ផលវិបាកនៃការគេងមិនលក់បានក្លាយទៅជារឿងដ៏គួរឱ្យកង្វល់មួយដែលត្រូវបានអ្នកជំនាញប៉ាន់ប្រមាណនៅក្នុងអំឡុងឆ្នាំ២០១៩ឱ្យដឹងថា មានយុវ័យជាង៦២%នៅទូទាំងពិភពលោកកំពុងជួបនូវបញ្ហាដំណេកជារៀងរាល់យប់។ បើអ្នកចង់គេងលក់ស្រួលសូមអ្នកយកក្បួនខ្លីៗ ដែលអាចជួយអ្នកកំពុងជួបបញ្ហាដំណេក ឱ្យប្រែមកជាអាចគេងលក់ស្កប់ស្កល់ និងពោរពេញទៅដោយថាមពលនៅពេលដែលភ្ញាក់ពីដំណេកនាំពេលព្រឹកព្រលឹម៖
១.ការបើកបង្អួច៖ អ្នកជំនាញ Sammy Margo ជាអ្នកជំនាញផ្នែកដំណេក បានបង្ហើបថា ការបើកបង្អួចនៅពេលយប់នឹងធ្វើឱ្យអ្នកគេងលក់ស្រួល ទម្លាប់តូចមួយនេះក៏ជាដំណោះស្រាយល្អមួយសម្រាប់អ្នកគេងមិនលក់ផងដែរ។
ជាការពិតណាស់ ការបើកបង្អួចគឺអាចឱ្យខ្យល់ត្រជាក់ហូរចូលមកក្នុងបន្ទប់ ដែលវាអាចជួយឱ្យអ្នកគេងបានលឿន និងគេងលក់ស្រួលផងដែរ។ នៅក្នុងនោះ អ្នកស្រីវេជ្ជបណ្ឌិត Margo បាននិយាយបន្ថែមទៀតថា នៅពេលរាងកាយរបស់អ្នកប៉ះពាល់នឹងកំដៅនឹងធ្វើឱ្យអ្នកធុញថប់ និងកាត់បន្ថយពេលវេលាគេងរបស់អ្នល(ភ្នែករបស់អ្នកមានចលនារហូត)។
២.ម៉ាស្សាខ្លួនឯងជាមួយប្រេង៖ ការម៉ាស្សាដោយខ្លួនឯងដោយប្រើប្រេងគឺជា ផ្នែកសំខាន់មួយនៅក្នុងទម្លាប់ប្រចាំថ្ងៃរបស់អ្នក។ ការម៉ាស្សារាងកាយរបស់អ្នកជាមួយប្រេងល្ង ឬប្រេងដូង មុនពេលងូតទឹក ឬងូតទឹកក្ដៅ។ ការអនុវត្តការថែទាំខ្លួនឯងបែបនេះ វាលើកកម្ពស់ក្នុងការគេងលក់ស្រួល ធ្វើឱ្យប្រព័ន្ធប្រសាទស្ងប់ស្ងាត់ និងជំនុញឱ្យគេងលក់ស្រួល។
៣. ឈប់មើល៖ ឈប់មើលទូរទស្សន៍ និងប្រើទូរស័ព្ទឬកុំព្យូទ័រយ៉ាងហោចណាស់ ៣០ នាទីមុនពេលចូលគេង ព្រោះថាឧបករណ៍អេឡិចត្រូនិកបញ្ចេញពន្លឺពណ៌ខៀវភ្លឺ ដែលខួរក្បាលរបស់អ្នកយល់ឃើញថា ជាពន្លឺព្រះអាទិត្យបញ្ឆោតវាឱ្យពន្យាពេលគេង ហើយធ្វើឱ្យមិនងងុយយូរជាងអ្វីដែលអ្នកចង់បាន៕ អត្ថបទដោយ៖ ទ្រ សុភាព