មន្ត្រីប៉ូលីសនៅរដ្ឋ Assam ត្រូវបានស្នើរឱ្យមានការបញ្ចុះទម្ងន់ក្នុងរយៈពេល២ទៅ៣ខែ ឬត្រូវចេញពីអង្គភាព។ មន្ត្រីប៉ូលីសជាន់ខ្ពស់របស់ប្រទេសឥណ្ឌាមួយរូប បានលើកឡើងថា សន្ទស្សន៍ម៉ាសរាងកាយ(BMI) នៃមន្ត្រីទាំងអស់ត្រូវកំណត់ឱ្យយត្រូវតាមវិជ្ជាជីវៈ ចាប់ពីពាក់កណ្ដាលខែសីហាទៅ នេះបើផ្អែមតាមការឱ្យដឹងពីប្រភព BBC កាលពីថ្ងៃទី១៨ ខែឧសភាព ឆ្នាំ២០២៣នេះ។

ប្រភពដដែលបានឱ្យដឹងទៀតថា សម្រាប់មន្ត្រីដែលធាត់ៗ និងទុកពេលវេលាឱ្យដល់ខែវិច្ឆិកា ដើម្បីសម្រក់ទម្ងន់ បើមិនដូច្នោះត្រូវចូលនិវត្តដោយស្ម័គ្រចិត្ត។ សម្រាប់អ្នកមានស្ថិតក្នុងលក្ខខណ្ឌវេជ្ជសាស្រ្ត(មានជំងឺប្រចាំកាយ) ត្រូវបានលើកលែងឱ្យ។ លោក GP Singh អគ្គនាយកប៉ូលីសនៃរដ្ឋ Assam បានឱ្យដឹងថាដែរថា គាត់ក៏ជាមនុស្សដំបូង ដែលត្រូវឱ្យគេកត់ត្រាថា សន្ទស្សន៍ម៉ាសរាងកាយ(BMI) រាងកាយផងដែរ។

គួរឱ្យដឹងផងដែរថា កាលពីសប្ដាហ៍មុនកន្លងមក ប៉ូលីសប្រមាណ៣០០នាក់ ត្រូវបានស្នើរសុំឱ្យចូលនិវត្តន៍មុនពេល ព្រោះតែពួកគេ ផឹកស្រា និងមានរូបរាងកាយមិនស័ក្តសម៕

អត្ថបទដោយ៖ Senghong