បងប្អូនបានដឹងហើយថាក្នុងពេលបច្ចុប្បន្ននេះមាន បងប្អូនភាគច្រើនចូលចិត្តញុំាស្រាទាំងក្មេងទាំងចាស់ ព្រោះតែងតែមានការជួបជុំ គ្រប់កម្មវិធីនិងម្ចាស់កម្មវិធីចង់បានភាពសប្បាយ​ ជួបជុំមិត្តចាស់ថ្មីជាដើម ។ ប៉ុន្តែស្រារអាចបង្កអោយមានជំងឺកើនឡើនជារឿយៗ ។

តាមការឱ្យដឹងរបស់CDCអាមេរិកបានឱ្យដឹងថាជាទូទៅស្រាអាចជះឥទ្ធិពលផ្សេងៗក៏ដូចជាជំងឺ ២ផ្នែកដែលរួមមាន៖

១.ហានិភ័យសុខភាពរយៈពេលវែង ៖ យូរៗទៅ ការប្រើប្រាស់គ្រឿងស្រវឹងច្រើនហួសប្រមាណអាចនាំទៅរកការវិវត្តនៃជំងឺរ៉ាំរ៉ៃ និងបញ្ហាធ្ងន់ធ្ងរផ្សេងទៀតរួមមាន «ជំងឺលើសឈាម ជំងឺបេះដូង ជំងឺដាច់សរសៃឈាមខួរក្បាល ជំងឺថ្លើម និងបញ្ហារំលាយអាហារ មហារីកសុដន់ មហារីកមាត់ បំពង់ក បំពង់អាហារ ប្រអប់សំឡេង ថ្លើម ក្រពះ ពោះវៀនធំ និងរន្ធគូថផងដែរ។បន្ថែមពីនេះក៏មាន ការចុះខ្សោយនៃប្រព័ន្ធភាពស៊ាំ បង្កើនឱកាសនៃការឈឺនិងងាយឆ្លងជំងឺផ្សេងៗ ប៉ះពាល់ដល់ការរៀនសូត្រ និងការចងចាំ រួមទាំងជំងឺវង្វេង ថែមទៀតផង។មួយវិញទៀតបញ្ហាសុខភាពផ្លូវចិត្ត រួមទាំងជំងឺធ្លាក់ទឹកចិត្ត និងការថប់បារម្ភ បញ្ហាសង្គម រួមទាំងបញ្ហាគ្រួសារ បញ្ហាការងារ និងភាពអត់ការងារធ្វើក៏អាចដោយសារស្រានេះដែរ។

២.ហានិភ័យរយៈពេលខ្លី ៖​ ការប្រើប្រាស់គ្រឿងស្រវឹងច្រើនហួសប្រមាណមានផលប៉ះពាល់ភ្លាមៗ​ដែលបង្កើនហានិភ័យនៃស្ថានភាពសុខភាពដែលបង្កគ្រោះថ្នាក់ជាច្រើនដូចជា របួសដោយសារគ្រោះថ្នាក់ចរាចរណ៍ ការលង់ទឹក អគ្គីភ័យ អំពើហិង្សា រួមទាំងការធ្វើអត្តឃាត ការរំលោភផ្លូវភេទ និងអំពើហិង្សាពីដៃគូជិតស្និទ្ធផឹកស៊ីជាមួយគ្នាផងដែរ។​ ពេលខ្លះក៏មានការពុលស្រាភ្លាមៗ ដែលត្រូវជាការសង្គ្រោះបន្ទាន់ផ្នែកវេជ្ជសាស្រ្តដែលបណ្តាលមកពីកម្រិតជាតិអាល់កុលក្នុងឈាមខ្ពស់។​អាកប្បកិរិយាផ្លូវភេទដោយមិនដឹងខ្លួន ដែលមានហានិភ័យ រួមទាំងការរួមភេទដោយមិនបានការពារបង្កជាជំងឺឆ្លង ​ឬ​ការរួមភេទជាមួយដៃគូច្រើន។ហើយអាកប្បកិរិយាទាំងនេះអាចបណ្តាលឱ្យមានផ្ទៃពោះដោយអចេតនា ឬជំងឺកាមរោគ រួមទាំងមេរោគអេដស៍ផងដែរទាំងនេះគឺដោយសារតែការវង្វេងស្មារតី មួយភ្លែតដោយគ្មានការគតពិចារណាពេលស្រាចូលខ្លួន ។

បងប្អូនមិនគួរ ផឹកស្រាច្រើនពេក ការផឹកស្រាខ្លាំង ការផឹកដោយចង់យកឈ្នះគ្នា និងការផឹកស្រាពេលកំពុងពពោះ ឬមនុស្សដែលមានអាយុតិចជាង ២១ គឺប្រឈមបញ្ហាខ្ពស់ណាស់។

ជារួមមកការ មិនផឹកស្រារច្រើន អ្នកអាចកាត់បន្ថយហានិភ័យនៃសុខភាពរយៈពេលខ្លី និងរយៈពេលវែងដូចបានរៀបរាប់ខាងលើ ។ហើយវាមិនសូវឱ្យបងប្អូនចំណាយលុយកាក់ច្រើន ហើយកាន់តែល្អបើបងប្អូនកុំញុំាគ្រឿងស្រវឹង គឺវាជួយដល់បងប្អូនច្រើន ទាំងចំណាយពេលវេលា ទាំងការចំណាយនិងមិនប៉ះពាល់ចំណូលរបស់បងប្អូនផងដែរ  ។​ 

ប្រភព ៖ www.cdc.gov

អត្ថបទដោយ ៖ ជុជ ណាឃីម