ប្រសិនបើអ្នកកំពុងតែស្វែងរកភេសជ្ជៈសុខភាព ដើម្បីថែរាង សម្រកគីឡូនិងថែសុខភាព អាចសាកឌីថុកធម្មជាតិនេះបាន។ ភេសជ្ជៈមួយនេះ គឺជាភេសជ្ជៈពេញនិយមលផងដែរ មនុស្សជាច្រើនផឹកវាជាប្រចាំ ដែលមានគ្រឿងផ្សំត្រឹមតែ៣មុខប៉ុណ្ណោះ។

ខ្ញីនិងក្រូចឆ្មារ ត្រូវបានគេស្គាល់ថាជារុក្ខជាតិដែលមានប្រយោជន៍ច្រើនសម្រាប់សុខភាពនិងសម្រស់។ បើផ្អែកតាមប្រភព webmd បានឱ្យដឹងថា ការផឹកតែខ្ញីនិងក្រូចឆ្មារ ជំនួយដល់សុខភាពជាច្រើនផ្នែកដូចជា៖

១ សម្រកទម្ងន់៖ ក្រូចឆ្មារត្រូវបានគេបង្ហាញថា អាចជួយកាត់បន្ថយភាពធន់នឹងអាំងស៊ុយលីនជួយកាត់បន្ថយបរិមាណជាតិខ្លាញ់ដែលផ្ទុកនៅក្នុងខ្លួន។ ខ្ញីក៏​ត្រូវបាន​គេ​បង្ហាញ​ថា​អាច​កាត់បន្ថយ​ភាព​ឃ្លាន ដែល​អាច​ជួយ​មនុស្ស​សម្រក​ទម្ងន់​បាន​។ ហេតុនេះ ភេសជ្ជៈនេះគឺល្អបំផុតសម្រាប់អ្នកចង់សម្រកគីឡូ។

២ ភាពស៊ាំប្រសើរឡើង៖ ក្រូចឆ្មារ គឺជាប្រភពដ៏សម្បូរបែបនៃវីតាមីន C និងសារធាតុប្រឆាំងអុកស៊ីតកម្ម ដែលទាំងពីរមានលក្ខណៈសម្បត្តិពង្រឹងភាពស៊ាំ។ ខ្ញី​ក៏​មាន​លក្ខណៈសម្បត្តិ​ពង្រឹង​ភាពស៊ាំ និង​អាច​ការពារ​ពី​បាក់តេរី​មួយចំនួន​ផងដែរ​។

៣ ការការពារពីជំងឺមហារីកមួយចំនួន៖ ខ្ញីត្រូវបានគេជឿថាអាចកាត់បន្ថយហានិភ័យនៃជំងឺមហារីកមួយចំនួន។

៤ កាត់បន្ថយហានិភ័យនៃជំងឺសរសៃឈាមបេះដូង និងថ្លើម៖ ក្រូចឆ្មារ និងខ្ញីមានសមាសធាតុដែលត្រូវបានគេជឿថាជួយកាត់បន្ថយហានិភ័យទាក់ទងនឹងជំងឺសរសៃឈាមបេះដូង និងជំងឺថ្លើម។

ចំពោះរបៀបធ្វើ ត្រូវការក្រូចឆ្មារពណ៌លឿង១ផ្លែ ទឹក៤កែវ ខ្ញី១ដុំ។ ចិតខ្ញីជាចំណិតតូចៗ ឬចិញ្ច្រាំឱ្យម៉ដ្ឋដាំជាមួយទឹកឱ្យពុះ រួចបន្ថែមក្រូចឆ្មារដែលចិតសំបករួចចូលទុកវាឱ្យពុះជាការស្រេច។ អាចទទួលទានទាំងនៅក្ដៅឧណ្ហៗក៏បាន ក្លាសេឱ្យត្រជាក់ចាំទទួលទានក៏បាន។

គួរបញ្ជាក់ផងដែរ ទោះបីជារុក្ខជាតិទាំងនេះ មានសុវត្ថិភាព និងប្រយោជន៍ច្រើនក៏ដោយ ប៉ុន្តែប្រសិនបើអ្នកកំពុងមានជំងឺប្រចាំកាយ ឬលេបថ្នាំជាប្រចាំ គួរប្រឹក្សាជាមួយគ្រូពេទ្យជាមុន មុនទទួលទាន៕