មិនដឹងបិទម៉ាសធ្វើអ្វី បើបិទគ្មានបានផលអ្វីផង! ឥឡូវមកដឹងពីរបៀបបិទម៉ាសមុខឱ្យមានប្រសិទ្ធភាពឃើញផលពិត
កែថែរក្សាសម្រស់ ដោយការបិទម៉ាស គឺមានការពេញនិយមខ្លាំងមែនទែន មិនថាតែពេលបច្ចុប្បន្ននេះទេ គឺមានការពេញនិយមរាប់ឆ្នាំទៅហើយ។ ក៏ប៉ុន្ដែមានបងប្អូនយើងមួយចំនួននៅមិនទាន់ដឹងពីរបៀបនៃការបិទម៉ាសមុខនៅឡើយ គាត់ថែមទាំងបោះសម្ដីទៀតថា បិទម្ដងណាមិនដែលបានផលអ្វីផង មុនក៏មិនបាត់ ស្នាមក៏មិនបាត់ មុខភ្លឺថ្លាមានសំណើមដូចគេថាក៏មិនឃើញ។
អាស្រ័យហេតុនេះហើយបានជាបងប្អូនយើងមួយចំនួនបោះបង់ការបិទម៉ាសមុខចោល ព្រោះគិតថាគ្មានបានផលអ្វី។ ជាការពិតណាស់ បងប្អូនបើសិនច់ងបិទម៉ាសបានប្រសិទ្ធភាព ឃើញផលពិតបងប្អូនត្រូវយល់ដឹងពីរបៀបនៃការបិទ មិនមែនចង់ស្អាតបិទ១ថ្ងៃ៥ដង បិទរបៀបនេះមិនមែនជួយទេអាចនឹងប៉ះពាល់ស្បែកមុខទៅវិញទេ។
ខាងក្រោមនេះគឺជារបៀបបិទម៉ាសមុខឆាប់បានផល៖
-លាងសម្អាតមុខឱ្យបានស្អាត៖ មិនថាបងប្អូនប្រើប្រាស់ម៉ាសមុខប្រភេទអ្វីទេ ជំហានដំបូងគឺតម្រូវឱ្យបងប្អូនលាងសម្អាតមុខរបស់ខ្លួនឯងឱ្យបានស្អាតជាមុនសិន សឹមបិទម៉ាសតាមក្រោយ មិនមែនយកម៉ាសមកបិទភ្លាមៗទាំងមុខសុទ្ធតែដី សុទ្ធតែញើសទេ បិទរបៀបនឹងទោះម៉ាសល្អប៉ុនណាក៏មិនឃើញផលដែរ។ ផ្ទុយទៅវិញបើអ្នកលាងសម្អាតមុខបានស្អាត នោះពេលបិទប្រសិទ្ធភាពកាន់តែល្អខ្លាំងទៀត។
-បិទម៉ាសប៉ុន្មាននាទីល្អ៖ មានបងប្អូនយើងជាច្រើន តែងតែសួរថាតើគួរបិទម៉ាសប៉ុន្មាននាទីល្អទៅ បិទពេលថ្ងៃឬក៏បិទពេលយប់ល្អ?