ការធាត់ឬឡើងគីឡូខ្លាំងខុសប្រក្រតី មិនមែនជារឿងធម្មតានោះទេ ប៉ុន្តែវាជាជំងឺរុាំរ៉ៃមួយប្រទេសដែលតែងតែកើតទៅលើបុរសនិងស្រ្តីប្រមាណជា ៧០%នៅលើសកលលោក។ ហើយជំងឺនេះត្រូវបានគេសង្កេតឃើញថាបានសម្លាប់មនុស្សប្រមាណជា ៣លាននាក់ជារៀងរាល់ឆ្នាំ នេះបើតាមការលើកឡើងរយៈវេជ្ជបណ្ឌិត គួច ម៉េងលី។
លោកវេជ្ជបណ្ឌិត បានបញ្ជាក់ឱ្យដឹងទៀតថាជំងឺធាត់ម្យ៉ាងដែលមានឈ្មោះថា Obesity គឺជាជំងឺដ៏គ្រោះថ្នាក់បំផុតសម្រាប់អាយុជីវិត ហើយជាទៅជំងឺនេះវាកើតឡើងដោយសារ ការញ៉ាំចំណីអាហារច្រើនលើសកម្រិត ហើយមិនបានហាត់ប្រាណឬធ្វើការឱ្យចេញញើសមកវិញទើបបណ្តាលមានខ្លាញ់កកនៅពាសពេញរាងកាយ។ ក្រៅពីនេះ អ្នកដែលកើតជំងឺធាត់អាចបណ្តាលមកពីជំងឺផ្សេងៗដូចជា ជំងឺ Insulin Resistance កត្តាមួយទៀតបណ្តាលមកពី អ្នកចូលចិត្តញ៉ាំអាហារញឹកញាប់ពេកជាពិសេសគឺយុវជនទាំងបុរសនឹងនារីដែលចូលចិត្តញ៉ាំញឹកញាប់គ្មានពេលកំណត់។
មួយវិញទៀត ជំងឺធាត់ Obesity ប្រសិនជាកើតឡើងទៅលើបុគ្គលណាម្នាក់ហើយ បុគ្គលនោះឯងនឹងប្រឈមជាមួយនឹងជំងឺផ្សេងៗទៀតដែលកើតក្នុងរាងកាយរបស់ពួកគេមានដូចជា ជំងឺទឹកនោមផ្អែម ឡើងជាតិខ្លាញ់ក្នុងឈាម ស្លាប់មួយចំហៀងខ្លួន និងផ្សេងៗទៀត។ បើចំពោះនារីវិញកាលណាធាត់លើសគីឡូខ្លាំងគឺនឹងជួបបញ្ហារាំងរដូវ និងមិនមានកូនផងដែរ។
បន្ថែមពីលើនេះទៀត ដើម្បីដឹងថាអ្នកកើតជំងឺធាត់លើសគីឡូនេះឬអត់ អ្នកអាចគិតតាមរូបមន្ត BMI ស្តង់ដារបាន។ ជាទូទៅគេគិតសម្រាប់បុគ្គលដែលមានអាយុ ៣០ឆ្នាំឡើងទៅគឺត្រូវយក (ទម្ងន់សរុប) ចែកជាមួយ(កម្ពស់)លើកជាការ៉េ។ ប្រសិនបើអ្នកចែកឃើញលទ្ធផលចន្លោះពី ១៨.៥ ទៅ ២៤.៩ នោះមានន័យថាគីឡូអ្នកធម្មតា ប៉ុន្តែបើចែកឃើញ ២៥ ទៅ ២៩.៩ នោះមានន័យថាអ្នកកំពុងតែលើសគីឡូ ហើយបើចែកឃើញលើស ៣០ នោះមានន័យថាយើងធាត់ បើចែកឃើញលើស ៤០ នោះមានន័យថាយើថកំពុងតែកើតជំងឺធាត់ដ៏គ្រោះថ្នាក់បំផុត៕