សក់ស្ងួត សក់សំពោង សក់គ្មានសំណើមគឺជារឿងមួយដែលមនុស្សស្រីគ្រប់រូបមិនចង់ជួបប្រទះទេ។ ព្រោះសក់ស្ងួត សក់គ្មានជីវិតបែបនេះ ចង់ធ្វើម៉ូតអ្វីក៏មើលទៅមិនស្អាត គ្មានភាពជឿជាក់បើទម្លាក់សក់ម្ដងៗ។ក៏ប៉ុន្ដែមានទម្លាប់១ចំនួនដែលមនុស្សស្រីចូលចិត្តធ្វើ ដែលជាហេតុបង្កឱ្យសក់របស់គាត់កាន់តែខូច កាន់តែស្ងួតកាន់តែសំពោងមើលលែងយល់។
តើទម្លាប់នោះមានអ្វីខ្លះទៅណបានជាហ៊ាននិយាយថាសក់នឹងខូច ស្ងួតសំពោង គ្មានថ្ងៃបាត់បែបហ្នឹង?
មុននឹងប្រាប់ថាទម្លាប់អ្វី សូមបង្វែចិត្តបងប្អូនមកដឹងពីមូលហេតុដែលធ្វើឱ្យសក់អ្នកកាន់តែខូច កាន់តែស្ងួតទៅៗកាន់តែសំពោងពិបាកកែប្រែ។សក់ស្ងួតគឺជាសក់ដែលមិនបានទទួលបានជាតិសំណើមមកគ្រប់គ្រាន់ ដែលបណ្ដាលឱ្យបាត់បង់ភាពរលោងរបស់សក់។ មូលហេតុធ្វើឱ្យស្ងួតសក់មានច្រើន ដូចជា
-អ្នកចូលចិត្តផ្លុំសក់រាល់ថ្ងៃ
-កក់សក់ច្រើនពេក
-ប្រើប្រាស់សាប៊ូ ឬក៏ក្រែមបន្ទន់សក់ច្រើនកំណត់ធ្វើឱ្យសក់រាងស្ងួតដូចគ្នា
-កង្វះអាហាររូបត្ថម្ភប្រចាំថ្ងៃ
-អ្នកមានជំងឺ Hypothyroidism ជំងឺ hypothyroidismគឺជាបប្រភេទជំងឺមួយដែល ក្រពេញទីរ៉ូអ៊ីតរបស់អ្នកមិនផលិតអរម៉ូនទីរ៉ូអ៊ីតគ្រប់គ្រាន់ក៏បង្កជាផលប៉ះពាល់ដល់សក់របស់អ្នកបណ្ដាលឱ្យ សក់ស្ងួត និងផុយ គឺជារោគសញ្ញាដំបូងនៃជំងឺនេះផងដែរ។
-អ្នកជាមនុស្សនៅក្រោមកម្ដៅថ្ងៃយូរពេក។
ក្រោយពីបានអានមូលហេតុសក់អ្នកស្ងួត សំពោងចប់ អ្នកប្រាកដជាដឹងហើយថា ទម្លាប់អាក្រក់អ្វីខ្លះហើយដែលធ្វើឱ្យអ្នកមានសក់ស្ងួត សំពោងមិនឈប់នោះ។ ដូច្នេះហើយ អ្នកគួរកែប្រែទម្លាប់របស់អ្នកចេញ។ ទី១កុំផ្ដុំសក់រុំារ៉ៃច្រើនរាល់ថ្ងៃពេកទទួលស្គាល់ថាផ្ដុំសក់គឺសក់ឆាប់ស្ងួតលឿន ក៏ប៉ុន្ដែអ្នកក៏ត្រូវទទួលស្គាល់ពីសុខភាពរបស់អ្នកដូចគ្នា។ ទី២ញុំាអាហារឱ្យបានគ្រប់គ្រាន់ ព្រោះរបបអាហារក៏មានសារសំខាន់សម្រាប់សក់ដូចគ្នា អ្នកខ្វះអាហាររូបត្ថម្ភក៏បណ្ដាលឱ្យសក់របស់អ្នកស្ងួត សំពោង ជ្រុះជាក់ជាមិនខាន។ ដូច្នេះប្រសិនណាអ្នកមានបញ្ហាជ្រុះសក់ ស្ងួតខ្លាំង ធ្វើអ្វីក៏មិនបាត់ ក្រឡែកមើលពីរបបអាហាររបស់អ្នកផង។
ទី៣កុំសក់សក់ញឹកជាប់ពេកព្រោះសាប៊ូកក់សក់ដែលទៅចម្ងាត់អង្កែខ្លាញ់ចេញក៏ពិតមែន តែក៏អាចបង្កជាបញ្ហាស្ងួតស្បែកក្បាលខ្លាំង ស្ងួតសក់ឡើងមកដូចគ្នា។ មួយវិញទៀតទាក់ទងនឹងសាប៊ូកក់សក់ កុំចេះតែប្រើប្រាស់ផ្ដេសផ្ដាសព្រោះអាចបង្កជាបញ្ហាសក់ជ្រុះ និងបញ្ហាស្បែកក្បាលផងដែរ។
ជាមួយគ្នានេះដែរ ប្រសិនណាអ្នកកំពុងតែជ្រុះសក់ ស្ងួតសក់ សំពោងសក់ គួរផ្អាកធ្វើទម្លាប់ទាំងនេះចេញ ប្រយ័ត្នសំពោងសក់ ស្ងួតមិនបាត់៕
ឯកសារយោង៖ www.medicalnewstoday.com/articles