Collagen ជាប្រភេទប្រូតេអីនម៉្យាង ដែលផ្ដល់ឲ្យស្បែកនូវរចនាសម្ព័ន្ធ ភាពទន់រលោង និងតឹងណែនល្អ។ Collagen មានច្រើនប្រភេទណាស់  និងមានរចនាសម្ព័ន្ធ មិនដូចគ្នានោះទេ។  ជាទូទៅ ការផលិត Collagen នឹងត្រូវថយចុះបន្តិចម្ដងៗ តាមអាយុរបស់មនុស្សយើង ពេលនោះស្បែកនឹងចាប់ផ្ដើម ប្រែជាចាស់ និងជ្រីវជ្រួញ។

Collagen ត្រូវបានផលិតជាទម្រង់គ្រាប់ ឬជាប្រភេទម្សៅ ដែលមនុស្សយើងបរិភោគបាន ដើម្បីបង្កើនសារធាតុនេះ នៅក្នុងខ្លួន ។ ក្រៅពីនេះ លោកអ្នកក៏អាចបង្កើន Collagen តាមរយៈការញ៉ាំអាហារទាំង១០មុខដូចខាងក្រោម ។

១. សាច់មាន់៖ មានការសិក្សាជាច្រើន បានរកឃើញថា មាន់មានផ្ទុក Collagenខ្ពស់ ជាពិសេសត្រង់ជាលិកា ក និងឆ្អឹងខ្ចី ។

២. ត្រី៖ មានផ្ទុក Collagen ជាពិសេសនៅត្រង់ ឆ្អឹង និងសរសៃចំណងរបស់វា។  ប្រភេទត្រី ដូចជា ត្រីSalmon និងត្រី Tuna មានផ្ទុក Collagenខ្ពស់ ។

៣. ស៊ុត៖ ថ្វីត្បិតតែស៊ុតគ្មាន ឆ្អឹង និងសរសៃចំណង តែស៊ុតពណ៌ស សម្បូរដោយ Proline ដែលជាប្រភេទ Amino acids ដ៏សំខាន់ក្នុងការផលិត Collagen ។

៤. ពពួកក្រូច៖ រួមមាន ក្រូចឆ្មារ និងក្រូចថ្លុងជាដើម សម្បូរដោយវីតាមីន C ។ វីតាមីនC ដើរតួនាទីយ៉ាងសំខាន់ ក្នុងការផលិតសារធាតុ Collagen ។

៥. ផ្លែត្របែក៖​ សម្បូរដោយវីតាមីន C និង ស័ង្កសី ជួយជម្រុញការផលិត Collagen ។

៦. ខ្ទឹមស៖ សម្បូរដោយសារធាតុ sulfur ដែលជួយសំយោគ និងរក្សា Collagen ឲ្យមានលំនឹងល្អ។

៧.បន្លែស្លឹកពណ៌ខៀវ៖ សម្បូរដោយសារធាតុរ៉ែ វីតាមីនច្រើនប្រភេទ សារធាតុប្រឆាំងអ៊ុកស៊ីតកម្ម ដែលមានតួនាទីជួយជម្រុញការផលិត Collagen ។

៨. គ្រាប់សណ្ដែក៖ សម្បូរដោយ amino acids ដែលជួយជម្រុញការសំយោគ Collagen និងសារធាតុ ស័ង្កសី ជួយជម្រុញការផលិត Collagen ។

៩. គ្រាប់ស្វាយចន្ទី៖ សម្បូរដោយ ស័ង្កសី និងទង់ដែង ដែលជួយបង្កើនសមត្ថភាព ក្នុងការផលិត Collagen ។

១០. ផ្លែប៉េងប៉ោះ៖ មានផ្ទុកសារធាតុ lycopene ដែលជាសារធាតុប្រឆាំងអ៊ុកស៊ីតកម្មដ៏ល្អ ចំពោះសុខភាពស្បែក ជាពិសេសការផលិត Collagen ៕

អត្ថបទដោយ៖ ហួ ភារ៉ា

ប្រភព៖ www.eatthis.com

​