សម្រាប់វេជ្ជបណ្ឌិតផ្ទាល់យកចិត្តទុកដាក់មិនត្រឹមតែសុខភាពផ្ទាល់ខ្លួនទេ សូម្បីតែភរិយាក៏ត្រូវយកចិត្តដាក់ចំពោះគាត់បន្ថែមដែរ ប្រសិនបើដឹងនូវអ្វីថ្មី ឬទទួលបានចំណេះដឹងដែលទទួលបានថ្មីពីការសិក្សា និងអានសៀវភៅ Up To Date តែងតែប្រាប់ទៅកាន់ភរិយាជានិច្ច ដើម្បីឱ្យគាត់ស្វែងយល់បន្ថែម បើទោះបីជាគាត់ក៏ជាពេទ្យដូចគ្នាក៏ដោយ មានចំណុចមួយចំនួនអាចនឹងមិនដឹងបានគ្រប់ជ្រុងជ្រោយទេ។ ជាមួយគ្នានេះ លោកវេជ្ជបណ្ឌិតបានលើកឡើងពីវិធីថែទាំសុខភាព និងទម្លាប់មិនល្អដែលគួរចៀសវាង អំឡុងពេលត្រៀមខ្លួនយកកូន៖

២.១. បរិភោគអាហារប៉ូវសុខភាព៖ ក្រុមអាហារសម្បូរទៅដោយសារធាតុចិញ្ចឹមដូចជាធាតុដែក (Iron), កាល់ស្យូម (Calcium), ស័ង្កសី (Zinc), វីតាមីន A C E D និងអូមេហ្គា-3 ជួយជម្រុញមេជីវិតឈ្មោលឱ្យមានកម្លាំងខ្លាំង​ មេជីវិតញីលូតលាស់ល្អ បង្កើនឱកាសនៃការមានកូនខ្ពស់ផងដែរ។ សារជាតិចិញ្ចឹមទាំងនេះសម្បូរនៅក្នុងក្រុមអាហារដូចជា អយស្ទ័រ បន្លែបៃតង ផ្លែឈើ ទឹកដោះគោ គ្រាប់ធញ្ញជាតិ ប្រេងអូលីវ ស៊ុត សាច់គោ ត្រី និងពពួកមើមយឹនស៊ឹន…ជាដើម។

២.១. ញុំាបន្ថែមអាស៊ីតហ្វូលិក (Folic Acid)៖ អាស៊ីតហ្វូលិក Folic Acid ជាវីតាមីនរលាយដែលមានមុខងារជាច្រើននៅក្នុងរាងកាយ។ សម្រាប់សុខភាពមេជីវិតឈ្មោល អាចធ្វើឱ្យប្រសើរឡើងនូវចលនារបស់មេជីវិតឈ្មោល ការសំយោគ និងជួសជុល DNA ដែលមានសារៈសំខាន់សម្រាប់ការអភិវឌ្ឍមេជីវិតឈ្មោលដែលមានគុណភាព និងសុខភាពល្អ។ ចំណែកមេជីវិតញីវិញ អាស៊ីតហ្វូលិក អាចជួយដល់ការបញ្ចេញអូវុល បង្កើនគុណភាពមេជីវិតញី និងបើតាមការសិក្សាជាច្រើនបានរកឃើញ ៤០% នៃស្ត្រីដែលទទួលបាននូវអាស៊ីតហ្វូលិកគ្រប់គ្រាន់ មានឱកាសក្នុងការមានកូនខ្ពស់ ជាកូនកើតមកមានសុខភាពល្អ រឹងមាំ និងឆ្លាត។

សូម្បីតែអំឡុងពេលពពោះ ពេទ្យក៏ណែនាំឱ្យម្តាយញុំាបន្ថែមជាមួយនឹងអាស៊ីតហ្វូលីកដែរ ព្រោះអាចជួយលើកកម្ពស់ការលូតលាស់របស់កូន កាត់បន្ថយហានិភ័យពិការភាពពីកំណើត ជម្រុញដល់ការលូតលាស់ខួរក្បាល និងខួរឆ្អឹងកូនក្នុងផ្ទៃម្តាយ។​