នេះជាការបញ្ជាក់ប្រាប់លោកអ្នកថា បើអ្នករស់នៅគ្មានផ្លូវចិត្តរីករាយជាមួយជីវិតរបស់ខ្លួនទេ អ្នកនឹងមានហានិភ័យគឺអាយុខ្លី។ មានខ្លះរងសម្ពាធផ្លូវចិត្តរហូតគិតខ្លី និងជួបបញ្ហាកើតឡើងព្រមៗ គ្នាក្នុងពេលតែមួយ ធ្វើឱ្យមនុស្សដួលដោយអត់ខ្លួនទេ។ បើអ្នកចង់ជម្នះគ្រាលំបាកបែបនេះ អ្នកត្រូវតែរៀនគិតតាមលោកតា  Ewers គឺថា គិតវិជ្ជមានជាថ្នាំផ្តល់ថាមពលផ្លូវចិត្តក្នុងគ្រាលំបាក។ ដូចជាករណីមួយថា ពេលអ្នកប្រឡងធ្លាក់ បើអ្នកគិតអវិជ្ជមានថា ខ្លួនធ្វើមិនបានល្អ និងគ្មានកំណើតដូចជាកូនគេ... ការគិតបែបនេះ វាគ្រាន់តែធ្វើឱ្យចិត្តរបស់អ្នកទន់ខ្សោយតែប៉ុណ្ណោះ។

ផ្ទុយមកវិញមក បើអ្នកគិតវិជ្ជមានថា ការប្រឡងធ្លាក់ជាបទពិសោធន៍ ឱ្យអ្នកចាប់ផ្តើមជាថ្មី។ អ្នកអាចរៀនត ឬរើសជំនាញណាមួយដើម្បីបន្តមុខ មិនមែនចំណាយពេលអង្គុយបាក់ទឹកចិត្តនោះទេ។ មានរឿងមួយទៀត ឱ្យលោកតារស់នៅបានយូរព្រោះតែគាត់មានលុយសម្រាប់ចិញ្ចឹមជីវិត។ លោកតា Ewers ធ្លាប់ជួបបញ្ហាលុយកាក់នៅឆ្នាំ១៩៣៣ វាបានជះឥទ្ធិពលយ៉ាងខ្លាំងដល់អាកប្បកិរិយារហូតគាត់បញ្ហាផ្លូវចិត្ត។

គាត់បានប្រាប់ថា “ខ្ញុំ​នៅ​តែ​ប្រយ័ត្ន​នឹងរឿង​លុយជានិច្ច ហើយខ្ញុំចាយលើអ្វីដែលសំខាន់សម្រាប់ចាយតែប៉ុណ្ណោះ”។ របៀបរស់នៅប្រកបដោយសុវតិ្ថភាព និងចេះសន្សំសំចៃលុយនេះ បានធ្វើឱ្យគាត់និងគ្រួសា រស់នៅមិនខ្វះមុខមិនខ្វះក្រោយពេញមួយជីវិត។ មានរឿងចុងក្រោយមួយទៀតធ្វើឱ្យលោកតាមានអាយុវែងនោះ គឺជីវិតរស់នៅជុំគ្រួសារ។ ការរស់នៅបែបនេះ ធ្វើឱ្យបេះដូងរបស់គាត់រស់ទាំងកក់ក្តៅ មានក្តីស្រឡាញ់ និងមានសុភង្គលក្នុងផ្លូវចិត្ត រស់ដោយមានន័យក្នុងជីវិតរបស់គាត់បំផុត។

សព្វ​ថ្ងៃនេះ គាត់​នៅ​តែ​មាន​ស្មារតី​ល្អ ហើយគាត់​បាន​ច្រៀង​បទ “Danny Boy” ក្នុង​ពេល​សម្ភាសន៍​ជាមួយ​ប៉ុស្តិ៍​ទូរទស្សន៍មួយ ហើយគាត់បាន​និយាយ​លេង​សើច​ថា “ខ្ញុំ​សុខ​សប្បាយ​ទេ! សម្រាប់អ្នករស់នៅមានអារម្មណ៍នៅខាងក្នុងខ្លួនជាអ្នកបរាជ័យនោះ គេមិនអាចធ្វើអ្វីបានច្រើនទេ”៕ អត្ថបទដោយ៖ ទ្រ សុភាព