មានការសិក្សាជាច្រើន បានធ្វើការណែនាំថា ការញុំាបន្លែផ្លែឈើប្រចាំថ្ងៃល្អចំពោះសុខភាព។ ព្រោះតែបន្លែផ្លែឈើ សម្បូរជាតិសរសៃ​វីតាមីន សារធាតុរ៉ែជាច្រើន ដែលមានប្រយោនជ៍ជួយសុខភាពរបស់មនុស្ស។ ទោះជាយ៉ាងនេះក្ដី ការញុំា តែបន្លែផ្លែឈើ សុទ្ធរាល់ថ្ងៃក៏មិនបានផ្ដល់ផលល្អដល់រាងកាយរបស់អ្នកគ្រប់គ្រាន់នោះទេ​ជាពិសេសប្រសិនណាអ្នកកំពុងតែមានជំងឺប្រចាំកាយទៀត គឺកាន់តែប្រយ័ត្ន។

ជាក់ស្ដែង ដូចក្នុងករណីមួយនេះ ស្រ្តីជនជាតិរុស្សីម្នាក់ឈ្មោះថា Zhanna Samsonova តារាលើបណ្ដាញសង្គមមួយរូប ដែលតែងតែផុស សកម្មភាព របបអាហារប្រចាំថ្ងៃរបស់នាង តែឥឡូវនាង បានស្លាប់​កាលពីថ្ងៃទី២១ ខែកក្កដា ឆ្នាំ២០២៣នេះ ដោយសារខ្វះអាហាររូបត្ថម្ភនេះបើយោងតាមរយៈប្រភព telegraph ។ នាងត្រូវបានគេស្គាល់ថា ជាអ្នកតមអាហារ ចូលចិត្តញុំអាហារបួស ញុំាតែបន្លែផ្លែឈើរាល់ថ្ងៃហើយនាងក៏មានទម្លាប់១គឺផឹកតែទឹកបន្លែផ្លែឈើស្រស់ៗផឹករាល់ថ្ងៃ រយៈពេល៦ឆ្នាំមកហើយ ដោយមិនផឹកទឹកទាល់តែសោះ។ នេះសបញ្ជាក់ឱ្យដឹងថា របបអាហារញុំាតែផ្លែឈើ បន្លែសុទ្ធមិនត្រឹមត្រូវនោះទេ។របបអាហារដែលត្រឹមត្រូវគឺជារបបអាហារមានសារធាតុចិញ្ចឹមគ្រប់គ្រាន់។ ម្យ៉ាងវិញទៀត ដូចករណីការញុំាផ្លែចេក និងផ្លែប័រ ក្រុមផ្លែនេះ គឺសម្បូរវីតាមីននិងសារធាតុចិញ្ចឹមជួយដល់រាងកាយច្រើនណាស់ ដូចជាបេះដូង លើសឈាម ស្រ្តេស តានតឹង ខួរក្បាល រួមទាំងសុខភាពផ្លូវភេទផងដែរ។ ​ក៏ប៉ុន្ដែផ្លែឈើទាំងនេះសម្បូរដោយ ជាតិសូដ្យូមច្រើនណាស់ ហើយត្រូវបានហាមញុំាឬក៏កាត់បន្ថយញុំាប្រសិនណាអ្នកកំពុងមានបញ្ហាតម្រងនោម។ ព្រោះអាចបង្កជាផលប៉ះពាល់ តម្រងនោមកាន់តែលឿនជាងធម្មតា នេះបើយោងតាមរយៈប្រភព verywellhealth-com៕

អត្ថបទដោយ៖ ធីតា