មាតាមួយចំនួនច្រើនតែមើលរំលងអំពីសុខភាពកូននៅក្នុងផ្ទៃ ដោយភាគច្រើនផ្តោតតែលើរបបអាហារ ស្ថានភាពផ្លូវកាយ ប៉ុន្តែភ្លេចគិតដល់ការលូតលាត់របស់កូន។ ដូច្នេះហើយផ្អែកលើប្រភពវែបសាយ parenting នៅក្នុងថ្ងៃនេះចាបបៃតងនឹងចែករំលែកសញ្ញាមួយចំនួនដើម្បីស្រួលឲ្យម៉ាក់ៗបែងចែកនៃសញ្ញាទារកមានសុខភាពល្អ ឬក៏មិនល្អ ក្នុងអំឡុងពេលពពោះដើម្បីចៀសវាងការរលូតកូនដោយយថាហេតុ។ ខាងក្រោមនេះជាសញ្ញានៃទារកដែលមានសុខភាពល្អក្នុងដំណាក់កាលដំបូងនៃការមានផ្ទៃពោះ៖
១. ចលនា៖ ទារកចាប់ផ្ដើមផ្លាស់ទីបន្ទាប់ពី៥ខែនៃការមានគភ៌។ តាមវេជ្ជសាស្ត្រចលនាគភ៌ ដំបូងគេហៅថាការពន្លឿន ទារកអាយុ៦ខែ ឆ្លើយតបទៅនឹងសម្លេងតាមរយៈចលនា នៅជុំវិញខែទី៧ ទារកមានប្រតិកម្មទៅនឹងការរំញោច ដូចជាពន្លឺ សំឡេង ឬការឈឺចាប់ ហើយខែទី៨ ទារកចាប់ផ្តើមផ្លាស់ប្តូរទីតាំងរបស់គេ ហើយលេចឡើងសកម្មភាពទាត់ ធាក់កាន់តែញឹកញាប់។ ទាំងអស់នេះជាសញ្ញាបញ្ជាក់ថាទារកក្នុងផ្ទៃរបស់អ្នកមានសុខភាពល្អហើយ។
២. ការលូតលាត់ធម្មតា៖ មានវិធីជាច្រើនដើម្បីវាស់ស្ទង់ការលូតរបស់ទារក។ គ្រូពេទ្យនឹងប្រើប្រាស់វិធីសាស្រ្ដធ្វើ ultrasound ដើម្បីតាមដានសុខភាព និងការលូតលាស់របស់ទារក។ ជាទូទៅទារកលូតលាស់ ២អ៊ីញរៀងរាល់ខែ ដូច្នេះកូនរបស់យើងគួរមានប្រវែង១៤ អ៊ីង នៅខែទី៧ ខណៈនៅត្រីមាសទី៣ទារកដែលមានសុខភាពល្អនឹងកើនទម្ងន់៧០០ក្រាម ជារៀងរាល់សប្តាហ៍។ ជាទូទៅនៅខែទី៩ ទារកមានទម្ងន់ប្រហែល៣គីឡូក្រាម និងមានប្រវែង១៨-២០អ៊ីញ។ ទាំងអស់នេះជាសញ្ញានៃទារកដែលមានសុខភាពល្អក្នុងផ្ទៃ។
៣. ចង្វាក់បេះដូង៖ បេះដូងទារកចាប់ផ្តើមលោតនៅប្រហែលសប្តាហ៍ទី៥ នៃការមានផ្ទៃពោះ ហើយអាចរកឃើញនៅក្នុងការស្កែនទូរទស្សន៍ TVS នៅរយៈពេល៦សប្តាហ៍។ ទោះជាយ៉ាងណាក៏ដោយ ការរកឃើញរបស់វាកាន់តែងាយស្រួលឆ្ពោះទៅរកការបញ្ចប់នៃត្រីមាសទី១ តាមរយៈការត្រួតពិនិត្យទារកតាមអេឡិចត្រូនិក ដើម្បីបញ្ជាក់ពីសុខភាពបេះដូងរបស់កូនយើងគ្រូពេទ្យអាចនឹងធ្វើតេស្តតាមដានចង្វាក់បេះដូងរបស់ទារក និងផ្តល់ការយល់ដឹងអំពីការគំរាមកំហែងដែលអាចកើតមាន ប្រសិនបើមាន។ ម៉្យាងទៀតគ្រូពេទ្យខ្លះអាចរាប់ចំនួនចង្វាក់បេះដូងដោយគ្រាន់តែប៉ះពោះរបស់យើងក៏មាន។ ចង្វាក់បេះដូងទារកដែលមានសុខភាពល្អមានចន្លោះពី ១១០ ទៅ ១៦០ ចង្វាក់ក្នុងមួយនាទី។
៤. ការឡើងទម្ងន់និងក្បាលពោះរបស់ម្តាយ៖ ការឡើងទម្ងន់អំឡុងពេលមានផ្ទៃពោះ គឺជាសញ្ញាច្បាស់លាស់នៃការមានផ្ទៃពោះដែលមានសុខភាពល្អ។ កាលណាទារកមានសុខភាពល្អទម្ងន់របស់គេក៏កើនឡើងទៅតាមហ្នឹងដែរ។
ចំពោះសញ្ញានៃទារកដែលមិនមានសុខភាពល្អមានដូចខាងក្រោម៖
