តាមរយៈវេជ្ជបណ្ឌិត Thejaswini J ទីប្រឹក្សា - សម្ភព និងរោគស្ត្រី មន្ទីរពេទ្យមាតា ទីក្រុងBengaluru។ បញ្ជាក់ថាការ ផ្លាស់ប្តូរបៀបររស់នៅ ទម្លាប់មួយចំនួន និងការព្យាបាលតាមរយៈវេជ្ជសាស្រ្តគឺ ជាចំណែក១នៃការកាត់បន្ថយការឈឺចុកចាប់ពេលមកររដូវបានច្រើនណាស់។
ដូច្នេះជាក្ដីសង្ឃឹមល្អមួយសម្រាប់បងប្អូនស្រីៗដែលមានបញ្ហាឈឺចុកចាប់ខ្លាំងពេលមករដូវម្ដងៗគួរតែអនុវត្តឱ្យបានប្រសិនណាកំពុងឈឺចុក ខ្លាំងៗពេលរដូវម្ដងៗ ឱ្យតែជិតដល់ថ្ងៃគឺធុញនឹងអារម្មណ៍ឈឺចុកនេះខ្លាំងបំផុតអាចសាកបាន។
វេជ្ជបណ្ឌិត ក៏បានបន្ថែមដែលថា ទម្លាប់មុនពេលមករដូវ និងអំឡុងពេលមករដូវទាំងនេះធ្វើឱ្យជួយឱ្យមកស្រួល មកហើយមិនសូវឈឺចចុកចាប់ខ្លាំង។
-ញុំាអាហារសម្បូរជីវជាតិ ៖ មានដូចជាអាហារសម្បូរដោយជាតិដែក និងអាហារសម្បូរវិតាមីនស៊ី ព្រោះអាហារទាំងនេះអាចជួយកាត់បន្ថយការឈឺចុកចាប់ពេលមករដូវរបស់អ្នកបាន អាស្រ័យហេតុនេះហើយអ្នកគួររកញុំា។ជាពិសេសជួយប៉ូវកម្លាំងមិនធ្វើឱ្យអ្នកប្រឈមអស់កម្លាំងខ្លាំង ព្រោះតែបាត់បង់ឈាមរដូវច្រើនអំឡុងពេលមករដូវ។
-ផឹកទឹកក្ដៅឧណ្ហៗក៏បានទឹកធម្មតាក៏បាន៖ ជាការពិតណាស់ ទឹកគឺមានប្រយោជន៍ខ្លាំងមែនទែសម្រាប់សុខភាពរបស់មនុស្សស្រី។ ព្រោះបើមានទម្លាប់ផឹកទឹកបានគ្រប់គ្រាន់គឺជួយបំពេញជាតិទឹកនៅក្នុងរាងកាយ ការពារអស់កម្លាំងខ្សោះជាតិទឹក ស្បែកស្ងួត ឈឺក្បាលវិលមុខជាដើម។ ដូច្នេះហើយ អ្នកអាចផឹកក្ដៅឧណ្ហក៏បានទឹកធម្មតាក៏បានឱ្យបានគ្រប់គ្រាប់ប្រចាំបាន។
-ហាត់ប្រាណ អាចហាត់ប្រភេទយូហ្គា ៖លំហាត់ប្រាណជាពិសេសយូហ្គា ពន់ពែនខ្លួន ដៃជើង ជាហេតុធ្វើឱ្យអ្នកកាត់បន្ថយអាការឈឺចុកចាប់ខ្លាំងអំឡុងពេលមករដូវ។ ជាពិសេសជួយកាត់បន្ថយអាការចុកខ្នង ចង្កោះ និងអាចជួយបំបាត់ស្រ្តេសបានផងដែរ។
-គេងឱ្យបានគ្រប់គ្រាន់ប្រចាំថ្ងៃ៖ គេងគឺមានប្រយោជន៍ខ្លាំងណាស់សម្រាប់រាងកាយរបស់មនុស្សគ្រប់រូប។ គេងគ្រប់គ្រាន់ជួយកាត់បន្ថយជំងឺបានច្រើនមុខ មានដូចជាជំងឺបេះដូង ឈឺលើសឈាម បេះដូង ក្រពះពោះវៀន និងសម្រស់ផងដែរ។
-កាត់បន្ថយស្រ្តេស៖ ទាំងមុនពេលមករដូវ និងពេលមករដូវព្រោះស្រ្តេសក៏អាចធ្វើឱ្យប៉ះពាល់ខ្លាំងដល់ការមករដូវរបស់ស្រីៗដូចគ្នា។ ដូចជាធ្វើឱ្តរដូវក្រមក បើមកក៏មកមិនស្រួល ចេញជាអាការឈឺចុកជាដើម។
ជាចុងក្រោយ បើបងប្អូនស្រីៗមានបញ្ហាឈឺចុកពេលករដូវអាចធ្វើតាមវិធីខាងលើបាន អាចជួយកាត់បន្ថយអាការឈឺចុករបស់បងប្អូនបានច្រើន រួមទាំងបានសុខភាពល្អ។ មួយវិញទៀតប្រសិនណាមានបញ្ហាឈឺចុករុំារ៉ៃមិនបាត់ ស្រីគរួរតែទៅពិគ្រោះជាមួយគ្រូពេទ្យជំនាញជាមុន ដើម្បីចៀសវាងបញ្ហាណា៕