អំឡុងពេលមករដូវស្រីៗយើង មួយចំនួនគឺអាចប្រឈមនឹងបញ្ហាដូចជាឈឺចុកចាប់ខ្លាំង មករដូវតិចៗមិនស្រួល ឈឺចង្កេះឈឺខ្នង អស់កម្លាំងរុំារ៉ៃជាច្រើន។ អាស្រ័យហេតុដូចនេះហើយ បងប្អូនស្រីៗដែលមករដូវចង់ឱ្យឈាមរដូវមកស្រួល ញុំាអាហារ៣មុខខាងក្រោយនេះកុំខាន។

១.សណ្ដែក៖ នៅអំឡុងពេលមករដូវ ស្រីៗយើងងាយនឹងប្រឈមបញ្ហាស្លេកស្លាំង។ អាស្រ័យហេតុដូច្នេះហើយ គួរញុំាសណ្ដែកដាក់ក្នុងរបបអាហារ ព្រោះសណ្ដែកសម្បូរដោយ ជាតិដែក ជាតិខ្លាញ់ ជាតិរ៉ៃ ជាតិសរសៃ ម៉ាញេស្យូម ដែលមានប្រយោជន៍ជួយឱ្យអ្នកមិនសូវទ្រុឌទ្រោមខ្លាំងពេលមករដូវ។ ក៏ប៉ុន្ដែអ្នកគួរតែចៀសវាង ក្រុមអាហារដែលធ្វើឱ្យឈឺចាប់ពេលមករដូវកាន់តែខ្លាំង ដូចជា អាហារខ្លាញ់ ឬក៏ស្រាជាដើម។

២.ទទួលទានផ្លែប័រ ៖ ជាការពិតណាស់ នៅពេលមករដូវ អ្នកអាចជ្រើសរើសផ្លែប័រសម្រាប់ញុំាបាន អាចញុំាស្រស់ៗឬក៏ក្រឡុកក៏បានព្រោះផ្លែប័រគឺមានប្រយោជន៍ច្រើនណាស់ជួយកាត់បន្ថយអាការពេលមករដូវបានច្រើន ជាពិសេសអាចជួយកាត់បន្ថយអាការរមួលក្រពើបានផងដែរ។

៣.ញុំាសូកូឡា៖ យោងតាមរយៈការសិក្សាមួយគេបានរកឃើញថា មនុស្សស្រីដែលញុំាសូកូឡា១២០ក្រាមក្នុង១ថ្ងៃអាចជួយកាត់បន្ថយការឈឺចាប់ពេលមករដូវ។ ក៏ប៉ុន្ដែបើអ្នកញុំាសូកូឡាគួរជ្រើសរើសសូកូឡាដែលមានជាតិកាកាវ៧០ភាគរយគឺល្អសម្រាប់ជួយណាស់។

ជាចុងក្រោយក្រៅពីអាហារទាំងនេះ អ្នកអាចហាត់យូហ្គាតិចតួច ផឹកទឹកក្ដៅឧណ្ហៗ រួមទាំងទទួលទានទឹកឱ្យបានគ្រប់គ្រាន់ សម្រាកឱ្យបានគ្រប់​នោះអាការឈឺចាប់នឹងមិនសូវកើតឡើងនោះទេ៕

ប្រភព៖ zoe-com