បច្ចុប្បន្នការញ៉ាំអាហារដែលត្រូវបានបង្កកឲ្យកក នៅក្នុងទូទឹកកកដូចជា បន្លែ សាច់ និងអាហារផ្សេងៗ គឺជារឿងដែលពិបាកជៀសរួចណាស់ សម្រាប់ប្រជាជនជាទូទៅ ។ ប៉ុន្តែ ករណីនេះ​ មិនមែនគ្រប់ប្រភេទអាហារទាំងអស់ សុទ្ធតែអាចបង្កបញ្ហាចំពោះសុខភាពរបស់មនុស្សយើងនោះទេ ។ ខាងក្រោមនេះ ជាផលអវិជ្ជមានទាំង៤ នៃការញ៉ាំអាហារកក ។

១. នាំឲ្យឡើងសម្ពាធឈាម៖ យោងតាមអ្នកជំនាញបានលើកឡើងថា អាហារកកមួយចំនួន មានផ្ទុកជាតិអំបិលខ្ពស់ ដែលជាមូលហេតុនាំឲ្យលោកអ្នកឡើងសម្ពាធឈាម ហើយងាយប្រឈមក្នុងការដាច់សរសៃឈាមក្នុងខួរក្បាល និងបង្កឲ្យកើតជំងឺបេះដូងផងដែរ ។

២. ប៉ះពាល់សរសៃឈាម៖ អាហារកកមួយចំនួនដូចជា ភីហ្សា និងនំផ្អែម មានផ្ទុកសារធាតុរក្សាទុកដូចជា hydrogen ដែលអាចបង្កគ្រោះថ្នាក់ដល់សុខភាពបេះដូង នេះបើយោងតាម សមាគមគ្រូពេទ្យបេះដូងរបស់សហរដ្ឋអាមេរិក ។

៣. នាំឲ្យឈឺក្បាល និងឈឺបំពង់ក៖ អាហារមួយចំនួនមានផ្ទុកសារធាតុបន្ថែមរសជាតិ ដូចជា MSG ( Monosodium glutamate)  អាចធ្វើឲ្យលោកអ្នកប្រឈមក្នុងការឈឺក្បាល និងរលាកបំពង់កបាន។

៤. បង្កឲ្យប៉ះពាល់សាច់ដុំ៖ អាហារដែលពេញនិយមក្នុងការរក្សាទុកក្នុងទូទឹកកភាគច្រើន មានផ្ទុកកាឡូរីក្នុងកម្រិតទាប ដែលជាមូលហេតុនាំឲ្យសុខភាពសាច់ដុំចុះខ្សោយ ។

យោងតាមសេចក្ដីរាយការណ៍ ពីក្រុមអ្នកជំនាញខាងចំណីអាហារ បានក្រើនរំលឹកថា សារធាតុគីមីសំយោគមួយចំនួន ត្រូវបានគេប្រើប្រាស់ក្នុងចំណីអាហារ ជាពិសេសប្រភេទអាហារដែលអាចធ្វើការបង្កបាន ដោយមិនចាំបាច់ឆ្លងកាត់សេចក្ដីសម្រេចពីអាជ្ញាធរសុវត្ថិភាព ចំណីអាហារសហរដ្ឋអាមេរិកទៀតផង ៕

អត្ថបទដោយ៖ ហួ ភារ៉ា

ប្រភព៖ www.eatthis.com