១. Vanza triple (Alyftrek)៖ ជាថ្នាំថ្មីរបស់ក្រុមហ៊ុន Vertex Pharmaceuticals ដែលទទួលបានការអនុម័តពី FDA (រដ្ឋបាលចំណីអាហារ និងឱសថអាមេរិក) នៅចុងឆ្នាំ 2024 សម្រាប់ការព្យាបាលជំងឺដុំសាច់មហារីក (CF) ។ វាជាថ្នាំជំនាន់ថ្មី មានតួនាទីកែលម្អមុខងារហ្សែន CFTR ដែលខូច។ លក្ខណៈពិសេសរបស់វាគឺ លេបតែម្តងក្នុងមួយថ្ងៃងាយស្រួលជាងថ្នាំ Trikafta (ជំនាន់មុន)។ FDA បានអនុញ្ញាតឱ្យប្រើថ្នាំ Alyftrek សម្រាប់អ្នកជំងឺ CF ចាប់ពីអាយុ 6 ឆ្នាំឡើងទៅ ដែលមានការផ្លាស់ប្តូរហ្សែនឆ្លើយតបទៅនឹងការព្យាបាល។ ថ្នាំAlyftrek ជំនាន់ថ្មីនៃថ្នាំព្យាបាលជំងឺដុំសាច់មហារីកដោយរំពឹងលើការលក់ជាង ៨ពាន់លានដុល្លារដល់ឆ្នាំ2030។

២. Datopotamab Deruxtecan (Dato-DXd / Datroway)៖ គឺជាថ្នាំប្រើសម្រាប់ព្យាបាលអ្នកជំងឺមហារីកសួត និងមហារីកសុដន់ដោយដំណើរការប្រើអង្គបដិប្រាណដែលកំណត់គោលដៅ ប្រូតេអ៊ីន TROP2 លើកោសិកាមហារីក ដើម្បីបញ្ជូនបន្ទុកព្យាបាលដោយគីមី (deruxtecan) ដោយផ្ទាល់ទៅកាន់ដុំសាច់ ដែលវារារាំងអង់ស៊ីមដែលហៅថា topoisomerase I ដើម្បីបំផ្លាញ DNA កោសិកាមហារីក និងសម្លាប់កោសិកា។ ក្រុមហ៊ុន Daiichi Sankyo និង AstraZeneca បានអភិវឌ្ឍវាបន្ទាប់ពីភាពជោគជ័យរបស់ Enhertu។ នៅខែ មករា 2025 FDA បានអនុម័ត Dato-DXd ជាផ្លូវការហើយមានការព្យាករថា ការលក់របស់ Datroway នៅក្នុងឆ្នាំ 2030 នឹងឈានដល់ 5.9 ពាន់លានដុល្លារ។

៣. Suzetrigine៖ ជាថ្នាំថ្មីដែលក្រុមហ៊ុន Vertex Pharmaceuticals បានអភិវឌ្ឍន៍សម្រាប់ការព្យាបាល ការឈឺចាប់ និង បញ្ហាសរសៃប្រសាទ។ ហើយក្រុមហ៊ុនបានដាក់ស្នើកម្មវិធីត្រួតពិនិត្យជាអាទិភាពទៅ FDA នៅថ្ងៃទី 30 មករា 2025 ហើយក្រុមហ៊ុនមានផែនការចាប់ផ្តើមទីផ្សារ Suzetrigine នៅសហរដ្ឋអាមេរិកភ្លាមៗបន្ទាប់ពីអនុម័ត។ អ្នកវិភាគព្យាករថា Suzetrigine អាចនឹងមានការលក់ប្រចាំឆ្នាំ 2.9 ពាន់លានដុល្លារ នៅឆ្នាំ 2030។ 

