ក្តីស្រឡាញ់កន្លងផុតអស់ពេល ៣ឆ្នាំ។ ម៉ារី និងហ្រ្វេដ ក្លាយជាប្តីប្រពន្ធ ហើយក៏បានចេញទៅហូបអាហារពេលល្ងាចជាមួយគ្នា។ នាងធ្វើឲ្យអាហារសាឡាត់កំពប់លើភ្លៅ... ហ្វ្រេដក៏ស្រែកឡើងថា អូនប្រហែសណាស់ គួរឲ្យស្អប់! នាងភ្លេចសោផ្ទះ ហើយហ្រ្វេដក៏ស្រែកម្តងទៀតថា “ចំជាខួរក្បាលល្ងង់មែន!

នេះជាមេរៀនមួយ បញ្ជាក់ថា មនុស្សដូចគ្នា ស្ថានភាពដូចគ្នា ប៉ុន្តែអត្តចរិតបែរជាខុសគ្នា។ ហេតុអ្វី? ព្រោះតែការគិតរបស់យើងតើ! ពេលយើងស្រឡាញ់នរណាម្នាក់ យើងឆាប់ចេះអត់ឱនឱ្យគេឬដៃគូលឿន។ នៅពេលយើងចង់ខឹងឬស្អប់នរណាម្នាក់ហើយ យើងប្រែជាផ្តោតលើតែកំហុសរបស់ដៃគូច្រើនជាងមុន។ ហេតុការណ៍នេះមិនមែនបណ្តាលមកពីអត្តចរិតរបស់អ្នកនោះទេ គឺមកពីលក្ខណៈអារម្មណ៍របស់អ្នកចំពោះពួកគេនោះឯង។

ពេលដៃគូគិតពីចំណុចអវិជ្ជមានច្រើន តែងការពារខ្លួនឯងដោយនិយាយថា “ខ្ញុំគ្រាន់តែនិយាយការពិតតើ!”។ ប៉ុន្តែតាមពិតនោះគឺអ្នកបង្កើតទស្សនៈហើយក៏ហៅទស្សនៈរបស់ខ្លួនថាជាការពិត។ ចូរអ្នកជ្រើសរើសយកមនុស្សណាម្នាក់ ឬដៃគូដែលអ្នកចូលចិត្ត ហើយផ្តោតលើចំណុចល្អៗ ដែលអ្នកចូលចិត្តចំពោះគាត់ ពេលនោះទំនាក់ទំនងរបស់អ្នកនឹងប្រសើរឡើងជាមិនខាន។ វាអាចជាការងារដែលពិបាកហើយពេលខ្លះគួរឲ្យខ្លាចថែមទៀត ប៉ុន្តែវាមានដំណើរការល្អដែលហុចផលជាវិជ្ជមាន ពេលអ្នកបន្តផ្តោតការគិតវិជ្ជមានច្រើនលើដៃគូនោះ៕ អត្ថបទដោយ៖ ទ្រ សុភាព