១. ពេលជួបនឹងមនុស្សគិតអវិជ្ជមាន ចូរចងចាំថាអ្នកជាផ្នែកមួយនៃកោសិកាសង្គម និងនៅក្នុងជម្រៅចិត្តរបស់មនុស្សគ្រប់គ្នាសុទ្ធតែមានចិត្តស្រឡាញ់គ្នាទៅវិញទៅមក។ អ្នកអាចជួបមនុស្សដែលធ្វើឱ្យសេចក្តីសង្ឃឹមរបស់រស់បាន គឺជួបបុគ្គលវិជ្ជមាននេះឯង។ បើអ្នកមានអារម្មណ៍ថាខ្លួនមានអារម្មណ៍អវិជ្ជមានច្រើនពេលជួបបុគ្គលនោះ ចូរដកថយចេញពីគេសិន។ ការធ្វើបែបនេះ ធ្វើឱ្យខ្លួនអ្នកមានថាមពលរឹងមាំ និងមានលក្ខណៈសម្បត្តិគ្រប់គ្រាន់ ធ្វើជាគំរូដ៏ល្អឲ្យដល់ដទៃអ្នកក៏បាន។ ការគិតវិជ្ជមាន និងជួបបុគ្គលវិជ្ជមានជួយធ្វើឲ្យអ្នកមានការរីកចម្រើនទៅមុខរហូត។

២. ចូរផ្លាស់គំនិតរបស់អ្នកឲ្យមកជាការគិតបែបវិជ្ជមាន ជាគំនិតគិតថា មនុស្សគ្រប់គ្នាមិនមែនជាបុគ្គលអាក្រក់ទាំងអស់ទេ វាជារឿងមិនត្រឹមត្រូវទេ! មានមនុស្សខ្លះអាក្រក់មែន តែមិនមែនមានន័យថាមនុស្សគ្រប់គ្នាសុទ្ធតែ អាក្រក់ទាំងអស់អ្វីដែរ នៅមានមនុស្សជាច្រើនឯទៀតក៏មានចិត្តល្អ និងពោរពេញដោយមិត្តមេត្រីនៅលើពិភពលោកយើងនេះ។ ពេលអ្នកគិតវិជ្ជមាន អ្នកស្រូបទាញរឿងល្អៗ ចូលក្នុងជីវិតរបស់អ្នក។

៣. សម្រាប់បុគ្គលទុទិដ្ឋិនិយមជាមនុស្សមិនសូវទុកចិត្តគេហើយមានអារម្មណ៍ឯកោណាស់។ តាមការពិត មូលហេតុដែលធ្វើឲ្យគេមានអារម្មណ៍ឯកោ ព្រោះគេមិនសូវគិតដល់អារម្មណ៍អ្នកផ្សេងឲ្យបានច្រើននោះទេ។ ពេលគេគិតដល់អ្នកផ្សេងមិនបានច្រើន គេក៏នឹងគិតក្នុងចិត្តខ្លួនឯងថា ពួកគេក៏ដូចតែយើងដែរ...ហើយយើងនឹងគិតទៀតថា ពួកគេមើលមកយើងវិញដូចដែលយើងមើលទៅពួកគេអញ្ចឹងដែរ... ហេតុនេះ វាមិនមែនរឿងចម្លែកអ្វីនោះទេ ការដែលពួកគេមានអារម្មណ៍ឯកោយ៉ាងកណ្តោចកណ្តែងនោះ៕ អត្ថបទដោយ៖ ទ្រ សុភាព