យោងតាមលើផេកផ្លូវការរបស់មន្ទីរពេទ្យ ហ្លួង ម៉ែ - LUANG MÈ HOSPITAL បានចេញផ្សាយថា មន្ទីរពេទ្យ ហ្លួង ម៉ែ នឹងចាប់ទទួលចុះឈ្មោះចាក់វ៉ាក់សាំងការពារជំងឺមហារីកមាត់ស្បូនបង្កដោយវីរុស HPV ឡើងវិញ ចំពោះកុមារីអាយុ៩ឆ្នាំ ដល់៩ឆ្នាំ១១ខែ ដោយឥតគិតថ្លៃ (ចំនួនមានកំណត់)។
ប្រភពខាងលើបានបញ្ជាក់ទៀតថា ចំពោះការទទួលចុះឈ្មោះចាប់ពីថ្ងៃទី២៧ ខែមករា ឆ្នាំ២០២៦ (រៀងរាល់ថ្ងៃអង្គារ ដល់ថ្ងៃសៅរ៍) ពីម៉ោង ៨ព្រឹក-១២ ថ្ងៃត្រង់ ដូច្នេះសម្រាប់ពុកម៉ែបងប្អូនយកកូនទៅចាក់វ៉ាក់សាំងសូមភ្ជាប់ជាមួយនូវសំបុត្រកំណើតផង។
សូមបញ្ជាក់ផងដែរ មន្ទីរពេទ្យហ្លួងម៉ែ ជាមន្ទីរពេទ្យឯកទេសជំងឺមហារីក ដែលបានបើកដំណើរការពេញលេញក្នុងការផ្ដល់សេវាព្យាបាលជំងឺមហារីកដែលមានលក្ខណៈស្ដង់ដារកម្រិតខ្ពស់។ មន្ទីរពេទ្យហ្លួងម៉ែ មានទីតាំងស្ថិតនៅផ្លូវលេខ១០៩ ភូមិព្រៃសខាងកើត សង្កាត់ព្រៃ ខណ្ឌដង្កោ រាជធានីភ្នំពេញ បងប្អូនអាចចូលទៅកាន់ផេកផ្លូវការ មន្ទីរពេទ្យហ្លួងម៉ែ ឬអាចទំនាក់ទំនងតាមលេខទូរស័ព្ទ ០១០ ២២៨ ៩៦៥ ៕ មន្ទីរពេទ្យ ហ្លួង ម៉ែ - LUANG MÈ HOSPITAL
