ជំងឺថប់បារម្ភគឺជាជំងឺមួយដែលកើតមានច្រើនដែរនៅប្រទេសកម្ពុជាយើង ហើយបងប្អូនមួយចំនួនមិនសូវដឹងច្បាស់ប៉ុន្មាននោះទេថាខ្លួនកើតជំងឺនេះ។នេះបើយោងតាមរយៈប្រភព នៃមន្ទីរពេទ្យកាល់ម៉ែត្រក៏បានបញ្ជាក់ឱ្យដឹងផងដែរថា ជំងឺថប់បារម្ភ គឺជាការព្រួយបារម្មណ៍ហួសហេតុ និងមិនសមហេតុផលអំពីបញ្ហាប្រចាំថ្ងៃ អ្នកជំងឺតែងតែពិបាកក្នុងការគ្រប់គ្រងអារម្មណ៍ ឬមានការលំបាកក្នុងការស្ងប់ស្ងាត់ ដែលមានរយៈពេលលើសពី៦ខែ។
ចំពោះមូលហេតុដែលធ្វើឱ្យមានជំងឺថប់បារម្ភនេះគឺមិនមានមូលហេតុច្បាស់លាស់ទេ
កត្តាងាយប្រឈមកើតជំងឺថប់បារម្ភគឺមានដូចខាងក្រោម៖
- តំណរពូជ
- បម្រែបម្រួលសារធាតុគីមីក្នុងខួរក្បាល
- ធ្លាប់ទទួលរងការប៉ះទង្គិចផ្លូវចិត្ត
- ប្រើប្រាស់សារធាតុញៀន ឬគ្រឿងស្រវឹង
- ជំងឺផ្លូវកាយមួយចំនួន
- បរិស្ថានជុំវិញ៖ បញ្ហាគ្រួសារ បញ្ហាការងារ បញ្ហាហិរញ្ញវត្ថុ បញ្ហាការសិក្សា និងបញ្ហាទំនាក់ទំនងផ្ទាល់ខ្លួន។
ចំពោះរោគសញ្ញាជំងឺថប់បារម្ភមានដូចជា៖
- ថប់បារម្ភ ឆាប់ភ័យ
- ឆាប់ខឹងមួរម៉ៅ
- ចុករោយពេញខ្លួន
- ល្ហិតល្ហៃ អស់កម្លាំង
- ពិបាកផ្តោតអារម្មណ៍ ឬឆាប់ភ្លេច
- ប៉ះពាល់់ដល់ការគេង
ផលវិបាកប្រសិនបើមិនបានទទួលការព្យាបាលត្រឹមត្រូវ
- វិវត្តន៍ទៅរ៉ាំរ៉ៃ
- មិនអាចបញ្ចេញនូវសក្តានុពលពេញលេញ ដូចជាការប្រកបរបរ ការងារ ការសិក្សាថយចុះ
អាស្រ័យហេតុនេះហើយបើសិនបងប្អូនអានហើយមានរោគសញ្ញាបែបហ្នឹង គួរការពារទុកមុនតាមរយៈទៅជួបពេទ្យឯកទេសនៅមន្ទីរពេទ្យកាល់ម៉ែតដើម្បីទទួលបានការព្យាបាលត្រឹមត្រូវ៕