អាការឈឺចុកចាប់ពេលមករដូវគឺ ជាអាការមួយដែល តែងកើតមានលើស្រ្តីគ្រប់រូប ។មិនថាតិចក្ដីច្រើនក្ដី ក៏អាចក្លាយជាផលរំខានដល់សុខភាពស្រ្តីគួរសមផងដែរ។ រាល់អាហារដែលញុំាចូលបានទាំងប្រយោជន៍ បានទាំងផលវិបាកសម្រាប់ស្រ្តីពេលមករដូវ ដូច្នេះ ដើម្បីការពារផលវិបាកទាំងនេះ ស្រ្តីគួរដឹងនឹងគួរតែចៀសវាងនៅប្រភេទអាហារទាំងប៉ុន្មានមុខខាងក្រោមនេះ បើមិនចង់ឱ្យអាការ ឈឺចុកចាប់កាន់តែខ្លាំងឡើងៗ។

បើងយោងតាមរយៈគេហទំព័រ healthline បានណែនាំអាហារគួរតែចៀសវាង៤ប្រភេទ ដែលស្ត្រីៗគួរតែប្រយ័ត្នឱ្យមែនទែន អាហារទាំងអស់នោះមានដូចជា៖

១.អាហារហឹរ៖ មែនទែនទៅអាហារហឹរដូចជា(ម្ជូរ)មិនមែនជាអាហារដែលអាក្រក់អ្វីឡើយប្រសិនណាអ្នកមិនបានបញ្ហាឈឺក្រពះ ឬក៏មកប្រចាំខែ ព្រោះប្រសិនណាអ្នកញុំាអាហារនៅអំឡុងពេលនិងគឺធ្វើឱ្យអ្នកឈឺចុកពោះរាក ចង្អោរឡើងមកជាដើមដែលបណ្ដាលឱ្យអាការកាន់តែធ្ងន់ធ្ងរ​ តែបើអ្នកមិនបានបញ្ហាឈឺក្រពះ ឬមកប្រចាំខែ អាចញុំាបានធម្មតា។

២.កាហ្វេ៖ យើងទទួលស្គាល់ថាកាហ្វេគឺជាភេសជ្ជៈមានគុណប្រយោជន៍ដល់សុខភាព ដែលមានអ្នកទទួលស្គាល់ទូទាំងពិភពលោក​ តែទោជាយ៉ាងនេះក្ដី ការផឹកកាហ្វេច្រើន នៅពេលមករដូវ អាចបណ្ដាលឱ្យស្រ្តីងាយនឹងខះជាតិទឹកនៅក្នុងខ្លួនឡើងមកមិនខាន។

៣.ស្រា៖ ការញុំាស្រានៅពេលរករដូវគឺមិនល្អសម្រាប់សុខភាព ឡើយ ព្រោះវាបានជះផលអាក្រក់បង្កជាបញ្ហាដូចជា បណ្ដាលឱ្យហើមពោះ រាក ក្អួត អស់កម្លាំង ឈឺក្បាល ឡើងមកជាដើម ដែលជាហេតុនាំឱ្យអាការមករដូវកាន់តែអាក្រក់ៗទៅ

៤. អាហារប្រៃ៖ ប្រភេទអាហារកែច្នៃ អាហារសម្បូរជាតិប្រៃ គឺមានគ្រោះថ្នាក់សម្រាប់សុខភាពខ្លាំងមិនងាអ្នកមករដូវ ឬក៏មិនមក ព្រោះអាហារប្រៃបានបំផ្លាញសុខភាពច្រើន ប៉ះពាល់សុខភាពបេះដូង ខួរក្បាល ស្ទះសរសៃឈាម លើសឈាមផងដែរ។

គូសបញ្ជាក់ផងដែរ ប្រសិនបើអ្នកកំពុងមករដូវគួរតែព្យាយាមកាត់បន្ថយអាហារទាំងអស់នេះសិន ប្តូរមកញុំាអាហារបែបជំនួយវិញម្ដងដូចជា ញុំា​បន្លែបៃតង ផ្លែឈើ ស៊ុត ញុំាទឹកឱ្យបានគ្រប់គ្រាន់ជាដើម ៕

អត្ថបទដោយ៖ ប៉ែត ធីតា