ជំងឺ ថ្លើមមានច្រើនប្រភេទណាស់ដូចជាថ្លើមប្រភេទអេ​ ប៊ី ស៊ី សុទ្ធសឹងតែប៉ះពាល់សុខភាពដូចៗគ្នា។បើក្រឡែកទៅមើលកត្តាដែលនាំឱ្យកើតជំងឺក្រិនថ្លើមមានច្រើនដូចជាកត្តាហ្សែង ឆ្លងមេរោគ ផឹកគ្រឿងស្រវឹងរាល់ថ្ងៃ​ការប្រើប្រាស់ថ្នាំផ្ដេសផ្ដាស។ដោយសារតែថ្លើមគឺជាសរីរាង្គយ៉ាងសំខាន់នៅក្នុងខ្លួនរបស់យើងដូច្នេះហើយគួរតែយកចិត្តទុកដាក់ការពារថែទាំកុំឱ្យឆ្លងរោគផ្ដេសផ្ដាសដូចជាក្រិនថ្លើមជាដើមបើទុកយូរមិនព្រមព្យាបាលទាន់ពេលអាចស្លាប់បានជំងឺក្រិនថ្លើមនេះ។

ដូច្នេះហើយសូមដឹងពីរោគសញ្ញាជំងឺក្រិនថ្លើមទាំងអស់គ្នាថាតើបញ្ចេញជាសញ្ញាបែបណាឱ្យយើងបានដឹង?

ដោយយោងតាមរយៈគេហទំព័រmedicalnewstodayបានបញ្ជាក់ឱ្យដឹងថាជំងឺក្រិនថ្លើមកើតឡើងអាចមកពីការរលាក កាលណាថ្លើមចាប់ផ្ដើមរលាកយូរទៅៗក៏កើតទៅជាសន្លាកច្រើនៗបណ្ដាលឱ្យក្រិនថ្លើមឡើងមក។ ក្រិនថ្លើមនេះគឺបង្កជាផលប៉ះពាល់ដល់សរីរាង្គយ៉ាងច្រើនដូចជា ក្រលៀន សរសៃឈាមបេះដូង សួត ស្បែក ក្រចក ក្រពះពោះវៀនជាដើមដែលជាមូលហេតុនាំឱ្យអ្នកកើតជំងឺក្រិនថ្លើមទុកយូរមិនព្រមព្យាបាលអាចស្លាប់បាត់បង់ជីវិតបាន។

ចំពោះរោគសញ្ញាជំងឺក្រិនថ្លើមគឺ​មានច្រើនដូចជា៖

-អស់កម្លាំងជាប្រចាំ ក្អួតចង្អោរ

-បាត់បង់ចំណង់អាហារ

-កើតជំងឺខាន់លឿន

-ហើមជើងដៃនិងពោះជាពិសេសហើមពោះខ្លាំង

-ថ្លើមលំពែងរីកធំខ្លាំង

-បាត់បង់ចំណង់ផ្លូវភេទឬខ្សោយផ្លូវភេទ

-កើតរមាស់ខ្លាំង។

មួយវិញទៀតផ្អែកតាមការចែករំលែករបស់អ្នកឧកញ៉ាវេជ្ជបណ្ឌិត គួច ម៉េងលី បានលើកឡើងថា ថ្លើមប្រសិនបើយើងមិនយកចិត្តទុកដាក់ថែទាំទេ​ និងងាយកើតទៅជារោគថ្លើម។ ជំងឺនេះផ្ទាល់ភាគច្រើន គឺកើតមកពីវីរុស​មានច្រើនប្រភេទណាស់ និងបង្កចេញជាជំងឺថ្លើមប្រភេទផ្សេងៗ ដែលជាទូទៅមេរោគថ្លើមដែលគេសង្កេតឃើញមានកើតច្រើន និងគ្រោះថ្នាក់ជាងគេគឺ ជំងឺថ្លើមប្រភេទ​ អេ​ ប៊ី​ និងស៊ី។ លោកវេជ្ជបណ្ឌិតបន្ថែមថាជំងឺថ្លើមនេះ ប្រសិនណាមិនព្រមទទួលការព្យាបាលឱ្យបានត្រឹមត្រូវទេ អាចនឹងបង្កជាអាការធ្ងន់ធ្ងរដល់ថ្លើម បណ្ដាលឱ្យក្រិនថ្លើម ហើមថ្លើម​…ជាដើម។

ជាចុងក្រោយទាំងអស់នេះសុទ្ធសឹងជាហានិភ័យដែលបង្កមកពីជំងឺក្រិនថ្លើម ឬក៏ថ្លើមកើតជាជំងឺផ្សេងៗជាច្រើនទៀតដូច្នេះសូមបងប្អូនយកចិត្តទុកដាក់ថែទាំតាមរយៈកាត់បន្ថយញុំាប៊ីយេរ​ អាហារកែច្នៃ ថ្នាំលេបឬក៏អាហារបំប៉ងផ្ដេសផ្ដាស…៕

អត្ថបទដោយ៖ប៉ែត ធីតា