បច្ចុប្បន្ននេះមហាជនជាច្រើននិយមញុំាស៊ុតឆៅ ពីព្រោះគិតថាស៊ុតឆៅអាចផ្ដល់នូវប្រូតេអ៊ីនបានច្រើនជាងស៊ុតឆ្អិន ជាពិសេសនោះគិតថា ស៊ុតឆៅផ្ដល់នូវថាមពលពេញលេញដល់រាងកាយ។ តើការទទួលទានស៊ុតឆៅពិតជាផ្ដល់អត្ថប្រយោជន៍ដល់រាងកាយជាងស៊ុតឆ្អិនមែនដែរឬទេ?

ជាក់ស្ដែងបើយោងតាមប្រភព VNexpress វេជ្ជបណ្ឌិត Nguyen Hoai Thu មកពីវិទ្យាស្ថានវេជ្ជសាស្ដ្រអនុវត្តវៀតណាម បានប្រាប់ឱ្យដឹងផងដែលថា អាហារូបត្ថម្ភនៅក្នុងស៊ុតឆៅ និងស៊ុតឆ្អិនមានអត្ថប្រយោជន៍ដូចជាដូចជា មានកាឡូរី ប្រូតេអ៊ីន ខ្លាញ់ វីតាមីនអេ វីតាមីបេ២ វីតាមីនបេ៥ វីតាមីនបេ១២ ហ្វូឡាត ផូស្វ័រ និងសេលេញ៉ូមជាដើម។ សារធាតុចិញ្ចឹមភាគច្រើនប្រមូលផ្ដុំនៅក្នុងស៊ុតក្នុងដែលពណ៌ក្រហម។

យ៉ាងណាមិញ ការទទួលទានស៊ុតឆៅ អាចធ្វើឱ្យមានមេរោគ និងបាត់តេរី salmonella។ បាត់តេរី salmonella មានទាំងនៅលើសំបកស៊ុត និងខាងក្នុងនៃស៊ុត ដែលវាកើតចេញរបបអាហាររបស់បក្សី និងកន្លែងចិញ្ចឹមបក្សី។ ដូច្នេះអ្នកត្រូវចម្អិនស៊ុតឱ្យបានល្អ ដើម្បីសម្លាប់បាក់តេរី និងការពារការពុលផងដែរ។

បើនិយាយពីអត្ថប្រយោជន៍ដែលស៊ុតផ្ដល់ឱ្យរាងកាយ រាងកាយបានស្រូបយកបរិមាណនៃសារធាតុចិញ្ចឹមនៅក្នុងស៊ុតផ្សេងៗគ្នា។ រាងកាយអាចស្រូបយកប្រូតេអ៊ីនពីស៊ុតឆ្អិនច្រើនជាងស៊ុតឆៅទៅទៀត។ នៅពេលអ្នកទទួលទានស៊ុតឆ្អិន ប្រហែលជា៩០%នៃប្រូតេអ៊ីននឹងត្រូវស្រូបចូលរាងកាយ ប៉ុន្តែបើអ្នកទទួលទានស៊ុតឆៅ នោះរាងកាយអាចស្រូបយកប្រូតេអ៊ីនបានប្រហែល៥០%ប៉ុណ្ណោះ។

លើសពីនេះទៅទៀត ការទទួលទានស៊ុតឆៅអាចរំខានដល់រាងកាយក្នុងការស្រូបយកសារធាតុ biotin (វីតាមីនបេ និងវីតាមីនបេ៧)។ សារធាតុ biotin គឺចាំបាច់សម្រាប់រាងកាយក្នុងការផលិតអាស៊ីតខ្លាញ់ និងគ្លុយកុស។ លើសពីនេះទៅទៀត ស៊ុតពណ៌សឆៅក៏មានផ្ទុកនូវសាធាតុដែលរំខានដល់ការស្រូបយកវីតាមីនH ដែលជាសារធាតុចិញ្ចឹមដែលមិនអាចខ្វះបានក្នុងដំណើរការនៃការប្រើប្រាស់ប្រូតេអ៊ីន កាបូអ៊ីដ្រាត និងសមាធាតុប្រូតេអ៊ីន ដែលចាំបាច់សម្រាប់ការអភិវឌ្ឍន៍នៃរាងកាយ។

មិនតែប៉ុណ្ណោះ បើយោងតាមប្រភព Webmd បានរៀបរាប់ផងដែលថា ការទទួលទានស៊ុតឆៅអាចជាវិធីលឿនក្នុងការទទួលបាននូវប្រតេអ៊ីនច្រើន។ អ៊ីចឹង រដ្ឋបាលចំណីអាហារ និងឱសថអាមេរិក(FDA) ណែនាំឱ្យអ្នកគ្រប់គ្នាប្រើប្រាស់នូវប្រភេទស៊ុតប៉ាស្ទ័រ(pasteurized eggs)។ ពិតមែនហើយ ស៊ុតប៉ាស្ទ័រត្រូវបានកំដៅល្មម ដើម្បីសម្លាប់បាក់តេរី salmonellaដែលមាននៅលើសំបក និងខាងក្នុងនៃស៊ុត។