នៅពេលអ្នកមានជំងឺបាកទឹកចិត្ត ឬថប់បារម្ភ ការហាត់ប្រាណច្រើន គឺជារឿងល្អបំផុតដែលជួយកាត់បន្ថយបញ្ហានៅក្នុងចិត្តរបស់អ្នក។ ហើយការធ្វើលំហាត់ប្រាណនេះ ជាការលើកទឹកចិត្តរបស់អ្នកឱ្យមានការផ្លាស់ប្តូរដ៏ធំផងដែរ។ តើការធ្វើលំហាត់ប្រាណអាចជួយជំងឺបាក់ទឹកចិត្ត និងការថប់បារម្ភយ៉ាងដូចម្តេច?

ការធ្វើលំហាត់ប្រាណជួយការពារ និងធ្វើឱ្យប្រសើរឡើងនូវបញ្ហាសុខភាពមួយចំនួនរួមមានដូចជា ជំងឺលើសឈាម ទឹកនោមផ្អែម និងជំងឺរលាកសន្លាក់ជាដើម។ តាមការស្រាវជ្រាវអំពីការធ្លាក់ទឹកចិត្ត និងការថប់បារម្ភ ការធ្វើលំហាត់ប្រាណបានបង្ហាញថា អត្ថប្រយោជន៍ខាងផ្លូវចិត្ត និងរាងកាយ វាធ្វើឱ្យអារម្មណ៍ប្រសើរឡើង និងកាត់បន្ថយការថប់បារម្ភផងដែរ។ ពេលមានទម្លាប់ធ្វើលំហាត់ប្រាណជាប្រចាំ វាជួយរក្សាការធ្លាក់ទឹកចិត្ត មិនឱ្យត្រឡប់មកវិញទេ។​ ការធ្វើលំហាត់ប្រាណជាប្រចាំជួយធ្វើឱ្យអ្នកបន្ធូរភាពតានតឹង និងការថប់បារម្ភដូចជា៖

១. ការធ្វើលំហាត់ប្រាណ ជួយបញ្ចេញអរម៉ូន endorphins ដែលធ្វើឱ្យអ្នកមានអារម្មណ៍ល្អ មកពីបញ្ចេញសារធាតុគីមីក្នុងខួរក្បាល និងបញ្ជេញសារធាតុគីមីខួរក្បាលផ្សេងៗ ទៀត ដែលជួយឱ្យអ្នកមានអារម្មណ៍ល្អ និងសុខភាពរឹងមាំ។

២. ការធ្វើលំហាត់ប្រាណជួយកាត់បន្ថយការព្រួយបារម្ភ និងគំនិតអវិជ្ជមាន ហើយវាជួយចិញ្ចឹមការលើកទឹកចិត្តបានល្អបំផុត។

៣. ការធ្វើលំហាត់ប្រាណជាប្រចាំធ្វើឱ្យអ្នកមានទំនុកចិត្តលើខ្លួនឯង គឺមានវិន័យលើខ្លួនក្នុងការហាត់ប្រាណ។ ទោះបីការធ្វើលំហាត់ប្រាណមានឧបសគ្គ តែវាជាគោលដៅធ្វើឱ្យអ្នកមានអាម្មណ៍ល្អចំពោះរូបរាងកាយរបស់អ្នក។

៤. ការធ្វើលំហាត់ប្រាណ និងសកម្មភាពរាងកាយអាចផ្តល់ឱ្យអ្នកនូវឱកាស ដើម្បីមានទំនាក់ទំនងជាមួយអ្នកដទៃ។ ហើយវាជួយឱ្យអ្នកមានស្មាមញញឹមជាមួយអ្នកដទៃ អ្នកកាន់តែមានអារម្មណ៍ល្អខ្លាំងឡើង។

ក្នុងមួយថ្ងៃ ៣០ នាទីគ្រប់ទេ?

ការធ្វើលំហាត់ប្រាណ ៣០ នាទី ឬច្រើនជាងនេះក្នុងមួយថ្ងៃសម្រាប់រយៈពេលពី ៣ ទៅ ៥ ថ្ងៃក្នុងមួយសប្តាហ៍អាចធ្វើឱ្យអ្នកមានភាពល្អប្រសើរឡើងនូវរោគសញ្ញាជំងឺបាក់ទឹកចិត្ត និងការព្រួយបារម្ភ។ អ្នកគ្រាន់តែចំណាយពេលក្នុងមួយថ្ងៃតែ ៣០ នាទី វាជួយសុខភាពរាងកាយ និងផ្លូវចិត្តផងដែរ។

អត្ថប្រយោជន៍នៃការហាត់ប្រាណ ជួយដល់រាងកាយ និងផ្លូវអារម្មណ៍របស់អ្នកកាន់តែរឹងមាំ។ អ្នកអាចចំណាយពេលធ្វើលំហាត់ប្រាណជាប្រចាំថ្ងៃ​ត្រឹមតែ ៣០ នាទី វានឹងមានឥទ្ធិពលទៅចិត្តគំនិតរបស់អ្នកឱ្យមានភាពរឹងមាំ និងជាមធ្យោបាយដ៏ល្អ ដើម្បីបន្ថយរោគសញ្ញានៃជំងឺធ្លាក់ទឹកចិត្ត និងការថប់បារម្ភ៕



អត្ថបទស្រាវដោយ៖ ទ្រ សុភាព