និងការពារសុខភាពបេះដូង។

ជ្រើសរើសប្រេងដែលមានអត្ថប្រយោជន៍ល្អសម្រាប់បេះដូង៖

ប្រេងសណ្តែកសៀង (Omega 3-6-9), ប្រេងអង្ករសម្រូប (Gamma Oryzanol), ប្រេងផ្កាឈូករ័ត្ន (Vitamin E)

ក្នុងកម្មវិធីក៏មានវត្តមានចុងភៅ លោក សុ​ ធារិទ្ធិ  បានចែករំលែកថា គាត់បានដឹងពីសារៈសំខាន់ក្នុងការការពារបេះដូងតាំងពីមុន ហើយបានកែប្រែទម្លាប់កត្តាដែលមានហានិភ័យសម្រាប់គាត់ដូច្នេះថា  “ជំងឺចាប់ផ្តើមពីការញុំាចូលក្នុងមាត់” ដូច្នេះគាត់ចាប់ផ្តើមការពារ ដោយផ្លាស់ប្តូររបបអាហារ។ គាត់ជ្រើសរើសអាហារដែលមានប្រយោជន៍ដល់បេះដូង បន្ថយអាហារfastfood និងអាហារដែលមានកូឡេស្តេរ៉ូលខ្ពស់ និងញុំាបន្លែឱ្យច្រើន។ ជាពិសេស គាត់ជ្រើសរើសប្រេងឆា Simply ដែលជាផលិតផលគុណភាពខ្ពស់ របស់ក្រុមហ៊ុន Wilmar Group (Singapore) ដែលមានជម្រើសជាច្រើនដូចជា ប្រេងសណ្តែកសៀង ប្រេងអង្ករសម្រូប និងប្រេងផ្កាឈូករ័ត្ន។ គាត់បាននិយាយថា “ខ្ញុំមើលឃើញរាងកាយខ្ញុំកំពុងផ្លាស់ប្តូរទៅវិជ្ជមានជារៀងរាល់ថ្ងៃ”

 លោក សុ​ ធារិទ្ធិ បានកែតម្រូវរបបអាហារដើម្បីឱ្យបេះដូង មានសុខភាពល្អ ហើយទទួលបានអារម្មណ៍វិជ្ជមានពីការផ្លាស់ប្តូរនេះ

សរុបសេចក្តីក្នុងកម្មវិធីនេះ សារសំខាន់គឺបានបង្ហាញច្បាស់ៗ បើសិនជាយើងចង់រួមគ្នាកាត់បន្ថយហានិភ័យនៃជម្ងឺបេះដូង អ្វីដែលសំខាន់បំផុតគឺការលើកកម្ពស់ការយល់ដឹង និងការរក្សារបៀបរស់នៅឲ្យមានសុខភាពល្អ។ ចាប់ផ្តើមពីការហាត់ប្រាណ ការទទួលទានអាហារឲ្យមានតុល្យភាព និងជ្រើសរើសម្ហូបអាហារដែលល្អសម្រាប់បេះដូង នៅក្នុងរបបអាហារប្រចាំថ្ងៃ។ សូមកុំឲ្យការយល់ច្រឡំ ឬការជឿខុសនេះ បណ្តាលឱ្យអ្នកចូលក្នុងផ្នែកមួយដែលមានហានិភ័យនៃជម្ងឺបេះដូង ដោយមិនដឹងខ្លួន។