១. កម្ពស់ស្បូនមិនប្រក្រតី៖ វេជ្ជបណ្ឌិតអាចវាយតម្លៃថាតើស្បូនរបស់ស្រ្ដីលូតលាស់ឬក៏អត់។ ជាធម្មតាបន្ទាប់ពីរយៈពេល១៦សប្តាហ៍ដំបូងនៃការពពោះ កម្ពស់ស្បូននឹងត្រូវលូតលាស់ធំជាងមុន ប៉ុន្តែប្រសិនបើកម្ពស់ស្បូនរបស់យើងលូតលាស់តិចតួច នោះវាបង្ហាញពីបញ្ហានៃការមានផ្ទៃពោះ ដោយមូលហេតុអាចមកពីមានបរិមាណទឹកភ្លោះច្រើនពេក ឬតិចពេក។ ក្នុងស្ថានភាពដ៏អាក្រក់នេះ វាក៏អាចជាសញ្ញាថាទារកមិនវិវត្តក្នុងលក្ខណៈត្រឹមត្រូវដែរ។
៣. កង្វះ ឬគ្មានចង្វាក់បេះដូង៖ ចង្វាក់បេះដូងរបស់ទារក អាចត្រូវបានរកឃើញតាមរយៈការត្រួតពិនិត្យអេឡិចត្រូនិក ឬដោយប្រើ fetoscope ឬ stethoscope ។ ជួនកាលការរកឃើញចង្វាក់បេះដូងប្រហែលជាមិនអាចទៅរួចនោះទេ ដោយសារតែការផ្លាស់ប្តូរទីតាំងរបស់ទារក ឬបញ្ហាសុក។ ក្នុងករណីបែបនេះ គ្រូពេទ្យអាចនឹងស្នើឲ្យម៉ាក់ៗព្យាយាមមកម្ដងទៀតក្នុងអំឡុងពេលទៅជួបលើកក្រោយ។ ទោះជាយ៉ាងណាក៏ដោយ ប្រសិនបើនៅតែមិនអាចរកឃើញចង្វាក់បេះដូងរបស់ទារក នោះការធ្វើតេស្ត Ultrasound អាចនឹងត្រូវបានណែនាំដើម្បីស្វែងរកមូលហេតុនៅពីក្រោយចង្វាក់បេះដូងដែលមិនអាចរកឃើញ។ ក្នុងករណីខ្លះការខ្វះចង្វាក់បេះដូង ជាសញ្ញារារាំងដល់ការវិវត្តរបស់គភ៌ ឬក្នុងករណីដ៏អាក្រក់បំផុត គឺទារកអាចនឹងស្លាប់ក្នុងផ្ទៃក៏មាន។
៤. គក៌គ្មានចលនា៖ ចលនាគភ៌អាចមានអារម្មណ៍ប្រហែល ២០-២៤សប្តាហ៍ក្នុងដំណាក់កាលដំបូង នៅពេលដែលទារកចាប់ផ្តើមមានប្រតិកម្មទៅនឹងសម្លេង ពន្លឺ និងការឈឺចាប់។ អ្នកជំនាញនិយាយថា ទារកអាចនឹងមានសកម្មភាពទាត់ពោះយ៉ាងហោចណាស់៣ដងរៀងរាល់១ម៉ោង។ ប៉ុន្តែប្រសិនបើទារកមានសុខភាពមិនល្អនោះចំនួនទាត់នឹងថយចុះ។ វាជាសញ្ញាច្បាស់មួយដែលអ្នកម្ដាយអាចនឹងជួបរឿងអកុសល។
៥. ការកើនឡើងភ្លាមៗនៃកម្រិតជាតិស្ករក្នុងឈាម៖ វាជារឿងធម្មតាទេដែលកម្រិតជាតិស្ករក្នុងឈាម និងសម្ពាធឈាមធ្លាក់ចុះអំឡុងពេលមានផ្ទៃពោះ។ ជាការពិតអ្នកម្ដាយគួរតែរក្សាកម្រិតទាំងនេះពេញមួយត្រីមាស។ ទោះជាយ៉ាងណាក៏ដោយ ជំងឺទឹកនោមផ្អែមអាចបណ្តាលទារកស្លាប់ក្នុងស្បូនភ្លាមៗ ហើយសម្ពាធឈាមឡើងខ្ពស់អាចបណ្តាលឱ្យសុកបំបែកមិនគ្រប់ខែ។
៦. ការផ្លាស់ប្តូរទីតាំងសុក៖ ទីតាំងសុកមិនធម្មតាក៏ជាសញ្ញាមួយនៃសុខភាពទារកមិនល្អផងដែរ។ នៅពេលដែលសុកដកខ្លួនចេញពីស្បូនមុនអាយុ ទារកអាចនឹងបាត់បង់ជីវិត ដូច្នេះហើយអ្នកម្ដាយគ្រប់រូបត្រូវពិនិត្យទីតាំងសុកឲ្យបានទៀងទាត់ជានិច្ច។
សរុបមកវិញការតាមដានសុខភាពទារកគឺជារឿងចំាបាច់បំផុតដែលអ្នកម្ដាយគ្រប់រូបគួរតែកត់សម្គាល់ហើយឧស្សាហ៍ទៅពិគ្រោះជាមួយគ្រូពេទ្យជំនាញ។ ព្រោះកាលណាដែលយើងធ្វេសប្រហែសតែបន្តិចអាចនឹងធ្វើឲ្យយើងមានការស្ដាយក្រោយជាក់ជាមិនខាន ៕
អត្ថបទដោយ៖ ស្រីណុច