១. ញុំាបន្លែផ្លែឈើឱ្យបានច្រើន៖ លោក Longo បានបង្កើតរបបអាហារអាយុវែង ដែលគាត់បានណែនាំឱ្យញុំាបន្លែឱ្យបានច្រើន និងផ្លែឈើមធ្យម ញុំាគ្រប់ធញ្ញធម្មជាតិ និងត្រី 3–4 ដងក្នុងមួយសប្តាហ៍។ ជៀសវាងសាច់ក្រហម និងសាច់ស ស៊ុត 2–3 ក្នុងមួយសប្តាហ៍ និងឈីសតិចតួចប៉ុណ្ណោះ របបអាហារមេឌីទែរ៉ាណេត្រូវបានបង្ហាញថាអាចបន្ថយហានិភ័យជំងឺទឹកនោមផ្អែមប្រភេទទី 2 និងជំងឺបេះដូង។

២. តមអាហារ 12 ម៉ោងក្នុងមួយថ្ងៃ៖ ការកំណត់ម៉ោងញុំាឱ្យបានត្រឹមត្រូវគឺជាកត្តាសំខាន់។ លោក Longo បានស្នើឱ្យមនុស្សគួរតែកំណត់ពេលញុំាក្នុងចន្លោះ ១២ ម៉ោង។ ឧទាហរណ៍ កំណត់ពេលញុំាពីម៉ោង ៧ ព្រឹកដល់ម៉ោង ៧ យប់។ បន្ថែមពីនេះ គាត់ក៏បានរៀបចំរបបអាហារដែលហៅថា Fasting Mimicking Diet ដែលជួយឱ្យរាងកាយទទួលបានអត្ថប្រយោជន៍ដូចជាការតមអាហារ តែម្ដងទទួលបានសារធាតុចិញ្ចឹមគ្រប់គ្រាន់។ សាកល្បងវិធីនេះរយៈពេល ៥ ថ្ងៃ ហើយបន្ទាប់មកអ្នកអាចត្រឡប់ទៅញុំាអាហារបានធម្មតាវិញ។ វិធីនេះអ្នកអាចធ្វើវាបានរៀងរាល់ ៣ ទៅ ៤ ខែនឹងអាចកាត់បន្ថយហានិភ័យនៃការកើតឡើងជំងឺជាច្រើនដូចជា ជំងឺមហារីក ជំងឺបេះដូង និងជំងឺទឹកនោមផ្អែម។

៣. ការធ្វើលំហាត់ប្រាណ៖ លោក Longo បានផ្ដល់អនុសាសន៍ថា គួរតែធ្វើលំហាត់ប្រាណឱ្យបានយ៉ាងតិច 150 នាទីក្នុងមួយសប្ដាហ៍ (2 ម៉ោងកន្លះ) ប្រសិនបើមានពេល។ ទម្លាប់តូចៗទាំងនេះ គឺជាអ្វីដែលជំនាន់មុននៅតំបន់ដែលមានអាយុវែងធ្លាប់អនុវត្ត។

៤. ផ្តល់អាទិភាពដល់ដំណេក និងសុខភាពផ្លូវចិត្ត៖ ការគេងឱ្យបានគ្រប់គ្រាន់គឺជាកត្តាសំខាន់សម្រាប់អាយុវែង។ អ្នកជំនាញណែនាំថា៖ គេង និងភ្ញាក់ក្នុងម៉ោងដដែលរៀងរាល់ថ្ងៃ បង្កើតទម្លាប់មុនចូលគេង ដើម្បីឱ្យរាងកាយស្ងប់។

ក្រៅពីការគេងលោក Longo ក៏លើកសំខាន់លើ សុខភាពផ្លូវចិត្តវិជ្ជមានដែរ។ ទម្លាប់ទាំងនេះមិនមែនជាអ្វីពិបាកឡើយ ប៉ុន្តែត្រូវការតែការស្រឡាញ់ខ្លួនឯង និងភាពចៀសវាង។ ប្រសិនបើអនុវត្តបានជាប្រចាំ វាអាចជួយឱ្យជីវិតរបស់អ្នកស្រស់បព្រង មានសុខភាពល្អ អាយុវែង និងមានអារម្មណ៍សប្បាយចិត្តជានិច្ច៕