ជំងឺការិយាល័យ (Office Syndrome) ជារោគសញ្ញាមួយដែលកើតឡើងជាញឹកញាប់មើលបុគ្គលិកការរិយាល័យដែលអង្គុយធ្វើការយូរៗរាប់ម៉ោង។ ភាគច្រើនវាចឹងចាប់ផ្ដើមកើនឡើងបន្ទាប់ពីអង្គុយយូរនៅមួយកន្លែង អាចចេញជារោគសញ្ញា ឈឺចាប់ ចុករោយ តាមស្មា ដៃ ជើង ចង្កេះខ្នង រឹងម្រាមដៃ ម្រាមជើង ភ្លៅ ងាយរមួលក្រពើ ផ្ដល់ផលរំខានដល់ការធ្វើចលនាឬ សរីរាង្គផ្សេងៗទៀត។ រោគសញ្ញារំខានទាំងនេះ ក៏អាចធ្វើឱ្យមានការរលាកសន្លាក់ និងសាច់ដុំ ដែលកើតឡើងពីសម្ពាធរាងក្នុងរយៈពេលយូរបានផងដែរ បើផ្អែកតាមការចែករំលែកពីអ្នកជំនាញនៅក្នុងប្រភពមន្ទីរពេទ្យបាងកក។

ជំងឺនេះ កាន់តែងាយកើតឡើងបាន ដោយសារការប្រើឥរិយាបទមិនល្អ ម្ដងហើយម្ដងទៀត ផ្ដល់សម្ពាធតានតឹងដល់សាច់ដុំក្នុងរយៈពេលយូរ បណ្ដាលឱ្យសាច់ដុំស្នូលចុះខ្សោយ សាច់ដុំកន្ត្រាក់ជាលំដាប់ ធ្វើឱ្យអតុល្យភាពសាច់ដុំ និងអាចធ្វើឱ្យខូចខាតទ្រង់ទ្រាយនៃឆ្អឹងតានផ្នែកណាមួយបានផងដែរ។

ដើម្បីការពារខ្លួនពីបញ្ហាទាំងនេះបាន ខាងក្រោមនេះជាវិធីសាស្ត្រដែលគួរអនុវត្តជារៀងរាល់ថ្ងៃ៖

រៀបចំឥរិយាបទធ្វើការឡើងវិញ៖ ទាំងតុ​ កៅអី ក្ដារចុច កុំព្យូរទ័ររបស់អ្នក។ គួរដាក់កុំព្យូទ័រឱ្យនៅឆ្ងាយមានគន្លាតត្រឹមត្រូវពីភ្នែករបស់អ្នក។ លោកវេជ្ជបណ្ឌិត សេង សំណាង ជាវេជ្ជបណ្ឌិតឯកទេសវះកាត់ឆ្អឹងខ្នងនិងខួរក្បាល បានចែករំលែកថា ការអង្គុយដែលត្រឹមត្រូវ ត្រូវដាក់ទូរស័ព្ទ ឬកុំព្យូទ័រ លើកឱ្យខ្ពស់អេក្រង់ស្មើរនឹងមុខរបស់យើង ដើម្បីកុំឱ្យឱនកចុះក្រោម និងគូរចៀសវាងឈ្ងោកទៅជិតកុំព្យូទ័រដើម្បីមើក។ អង្គុយផ្អែកនិងកៅអី ឱ្យត្រង់ខ្លួន ហើយដាក់ដៃទាំងសងខាងលើតុឱ្យចេញជាទម្រង់កែង កុំទម្លាក់កែងដៃឱ្យចោទចុះក្រោម កែងដៃគួរមានតុកល់ពីក្រោយ ដើម្បីកុំឱ្យងាយប៉ះពាល់សន្លាក់កែវដៃ។

ទីតាំងនឹងរយៈពេលអង្គុយ៖ ផ្អែកតាមប្រភពមន្ទីរពេទ្យបាងកកបានឱ្យដឹងថា គួរក្រោកឬប្តូរចលនាអង្គុយរាល់១ទៅ២ម៉ោងម្ដង ចៀសវាងការអង្គុយយូរនៅមួយកន្លែងច្រើនម៉ោង។ គូរចៀសវាងការអង្គុយច្បិចៗនៅគែបកៅអី ការសម្រាកបន្តិច ឬក្រោកដើរធ្វើចលនាខ្លះ លាតដៃ លាតជើងខ្លះ បានជួយបន្ធូរភាពតានតឹងនៃភ្នែក ហើយថែមទាំងជួយសម្រួលសម្ពាធសន្លាក់ សាច់ដុំផងដែរ។

ធ្វើលំហាត់ប្រាណ៖ ដើម្បីជួយបន្ធូរសម្ពាធតាតតឹង លើសាច់ដុំ បន្ទាប់ពីអ្នកអង្គុយយូរពេញ១ថ្ងៃ គួរតែធ្វើលំហាត់ប្រាណឱ្យបានទៀងទាត់ជារៀងរាល់ថ្ងៃ ក្រោយចេញពីធ្វើការចេញ។​

ប្តូរឥរិយាបទមុនចូលគេង៖ ចូរកុំបន្ថែមសម្ពាធដល់រាងកាយអ្នកពេក ពិសេសមុនចូលគេងការមើលទូរស័ព្ធ និងឧបករណ៍ផ្សេងៗទៀតក្នុងរយៈពេលយូរបន្ថែមទៀត។ ជាពិសេស មនុស្សស្ទើរតែគ្រប់គ្នា​មាន ទម្លាប់ចុចទូរស័ព្ទ ឬអាចសៀវភៅ ដោយដាក់ឱ្យទាបជាងខ្លួនហើយឱន ឬឈ្ងោកចុះក្រោមមើល ធ្វើបែបនេះ ងាយប៉ះពាល់ដល់ឆ្អឹងកខ្លាំងណាស់។ គួរលើកកាន់វាឡើងលើ ឱ្យមានកម្ពស់ស្មើរនឹងភ្នែករបស់អ្នក ហើយមានអ្វីកល់កែងដៃពីក្រោម។

សម្រាកឱ្យបានគ្រប់គ្រាន់៖ ការគេងពិតជាមានសារសំខាន់ណាស់សម្រាប់រាងកាយទាំងមូល គួរសម្រាកឱ្យបានគ្រប់គ្រាន់ ៧ទៅ៩ម៉ោងក្នុង១យប់ បូករួមទាំងផឹកទឹកឱ្យបានគ្រប់គ្រាន់ រើសរបបអាហារដែលល្អសម្រាប់សុខភាពផងដែរ៕

អត្ថបទដោយ៖ Senghong