ប្រទាលកន្ទុយក្រពើ(Aloe Vera) មានផ្ទុកដោយ វីតាមីន C វីតាមីន E វីតាមីន B9 និងវីតាមីន B12 ។ វាក៏មានសារធាតុរ៉ែដូចជា កាល់ស្យូម ទង់ដែង សូដ្យូម ម៉ាញ៉េស្យូម ប៉ូតាស្យូម សេលេញ៉ូម ម៉ង់ហ្គាណែស ស័ង្កសី ជាដើម។ ចំពោះសារធាតុរ៉ែ វីតាមីនទាំងនោះគឺមានអត្ថប្រយោជន៍ជួយសុខភាពរាងកាយច្រើន នេះបើយោងតាមរយៈគេហទំព័រ healthline បានបកស្រាយថា អត្ថប្រយោជន៍ជាច្រើននោះមានដូចជា

១.ជួយគ្រប់គ្រងជាតិស្ករក្នុងឈាម៖ យោងតាមរយៈការវិភាគនៅឆ្នាំ២០១៦ គេបានរកឃើញថា ទឹកប្រទាលកន្ទុយក្រពើ មានប្រយោជន៍ជាច្រើន ជួយដល់ការគ្រប់គ្រងជាតិស្ករនៅក្នុងរាងកាយ មានន័យថា ញុំាហើយមិនសូវធ្វើឱ្យមានជាតិស្ករនៅក្នុងខ្លួនរបស់អ្នកច្រើន ដូចជាប្រភេទភេសជ្ជៈផ្សេងៗទៀត។

២.កាត់បន្ថយរលាកអញ្ចាញធ្មេញ៖ ពិតជាអស្ចារ្យណាស់ទឹកប្រទាលកន្ទុយក្រពើអាចជួយកាត់បន្ថយការរលាកនៃអញ្ចាញធ្មេញ។ ទោះជាយ៉ាងនេះក្ដី មិនមែនមានន័យថា ឱ្យតែអ្នកផឹកទឹកនេះ ដឹងតែចជាពីជំងឺរលាកអញ្ចាញឱ្យបាច់ព្យាបាលនោះទេ។ គ្រាន់តែជួយបញ្ហានេះឱ្យកាន់តែប្រសើរជាងមុនប៉ុណ្ណោះ នេះបើតាមរយៈការសិក្សា ។

៣.ផ្ដល់វីតាមីនស៊ី ៖ ទឹកប្រទាល់កន្ទុយក្រពើសម្បូរដោយ វីតាមីនស៊ីជាច្រើ​ន ដែលវីតាមីននេះ មានប្រយោជន៍ច្រើនណាស់សម្រាប់រាងកាយរបស់អ្នក។ គឺជួយដល់ស្បែក​បំពេញកូឡាជេន កាត់បន្ថយភាពជ្រីវជ្រួញរបស់ស្បែក ធ្វើឱ្យស្បែក ទន់រលោង មានសំណើម សុខភាពល្អ។ ម្យ៉ាងវិញទៀត ពពួកវីតាមីនស៊ីនេះក៏ជួយ កាត់បន្ថយហានិភ័យនៃជំងឺសរសៃឈាមបេះដូង ដល់ការកែលម្អមុខងារប្រព័ន្ធភាពស៊ាំ។ ការទទួលបានវីតាមីន C គ្រប់គ្រាន់ក៏ជួយបង្កើនសមត្ថភាពរបស់រាងកាយក្នុងការស្រូបយកជាតិដែកពីអាហារដែលចូលរួមក្នុងការផលិតកោសិកាឈាមក្រហមផងដែរ៕

អត្ថបទដោយ៖ ធីតា