បើយោងតាមប្រភពព័ត៌មានអង្គការសុខភាពពិភពលោក (WHO) បានឱ្យដឹងថា ការបំពុលបរិយាកាសក្នុងទម្រង់ខ្យល់ពុលកម្រិត PM2.5 ពិតជាគ្រោះថ្នាក់ដល់សុខភាពនៅពេលមនុស្សគ្រប់គ្នាស្រូបធូលីល្អិតនៃខ្យល់នេះ ចូលទៅក្នុងរាងកាយ ស្របពេលស្បែកក៏ជួបផលប៉ះពាល់ដូចគ្នា។ ចំពោះផលប៉ះពាល់រយៈពេលខ្លី រួមមានរលាកភ្នែក ច្រមុះ និងបំពង់ក ក្អក កណ្ដាស់ និងហៀរសំបោរ រួមទាំងដង្ហើមខ្លី ស្បែកឡើងកន្ទួលក្រហម របកក្រហម រមាស់ និងបាត់បង់សំណើម។ 

ចំណែកផលប៉ះពាល់រយៈពេលវែង គឺមានហានិភ័យនៃជំងឺបេះដូង គាំងបេះដូង ជំងឺមហារីកបេះដូង ជំងឺដាច់សរសៃឈាមខួរក្បាល ការថយចុះមុខងារសួត និងរលាកទងសួតរ៉ាំរ៉ៃ ស្បែកអាចពន្លឿនភាពចាស់ ខ្មៅស្រអាប់ មានភាពជ្រីវជ្រួញ ជាំ បំផ្លាញកោសិកាស្បែក និងឡើងអាចម៍រុយ។ យ៉ាងណាមិញ អ្នកដែលប្រឈមនឹងគ្រោះថ្នាក់ខ្លាំងបំផុត គឺកុមារ ស្ត្រីមានផ្ទៃពោះ មនុស្សចាស់ ក្រុមអ្នកដែលមានបញ្ហាបេះដូង និងបញ្ហាផ្លូវដង្ហើម រួមទាំងអ្នកដែលមានបញ្ហាអាឡែស៊ី។ សូម្បីតែទារកក្នុងផ្ទៃ និងទារកដែលទើបនឹងកើត ក៏រងការប៉ះពាល់ផងដែរ៕