៤. Aficamten៖ គឺជាថ្នាំព្យាបាលជំងឺបេះដូង hypertrophic (HCM) ដែលអភិវឌ្ឍដោយក្រុមហ៊ុនCytokinetics ដើម្បីព្យាបាលរោគសញ្ញាស្ទះសរសៃឈាមបេះដូង hypertrophic cardiomyopathy (oHCM) ដោយកាត់បន្ថយ ការកន្ត្រាក់ការលើសឈាមរបស់ myocardial ដោយមានការសុំអនុម័តពី FDA នឹងធ្វើការសម្រេចចុងខែ កញ្ញា 2025 ។ សម្រាប់ថ្នាំ Aficamten ត្រូវបានគេរំពឹងថានឹងមានការលក់ប្រចាំឆ្នាំប្រមាណជា 2.8 ពាន់លានដុល្លារ នៅឆ្នាំ 2030។

៥. Brensocatib៖ គឺជាថ្នាំដែលត្រូវបានអនុម័តដោយ FDA នៅខែសីហា ឆ្នាំ 2025  សម្រាប់ព្យាបាលជំងឺរលាកទងសួតដែលមិនមែនជាដុំពក (NCFB) ចំពោះមនុស្សពេញវ័យ និងអ្នកជំងឺកុមារដែលមានអាយុលើសពី 12 ឆ្នាំ ជាថ្នាំដំបូងគេដែលកំណត់គោលដៅរកមូលហេតុនៃ NCFB វាដំណើរការដោយការទប់ស្កាត់ dipeptidyl peptidase-1 (DPP1) ដែលជាអង់ស៊ីមដែលធ្វើសកម្មភាព neutrophil serine proteases (NSPs) ដែលបង្កគ្រោះថ្នាក់នៅក្នុងផ្លូវដង្ហើម ។ ហើយថ្នាំនេះត្រូវបានអភិវឌ្ឍដោយក្រុមហ៊ុន Insmed ហើយរំពឹងថានឹងមានការលក់ប្រចាំឆ្នាំប្រមាណ 2.8 ពាន់លានដុល្លារ នៅឆ្នាំ 2030។ 

៦. Tolebrutinib៖ គឺជាឱសថ BTK inhibitor ដែលអភិវឌ្ឍដោយក្រុមហ៊ុន Sanofi សម្រាប់ការព្យាបាល Multiple Sclerosis (MS) និងរំពឹងថាមានការលក់ប្រចាំឆ្នាំប្រមាណ 1.4 ពាន់លានដុល្លារ នៅឆ្នាំ 2030។ ហើយក្រុមហ៊ុន Sanofi បានបន្តការសាកល្បងក្នុង MS និងលុបចោលកម្មវិធី myasthenia gravis នៅដើមឆ្នាំ 2023។ Tolebrutinib ជាថ្នាំ BTK ដំបូងដែលរំពឹងថានឹងទទួលបាន ការចាត់តាំងការព្យាបាលដោយ FDA សម្រាប់ non-relapsing secondary progressive MS (nrSPMS), ជួយពន្យាពេលដល់ការវិវត្តន៍ពិការភាពបានប្រមាណ 31% បើប្រៀបធៀបទៅ placebo។

៧. Mazdutide៖ គឺជាថ្នាំ dual GLP-1/glucagon receptor agonist ដែលអភិវឌ្ឍដោយក្រុមហ៊ុន Innovent សម្រាប់ការគ្រប់គ្រងជំងឺទឹកនោមផ្អែមប្រភេទទី 2 និងភាពធាត់ ហើយរំពឹងថានឹងមានការលក់ប្រចាំឆ្នាំប្រមាណ 1.3 ពាន់លានដុល្លារ នៅឆ្នាំ 2030។ ហើយក្រុមហ៊ុន Innovent បានទទួលសិទ្ធិក្នុងប្រទេសចិនសម្រាប់ mazdutide ចាប់ពីឆ្នាំ 2019 និងកំពុងរង់ចាំការយល់ព្រមពី FDA ។

៨. Depemokimab៖ គឺជាថ្នាំជីវសាស្ត្រដែលត្រូវបានរចនាឡើងដើម្បីព្យាបាលជំងឺហឺត និងរលាកច្រមុះរ៉ាំរ៉ៃ។ ថ្នាំ Depemokimab បានអាចអនុញ្ញាតឱ្យប្រើចន្លោះពេល 6 ខែម្ដងឱ្យមានប្រសិទ្ធភាព។ ការសាកល្បងគ្លីនិកបានបង្ហាញពីប្រសិទ្ធភាពរបស់ថ្នាំ Depemokimab និងទម្រង់សុវត្ថិភាពដែលអាចទទួលយកបាន ហើយថ្នាំនេះកំពុងស្ថិតក្រោមការត្រួតពិនិត្យដោយស្ថាប័ននិយតកម្មដូចជា FDA និងទីភ្នាក់ងារឱសថនៅអឺរ៉ុប។ ជាមួយនឹងប្រសិទ្ធភាពរបស់វាត្រូវបានគេរំពឹងថាការលក់អាចឈានដល់ប្រមាណជា 1.2 ពាន់លានដុល្លារ នៅឆ្នាំ 2030។

៩. MenABCWY vaccine (GSK-3536819)៖ ក្រុមហ៊ុន GSK កំពុងរៀបចំប្រកួតប្រជែងខ្លាំងក្នុងទីផ្សារវ៉ាក់សាំងការពារជំងឺរលាកស្រោមខួរ ដោយបង្ហាញវ៉ាក់សាំងថ្មី ឈ្មោះថា GSK-3536819 ដែលរួមបញ្ចូលសមាសធាតុអង់ទីហ្សែនរបស់ Menveo និង Bexsero ទៅក្នុងវ៉ាក់សាំងតែមួយ។ FDA សម្រេចអនុម័តវ៉ាក់សាំងនេះនៅថ្ងៃទី 14 កុម្ភៈ ហើយវានឹងប្រកួតប្រជែងដោយផ្ទាល់ជាមួយ Penbraya របស់ Pfizer ដែលត្រូវបានអនុម័តកាលពីឆ្នាំ 2023។ ហើយបើទទួលការអនុម័ត វ៉ាក់សាំងថ្មីនេះអាចជំរុញការលក់រហូតដល់ 1.2 ពាន់ទៅដល់ ២ពាន់លានលានដុល្លារក្នុងឆ្នាំ 2030។

១០. Nipocalimab៖ គឺជាអង់ទីករ monoclonal របស់មនុស្សពេញលេញ។ FDA បានអនុម័តឱ្យប្រើថ្នាំ Nipocalimab សម្រាប់ការព្យាបាល gMG ចំពោះអ្នកជំងឺពេញវ័យ និងកុមារដែលមានភាពវិជ្ជមានចំពោះថ្នាំប្រឆាំងនឹងអាសេទីលកូលីន receptor (AChR) ឬអង្គបដិប្រាណប្រឆាំងនឹងសាច់ដុំជាក់លាក់ tyrosine kinase (MuSK) ។ ទីផ្សារនិងការលក់ Nipocalimab ត្រូវបានរំពឹងថានឹងឈានដល់ 1.2 ពាន់លានដុល្លារ នៅឆ្នាំ 2030 ប្រសិនបើទទួលបានការអនុម័តជោគជ័យ។  

គួរបញ្ជាក់ថា ថ្នាំប្រភេទថ្មីទាំង ១០ នេះអ្នកក៏មិនគួរទៅទិញវាប្រើប្រាស់ដោយខ្លួនឯងដោយគ្មានការអនុញ្ញាត ឬគ្មានការត្រួតពិនិត្យឱ្យត្រឹមត្រូវជាមួយគ្រូពេទ្យ។ ប្រសិនបើអ្នកមានបញ្ហាសុខភាព គប្បីត្រូវតែទៅជួបគ្រូពេទ្យដើម្បីធ្វើការពិភក្សានិងពិនិត្យឱ្យបានច្បាស់លាស់មុននឹងទទួលយកការព្យាបាលណាមួយ៕

អត្ថបទដោយ៖ សារួ